ဇွန် ၇၊ ၂၀၂၃
M-Media
![](http://www.m-mediagroup.com/wp-content/uploads/2023/06/Fx6z9yaX0AIpdc7.jpeg)
-ဒုံးခွင်းစနစ်တွေကို ဖြတ်ကျော်၀င်ရောက်နိုင်တဲ့ ပြည်တွင်းဖြစ် အသံထက်မြန်တဲ့ ဒုံးကျည်ကို အီရန်က ပထမဆုံးအကြိမ် ထုတ်ဖော်ပြသလိုက်ပါတယ်။
‘ဖာတာ’ လို့အမည်ပေးထားတဲ့ ဒီဒုံးကျည်ဟာ အီရန်စစ်တပ်ကို ပတ်၀န်းကျင်နိုင်ငံတွေထက် နှာတစ်ဖျားသာစေမှာ ဖြစ်ပါတယ်။
အသံထက် ၅ ဆ မြန်တဲ့ ဒုံးကျည်တွေကို လက်ရှိ ကမ္ဘာမှာ အမေရိကန်၊ ရုရှား၊ တရုတ်နဲ့ မြောက်ကိုရီးယားတို့သာ ပိုင်ဆိုင်ထားပါတယ်။ ဒီစာရင်းမှာ အီရန်က ပါ၀င်လာတာပါ။
ဖာတာဒုံးကျည်ဟာ တစ်စက္ကန့်ကို ၁၆၈၈၀ ပေ သွားပြီး မိုင်ပေါင်း ၈၇၀ အထိ ရောက်ရှိနိုင်ပါတယ်။
အသံထက်မြန်တဲ့ ဒုံးကျည် တီထွင်ထုတ်လုပ်နေကြောင်း အီရန်တော်လှန်ရေးအစောင့်တပ်ဖွဲ့ရဲ့ လေတပ်အကြီးအကဲ အမီရ် အလီ ဟာဂျီဇာဒါက ပြီးခဲ့တဲ့ နို၀င်ဘာလမှာ ထုတ်ပြောခဲ့တာပါ။ အဲဒီနောက် ၆ လအကြာမှာပဲ ပထမဆုံး ဒုံးကျည်ကို ထုတ်ပြလာနိုင်တာ ဖြစ်ပါတယ်။
အသံထက်မြန်တဲ့ ဒုံးကျည်တွေဟာ ကမ္ဘာ့လေထုရဲ့ အပြင်ဖက်ကနေပါ ပျံသန်းနိုင်ပြီး ဒုံးခွင်းစနစ်တွေက ဟန့်တားဖို့ မလွယ်ကူတဲ့ ဒုံကျည်မျိုးဖြစ်ပါတယ်။
Ref: Aljazeera
Comments