News @ M-Media

ကိုဖုန်းမော်၊ ကိုစိုးနိုင် ကျဆုံးခြင်း ငွေရတု အထိမ်းအမှတ် ကျင်းပရေး အစည်းအဝေးလုပ်

ဖေဖော်ဝါရီလ ၂၀၊၂၀၁၃
M-Media
သတင်း-ပသီဆောင်းနှင်းမှုံ

P2180164

၂၅ နှစ်မြောက် ငွေရတုအထိမ်းအမှတ် ကိုဖုန်းမော်၊ ကိုစိုးနိုင်ကျဆုံးခြင်းနှင့် မြန်မာနိုင်ငံ လူ့အခွင့်အရေးနေ့ အခမ်းအနားကို ကျင်းပနိုင်ရေး အတွက် တနလာင်္နေ့က ကျင်းပရေးကော်မတီမှ အစည်းအဝေးတစ်ရပ် ပြုလုပ်ခဲ့ကြောင်း သတင်းရရှိသည်။ ကိုဖုန်းမော် ကျဆုံးသည့် မတ်လ ၁၃ရက်နေ့တွင် တော်ဝင်နှင်းဆီ ခန်းမ၌ ကျင်းပပြုလုပ်မည် ဖြစ်ကြောင်း သိရသည်။

ထိုနေ့ကို ၁၉၈၉ခုနှစ်  ကိုဖုန်းမောင်တို့ ကျဆုံးသည့် (၁)နှစ်ပြည့်အခမ်းအနားမှာ  သတ်မှတ်ခဲ့သည့်   မြန်မာနိုင်ငံ လူ့အခွင့်အရေးနေ့အဖြစ် ယင်းကျင်းပရေး ကော်မတီမှ ဆက်လက်အတည်ပြုကြောင်း သိရသည်။

ကိုဖုန်းမော်တို့ ကျဆုံးခဲ့ခြင်းသည် ၈ လေးလုံး အရေးတော်ပုံကြီး၏ ပထမဦးဆုံး တံခါးချပ် တစ်ခု ဖြစ်ခဲ့ပြီး သမိုင်းဝင်နေ့တစ်နေ့ ဖြစ်ကြောင်း သိရသည်။၁၉၈၈ခုနှစ် ၊ မတ်လ (၁၃)ရက်နေ့တွင် ကိုဖုန်းမော်မှာ ပွဲချင်းပြီးကျဆုံး ခဲ့ပြီး ၊ကိုစိုးနိုင်သည် ဧပြီလ (၅)ရက်နေ့တွင် ထပ်မံ ကျဆုံးခဲ့ကြောင်း သမိုင်းကြောင်းများအရ သိရသည်။တဆက်တည်း  မတ်(၁၆) တံတာနီ၊ ဂျွန်(၂၁) မြေနီကုန်းနှင့် ၈ လေးလုံးအရေးတော်ပုံများ ဖြစ်ပွားခဲ့သည်။ ထို့ကြောင့် ကိုဖုန်းမော် ကျဆုံးသော မတ်လ(၁၃) ရက်နေ့သည် ထူးခြားသောနေ့တစ်နေ့ ဖြစ်ကြောင်း သိရသည်။

အဆိုပါ အခမ်းအနား ဖြစ်မြောက်ရေး အတွက် ၀ါရင့်နိုင်ငံရေးအဖွဲ့၊ ရန်ကုန် စက်မှုတက္ကသိုလ် ကျောင်းသားအဖွဲ့ဝင်ဟောင်းများ၊ CSL မြန်မာနိုင်ငံလုံးဆိုင်ရာ အင်ဂျင်နီယာများ ကွန်ယက်၊ ယခင်ကျင်းပရေးကော်မတီဝင်ဟောင်းများ၊ လူ့ဘောင်သစ် ဒီမိုကရက်တစ်ပါတီ (ပြည်တွင်း)၊ နိုဘယ်လ် ငြိမ်းချမ်းရေး လှုပ်ရှားမှုအဖွဲ့) 10D၊ ဗ.က.ပ အဖွဲ့ဝင်ဟောင်းများ၊ နိုင်ငံရေး အကျင်းသားဟောင်းများ အဖွဲ့၊ သုံးရောင်ခြယ်အဖွဲ့၊ ရန်ကုန်တက္ကသိုလ် ရှင်သန်ရေးနှင့် တကသ အဆောက်အအုံ ပြန်လည်တည်ဆောက်ရေး ကော်မတီ၊ ဗ.က.သများ အဖွဲ့ချုပ်၊ တ.က.သ များအဖွဲ့၊ ၈၈မျိုးဆက်ကျောင်းသားများအဖွဲ့၊ အလုပ်သမားသမ္မဂများ အဖွဲ့ချုပ်၊ ကိုဖုန်းမော်၏ ကြက်ခြေနီ သူငယ်ချင်းများအဖွဲ့မှ ပူပေါင်း၍  ကျင်းပရေး ကော်မတီမှ ကျင်းပမည်။

ထိုနေ့တွင် ငွေရတု အထိမ်းအမှတ်စာစောင်သို့မဟုတ် မဂ္ဂဇင်း ထုတ်ဝေမည်ဖြစ်ကြောင်းသိရသည်။ အောက်ပါပုဂ္ဂိုလ်များသို့ စာမူပေးပို့နိုင်ပါသည်။

  •     ကိုမြတ်လှိုင်း –         ၀၉ ၇၃၀၇၆၂၈၈
  •     ကိုမျိုးမင်းယု (မျိုးကိုမျိုး)     -၀၉ ၇၃၁၈၁၆၇၁
  •     ကိုညိုထွန်း –         ၀၉ ၅၁၁၆၄၄၃
  •     ကိုအောင်ထွန်း –         ၀၁ ၃၇၅၇၄၅၊ ၀၁ ၃၉၁၁၈၁
  •     ကိုထွန်းကြည် –         ၀၉ ၄၉၂၅၅၀၂၄
  •     ကိုလှမျိုးအောင် (မောင်လှမျိုး ချင်းချောင်းခြံ )-   ၀၁ ၇၀၇၉၇၀
  •     ကိုအေးသိန်း (မောင်ညိုအေး ပန်းတော်) –         ၀၉ ၅၁၅၈၄၆၂

 

Comments

Leave a Reply