မတ် ၂၇၊ ၂၀၂၀
M-Media
-ကမ္ဘာပေါ်မှာ COVID-19 ကူးစက်သူ အရေအတွက်ဟာ သန်းဝက်ကျော် ၅၃၁၀၀၀ ရှိလာခဲ့ပြီဖြစ်ပါတယ်။
အမေရိကန်ပြည်ထောင်စုမှာ ကူးစက်သူ ၈၆၀၀၀ လောက်ရှိနေပြီး ဒါဟာ နိုင်ငံအလိုက် အများဆုံးပါ။
ကမ္ဘာတစ်ဝှမ်း သေဆုံးသူအရေအတွက်ဟာ ၂၄၀၅၄ ဦးရှိနေပြီး ပြန်လည်ကောင်းမွန်သူအရေအတွက်ကတော့ ၁၂၂၀၀၀ကျော် ရှိနေပါတယ်။ သေဆုံးမှုနှုန်းအမြင့်ဆုံးက အီတလီနိုင်ငံဖြစ်ပြီး စုစုပေါင်း ၈၂၀၀ ကျော် ရှိနေပြီဖြစ်ပါတယ်။
ကူးစက်မှု ဒုတိယအများဆုံးက တရုတ်ဖြစ်ပြီး ၈၁၇၈၂ ဦး ရှိနေတာပါ။ အီတလီက ကူးစက်မှုမှာ တတိယနေရာလိုက်နေပြီး ၈၀၅၈၉ ဦး ရှိပါတယ်။
ကိုရိုနာဗိုင်းရပ်စ် တိုက်ဖျက်ရေးအတွက် ကမ္ဘာ့နိုင်ငံတွေဟာ လှုပ်ရှားသွားလာမှုကန့်သတ်တာ၊ နယ်စပ်တွေပိတ်တာ၊ နိုင်ငံကို တံခါးပိတ်တာတွေ တိုးမြှင့်လုပ်ဆောင်နေကြပါတယ်။
Ref: Aljazeera