မတ်လ ၂၆၊ ၂၀၁၃
M-Media
ထွန်းတောက်
ကြို့ပင်ကောက် ။ ။ ပဲခူးတိုင်း ကြို့ပင်ကောက်ရှိ ဗလီနှင့် မွတ်စလင်မ်အိမ်နှင့် ဆိုင်ခန်းများကို ၂၅-ရက်ည (၁၁)နာရီခွဲခန့်မှစ၍ ဖျက်ဆီးနေကြောင်း သတင်းရရှိသည်။
ကြို့ပင်ကောက်ရှိ ဗလီနှင့် မွတ်စလင်မ်အိမ်များကို အကြမ်းဖက်သမားများက ၀င်ရောက်ဖျက်ဆီး နေကြောင်း၊ မွတ်စလင်မ်အိမ်(၃)အိမ်နှင့် ဈေးရှိ မွတ်စလင်မ်ဆိုင်များကို ဖျက်ဆီးနေကြောင်းသိရသည်။
“မွတ်စလင်မ်အိမ် (၃)အိမ်ကို ဖျက်ဆီးပြီးလို့ ဈေးဘက်က မွတ်စလင်မ်ပိုင်ဆိုင်တွေကို ဖျက်ဆီးပါတယ်။ အခုတော့ ဗလီကို ဖျက်နေပါတယ်။ အသံတွေကြားနေရပါတယ်။ ကျွန်တော်ကတော့ အခု ဗုဒ္ဓဘာသာဝင် တစ်ယောက်အိမ်မှာ လာရောက်ပုန်းနေပါတယ်။ ကြို့ပင်ကောက်မှာက ဒီဗလီတစ်လုံးတည်းရှိတာပါ။ ဘာသာရေးစာသင်ကျောင်းကလည်း ဗလီအတွင်းမှာရှိပါတယ်။ မွတ်စလင်မ် အိမ်ခြေ(၁၅၀)နဲ့ လူဦးရေ (၄၀၀)၀န်းကျင်လောက် သာရှိပါတယ်။”လို့ ပြောပြလာပါတယ်။
“နေ့လည် (၃)နာရီလောက်ကတည်းက သတင်းလွှင့်ထားတယ်။ ဒီညကို ၀င်မယ်။ မီးမရှို့ဘူး ဖျက်ပဲဖျက်မှာဆိုတာကို။ ထန်းကုန်းဘက်နေ လူအင်အား (၆၀)လောက်စုပြီး လာနေတယ်လို့ ထန်းကုန်းဘက်က သတင်းပို့ထားတယ်။ အခုဖျက်နေတာက တစ်ခြားက လူစိမ်းတွေပါသလို ကြို့ပင်ကောက်က တချို့လည်းပါတယ်။ ကျွန်တော်ကတော့ အိမ်နဲ့အဝေးမှာ တိမ်းရှောင်နေပါတယ်။”လို့ M-Media ကို ပြောပြလာပါတယ်။
Leave a Reply
You must be logged in to post a comment.