နိုဝင်ဘာ ၂၃၊ ၂၀၁၈
M-Media
– အစ္စလာမ်သာသနာဟာ အမျိုးသမီးတွေကို ခွဲခြားဆက်ဆံဖို့ မသွန်သင်ဘူးလို့ အစ္စတန်ဘူလ်မှာပြုလုပ်တဲ့ ‘၃ ကြိမ်မြောက် အမျိုးသမီးနဲ့ တရားရေးညီလာခံ’ မှာ တူရကီသမ္မတ အာဒိုဂန်က ပြောကြားလိုက်ပါတယ်။
“အစ္စလာမ်ဟာ လူသားကို ကျား၊ မ၊ အသားအရောင်တွေကို အခြေခံပြီးမကြည့်ဘဲ လူသားလို့ပဲ ရှုမြင်ပါတယ်။ အမျိုးသမီးတွေကို ကျွန်တော်တို့ ခွဲခြားဆက်ဆံလို့ မရပါဘူး”
မိသားစုကဏ္ဍနဲ့ စီးပွားရေးကဏ္ဍတွေမှာ အမျိုးသမီးတွေဟာ မရှိမဖြစ် လိုအပ်တယ်လို့ အာဒိုဂန်က ဆိုပြီး အမျိုးသား၊ အမျိုးသမီးတွေ ပူးပေါင်းအားထုတ်ပြီး တူရကီ ယဉ်ကျေးမှုနဲ့ တူရကီက အစ္စလာမ်သာသနာကို ပုံဖော်တာဖြစ်တယ်လို့လည်း ပြောကြားခဲ့ပါတယ်။
“အမျိုးသမီးတွေက စီးပွားရေးမလုပ်ရဘူး၊ အမျိုးသားတွေ အိမ်အလုပ်မလုပ်ရဘူးဆိုတဲ့ သဘောထားက ကမ္ဘာဦးကတည်းက ရှိခဲ့တာပါ”
အနောက်တိုင်းဟာ အမျိုးသမီးတွေကို အမှောင်ခေတ်ကလို ကုန်ပစ္စည်းတစ်ခုအဖြစ် အသုံးပြုနေတယ်လို့လည်း အာဒိုဂန်က စွပ်စွဲခဲ့ပါတယ်။
“အတိတ်တုန်းက အမျိုးသမီးတွေကို ကုန်ပစ္စည်းတစ်ခုသဖွယ် အသုံးပြုခဲ့ကြပြီး အခုခေတ်မှာလည်း တန်းတူညီမျှရေးဆိုတဲ့ ခေါင်းစဉ်နဲ့ ဒီလို အသုံးပြုနေကြတုန်းပါ။ မထူးဆန်းပါဘူး”
တူရကီလွှတ်တော်မှာ အမျိုးသမီးအမတ် ၁၇.၅ ရာခိုင်နှုန်း (၁၀၄ ဦး) ရှိတာကို အာဒိုဂန်က ထောက်ပြခဲ့ပြီး စံချိန်တင်ပမာဏ ဖြစ်ပေမယ့် မလုံလောက်သေးဘူးလို့ ဆိုပါတယ်။
သူတို့ပါတီ AK အာဏာရတဲ့ ၂၀၀၂ ခုနှစ်ကတည်းက တူရကီနိုင်ငံ လုပ်သားအင်အားမှာ အမျိုးသမီးအရေအတွက် ပိုမို မြင့်တက်လာတယ်လို့လည်း အာဒိုဂန်က ပြောပါတယ်။
“တူရကီတက္ကသိုလ်တွေမှာ ပညာရှင်တွေရဲ့ ၄၄ ရာခိုင်နှုန်းက အမျိုးသမီးတွေပါ။ တူရကီသံတမန်တွေရဲ့ ၂၀ ရာခိုင်နှုန်းကျော်ကလည်း အမျိုးသမီးတွေပါပဲ”
Ref: AA