မိန်းမဖြစ်သူ၏ရုပ်အလောင်းဓာတ်ပုံများအား Facebook ပေါ်သို့တင်၍ ဒါးရက်ခ်မီဒီနာ မှ ဖွင့်ချရေးသား

M-Media

သြဂုတ်လ ၁၀ ရက်၊ ၂၀၁၃

www.huffingtonpost.com

မီယာမီတောင်ပိုင်းတွင် ဖြစ်ပေါ်ခဲ့သော သွေးပျက်ဖွယ်ရာဇ၀တ်မှုမြင်ကွင်းတစ်ရပ်သည် ကြာသပတေးနေ့က Facebook ပေါ်တွင် ဂယက်ရိုက်သွားခဲ့သည်။ ၄င်းတွင် ယောက်ျားဖြစ်သူမှ သေဆုံးသူမိန်းမ၏ ဓာတ်ပုံနှင့်တစ်ကွ မိမိ၏သတ်ဖြတ်မှုကို ဖွင့်ချဝန်ခံရေးသားခဲ့သည်။

ဒါးရက်ခ်မီဒီနာ (Derek Medina) သည် ကြာသပတေးနေ့ နေ့လည်ပိုင်းလောက်က ဓာတ်ပုံအချို့အား အွန်လိုင်းပေါ်သို့ “ အေးချမ်းစွာ အနားယူပေတော့ ဂျနီဖာ အလ်ဖွန်ဆို (Jennifer Alfonso) ! ” ဆိုသော ခေါင်းစည်းစာသားများဖြင့် တင်ထားခဲ့သည်။ ၄င်းဓာတ်ပုံတွင် ခြေအိတ်ရှည်များဝတ်ဆင်ထားသည့် သူ၏မိန်းမဖြစ်သူသည် အိမ်၏မီးဖိုချောင်ရှိ ကြမ်းပြင်ပေါ်တွင် လဲကျနေခဲ့ပြီး၊ သူမ၏ မျက်နှာနှင့်ဝဲဖယ်လက်တွင် သွေးများ ဖုံးလွှမ်းနေခဲ့သည်။

“ ခင်ဗျားတို့ ကျွန်တော့်ကို သတင်းထဲမှာ တွေ့ကြရပါလိမ့်မယ်။ ကျွန်တော့်မိန်းမကို ကျွန်တော်သတ်ခဲ့မိတဲ့အတွက် ကျွန်တော်တော့ ထောင်ဒဏ် သို့မဟုတ် သေဒဏ်ကျဖို့ ရှိပါတယ်။ သူငယ်ချင်းတို့အားလုံးကို ချစ်တယ်၊ သတိလည်းရနေမယ်၊ Facebook ပေါ်ရှိ လူများအားလုံး ကရုစိုက်နေရစ်ကြပါ။ ကျွန်တော့်ကို သတင်းထဲမှာတွေ့ကြရလိမ့်မယ်။ ကျွန်တော့်မိန်းမက ကျွန်တော့်ကို ထိုးကြိတ်နေခဲ့တယ်။ အဲ့ဒီလိုစော်ကားမှုကို ဆက်လက်သည်းမခံနိုင်တော့တာကြောင့် အခုလိုလုပ်ဆောင်ခဲ့ရတာပါပဲ။ ခင်ဗျားတို့အားလုံး ကျွန်တော့်ကိုနားလည်ကြလိမ့်မယ်လို့ထင်ပါတယ် ” ဟူသော ၀န်ခံချက်စာသားအား ၄င်းဓာတ်ပုံမတင်ခင် မိနစ်ပိုင်းအနည်းငယ်က တင်ခဲ့သည်။

မီဒီနာ နှင့် ဇနီးဖြစ်သူ အလ်ဖွန်ဆိုသည် မနက် ၁၀ နာရီလောက်က စကားအချေအတင်များခဲ့ကြပြီး ထိုစဉ်က သူသည် ဗီရိုထဲမှ သေနတ်ကိုထုတ်ကာ သူမအား ချိန်ရွယ်ခဲ့သည်။ ရန်ပွဲသည် အိမ်အောက်ထပ်တွင် ဆက်လက်မဖြစ်မှီ သူမက သူ့အားထားရစ်ကာထွက်ခွာ သွားတော့မည်ဟု ပြောဆိုခဲ့ကြောင်း ၄င်းမှ စုံစမ်းစစ်ဆေးသူများအား ပြောပြခဲ့သည်ဟု Miami-Dade ရှိ ရဲများထံ ကျိန်ဆိုထွက်ချက်၌ တင်ပြထားသည်။

အောက်ထပ်သို့ရောက်ပြီးချိန်တွင် သူမသည် သူ့အား ထိုးကြိတ်ခဲ့သဖြင့် သူသည် အပေါ်ထပ်က သေနတ်ကို ပြန်လည်သွားယူခဲ့ပြီး သူမအား ဟန့်တားရာ သူမကလည်း ဓားတစ်လက်ကို ကောက်ယူခဲ့ကြောင်း၊ သူက ဓားအား လုယူကာ လွှင့်ပစ်ခဲ့သည့်အခါ သူမသည် သူ့အား ထပ်ပြီးရိုက်ပုတ်ခဲ့ကြောင်း၊ ထို့ကြောင့် သူသည် သူမအား သေနတ်ဖြင့် အကြိမ်ပေါင်းများစွာ ပစ်ခတ်ခဲ့ကြောင်း သူက စုံထောက်နှင့်ရဲများထံ ပြောကြားခဲ့သည်။

ထိုအခင်းဖြစ်ပြီးနောက် မီဒီနာသည် သူ၏ အ၀တ်အစားများအား လဲလှယ်ဝတ်ဆင်၍ ဆွေမျိုးများအား နှုတ်ဆက်ကာ မီယာမီတောင်ပိုင်း ရဲဌာနသို့ ကိုယ်တိုင်လာရောက်အဖမ်းခံခဲ့သည် ဟု စုံစမ်းစစ်ဆေးသူများ၏ ပြောပြချက်အရ သိရသည်။

ရဲအရာရှိများက ၄င်းတို့ရောက်ရှိသွားချိန်တွင် သေနတ်ဒဏ်ရာထင်ရှားစွာဖြင့် သေဆုံးနေသည့် အလ်ဖွန်ဆိုကိုလည်းကောင်း၊ အသက် ၁၀ နှစ်အရွယ် သမီးဖြစ်သူအားလည်း မည်သည့်ဒဏ်ရာအနာတရမှ ရရှိထားခြင်းမရှိပဲ အိမ်အပေါ်ထပ်၌တွေ့ရှိခဲ့ကြောင်း၊ သေဆုံးသူ အလ်ဖွန်ဆို၏အလောင်းအား စောင်ဖြင့်ခြုံလွှမ်း၍ အိမ်ပြင်သို့ထုတ်ယူခဲ့ကြောင်း WSVN က ပြောကြားခဲ့သည်။

မီဒီနာသည် ကိုယ်ထူကိုယ်ထလေ့လာရေး e-book စာအုပ်များစွာကို ရေးသားခဲ့ဖြစ်ပြီး၊ ၄င်းအနက်တစ်ခုမှာ “ မိမိ၏ ဘ၀၊ အိမ်ထောင်ရေး နှင့် မိသားစု ပြဿနာများမှ လွတ်မြောက်အောင် ဆက်ဆံရေး ” ဟူသည်လည်း ပါဝင်ကြောင်း Miami New Times ၏ှ သတင်းအရ သိရသည်။

“ သူဟာသေနတ်ကိုဝှက်ထားပြီး၊ ပတ်ဝန်းကျင်ကိုစောင်ကြည့်သူအဖြစ် ပုံဖော်နေတယ် ” ဟု NBC6 သို့ အိမ်နီးချင်းတစ်ဦးက ပြောကြားသည်။

“ သူဟာ ညနှောင်းပိုင်းမှာ အဲ့လိုလုပ်နေတတ်လို့ ကျွန်တော့်အတွက်တော့ သူဟာအူကြောင်ကြောင် လူတစ်မျိုးပဲ။ သူက ပတ်ဝန်းကျင်ကို အမြဲတစေလေ့လာနေပြီး၊ လူစွမ်းကောင်း တစ်ဦး ဖြစ်ချင်နေတဲ့လူပါ ” ဟု ယိုရှီဒါဒီ (Yoshi Dade) က ဆိုသည်။ မီဒီနာ၏ဖခင်ဖြစ်သူမှ WSVN သို့ပြောပြခဲ့သည်မှာ သူတို့လင်မယား၏ဆက်ဆံရေးတွင် မပြေလည်မှုများ စွာရှိခဲ့ကြောင်း၊ သူတို့သည် ကွာရှင်းပြတ်စဲခဲ့ပြီး လွန်ခဲ့သောနှစ်တွင်မှ ပြန်လည်လက်ထပ်ထိမ်းမြားခဲ့သည်ဟု ဆိုသည်။
မီဒီနာ၏ သွေးပျက်စဖွယ် တင်ထားသော post များသည် Facebook အတွင်း ကြာသပတေးနေ့ ညနေ ၅ နာရီအထိ ထူးခြားစွာ ရှိနေခဲ့၏။

Facebook၏ပြောရေးဆိုခွင့်ရှိသူက “ အဲ့ဒီအကြောင်းအရာနဲ့ပတ်သက်ပြီး ကျွန်မတို့ဆီမှာ တိုင်ကြားချက်ရရှိခဲ့ပါတယ်။ ဒါကြောင့် အဲ့ဒီ profile အပေါ် အရေးယူမှု ပြုလုပ်တဲ့အနေနဲ့ ပါရှိတဲ့အကြောင်းအရာများအားလုံးကို ဖျက်ပစ်ပြီး သူ့ profile ကိုလည်း ပိတ်ပစ်ခဲ့လိုက်ပါတယ်။ ပြီးနောက် ဥပဒေအရာရှိများကို ထိုအရာနဲ့ပတ်သက်ပြီး အကြောင်းကြားခဲ့ပါတယ်။ ကျွန်မတို့ရဲ့ဆိုဒ်ထဲမှာ ကျွန်မတို့စည်းမျဉ်းများကိုချိုးဖောက်တဲ့ မည်သို့သောကဏ္ဍကိုမဆို အဲ့ဒီအတိုင်း အရေးယူလေ့ရှိပါတယ် ” ဟု The Associated Press သို့ပြောကြားခဲ့သည်။