မတ်လ ၂၆၊ ၂၀၁၃
M-Media
ကေကေ
ပဲခူးတိုင်း၊ ထုံးဘိုမြို့တွင် ဗလီနှင့် မွတ်စလင်မ်အိမ်များကို အကြမ်းဖက်သမားများမှ ဖျက်မည်ဟုဆိုသောကြောင့် မွတ်စလင်မ်များကို ရှောင်နေရန် မြို့နယ်မှူးမှ သတိပေးပြောကြား
ပဲခူးတိုင်း ။ ။ ပဲခူးတိုင်း ထုံးဘိုမြို့တွင် ဗလီနှင့် မွတ်စလင်မ်များကို အဖျက်သမားများမှ လာရောက်ဖျက်ဆီးမည်ဟု သိရ၍ မွတ်စလင်မ်များမှ ရှောင်နေရန် မြို့နယ်မှူးမှ သတိပေးထားကြောင်း သတင်းရရှိသည်။
“ထုံးဘိုမှာ ဗလီနဲ့မွတ်စလင်မ်အိမ်တွေကို လာဖျက်မယ်ဆိုတာကြောင့် မြို့နယ်မှူးက မွတ်စလင်မ်အိမ်တွေကို ရှောင်ခိုင်းထားပါတယ်။ အခုက ပြည်မှာ စစ်တပ်ချထားတာကြောင့် ပြည်မှာ ဘာမှ ဖြစ်ဖို့ မရှိဘူး။ ဒါကြောင့် နယ်ဘက်တွေကို လုပ်လာနိုင်တယ်။ ဒီအတွက်ကြောင့် မွတ်စလင်မ်အိမ်တွေကို ရှောင်ခိုင်းထားပါတယ်။”လို့ ထုံးဘိုမြို့ခံတစ်ဦးက M-Media ကို ပြောပြလာပါတယ်။
“လုံးဝ အဓိပ္ပါယ်မရှိဘူးဗျာ။ လာဖျက်မယ်ဆိုတာ သူတို့ ကြိုပြီးသတင်းရနေပြီပဲ။ ဒါဆို လာဖျက်မယ့်သူတွေကို မဖျက်နိုင်အောင်တားလေ။ အဖျက်သမားတွေကို မတားပဲနဲ့ အပြစ်မရှိသူတွေကို ရှောင်နေခိုင်းတယ်ဆိုတာတော့ မဟုတ်သေးဘူး။”ဟု ထုံးဘိုနှင့် နီးစပ်သူတစ်ဦးမှ M-Media ကို ပြောပြလာပါတယ်။
Leave a Reply
You must be logged in to post a comment.