မေ ၁၆၊ ၂၀၂၀
M-Media
-ထိုင်းနိုင်ငံမှာ ဒီကနေ့ Covid-19 ကြောင့်သေဆုံးသူ၊ ထပ်မံကူးစက်သူ မရှိတော့ဘဲ အခြေအနေတွေ တိုးတက်လာတဲ့အတွက် စီးပွားရေးလုပ်ငန်းတွေ၊ ကုန်တိုက်တွေ ပြန်ဖွင့်ဖို့ အစိုးရက စီစဉ်နေပါတယ်။
ထိုင်းနိုင်ငံမှာ ကူးစက်သူအရေအတွက် စုစုပေါင်း ၃၀၂၅ ဦး ရှိပြီး၊ သေဆုံးသူက ၅၆ ဦး ရှိပါတယ်။ တစ်ရက်အတွင်း ရောဂါကူးစက်သူ မရှိတာဟာ မတ်လ ၉ ရက်နေ့ကစလို့ ဒုတိယအကြိမ်မြောက်ဖြစ်ပါတယ်။
တနင်္ဂနွေနေ့မှာ စျေးဝယ်စင်တာတွေ ပြန်ဖို့ အစိုးရက ခွင့်ပြုခဲ့ပြီး ညမထွက်ရအချိန်ကိုလည်း တစ်နာရီလျော့ပေးကာ ည ၁၀ နာရီ- မနက် ၄ နာရီအထိ သတ်မှတ်ခဲ့ပါတယ်။ အဆောက်အဦးထဲမှာဖွင့်လှစ်တဲ့ စားသောက်ဆိုင်တွေ၊ လက်ကားအရောင်းဆိုင်တွေ၊ ကိုယ်ကာယ လေ့ကျင့်ရေးစင်တာတွေကိုလည်း အကန့်အသတ်နဲ့ အစိုးရ ပြန်ဖွင့်ခွင့် ပေးထားပါတယ်။
Covid-19 အခြေအနေ စီမံခန့်ခွဲရေးစင်တာ CCSA ပြောရေးဆိုခွင့်ရှိသူ စီးပွားရေးအရ လိုအပ်တဲ့အတွက် ကန့်သတ်ချက်တွေကို ဖြေလျော့ပေးတာဖြစ်ပေမယ့် ရောဂါကူးစက်မှု ဒုတိယလှိုင်း ဖြစ်လာမှာကို စိုးရိမ်မိတယ်လို့ မနေ့မှာ ပြောကြားခဲ့ပါတယ်။
Ref: CNA