ဖေဖော်၀ါရီ ၅၊ ၂၀၂၄
M-Media
-ဂါဇာကမ်းမြှောင်မှာရှိတဲ့ ပါလက်စတိုင်းတွေကို ပတ်၀န်းကျင် အာရပ်နိုင်ငံတွေဆီပို့ဆောင်ကာ ဂါဇာကို အမေရိကန်က သိမ်းယူသွားမယ်လို့ အမေရိကန် သမ္မတ ဒေါ်နယ်ထရမ့်က အစ္စရေး၀န်ကြီးချုပ် နေတန်ယာဟုနဲ့ တွေ့ဆုံအပြီးမှာ ထုတ်ဖော်ပြောကြားလိုက်ပါတယ်။
ဂါဇာဟာ နှစ်ပေါင်း ၇၀ ကျော်အတွင်း အစ္စရေးရဲ့ အကြိမ်ကြိမ် အကြမ်းဖက် တိုက်ခိုက်ဖျက်ဆီးခြင်းကို ခံခဲ့ရတဲ့ဒေသ ဖြစ်ပါတယ်။ ၂၀၂၃ ခုနှစ် အောက်တိုဘာလက စတင်တဲ့ အစ္စရေးရဲ့ တစ်ကျော့ပြန် လူသတ်ပွဲအတွင်းမှာတင် ဂါဇာပြည်သူ ၆၂၀၀၀ ကျော် အသတ်ခံခဲ့ရပြီး၊ ကမ်းမြှောင်တစ်ခုလုံးကိုလည်း အစ္စရေးက ဖျက်ဆီးခဲ့ပါတယ်။
ထရမ့်က ပတ်၀န်းကျင် အာရပ်နိုင်ငံတွေဟာ ဂါဇာပြည်သူတွေကို ခေါ်ယူလက်ခံထားရမှာဖြစ်ပြီး ဂါဇာကမ်းမြှောင်ကို အမေရိကန်က သိမ်းပိုက်ကာ အိမ်ယာတွေဆောက်လုပ်ပြီး ဖွံ့ဖြိုးရေးလုပ်ငန်းတွေ လုပ်ဆောင်သွားမယ်လို့ ပြောကြားခဲ့ပါတယ်။
ထရမ့်ရဲ့ ဒီပြောကြားမှုကို အာရပ်နိုင်ငံတွေက လက်မခံကြောင်း ချက်ခြင်းပဲ တု့န်ပြန် ကန့်ကွက်ထားပါတယ်။
Ref: Reuters