စက်တင်ဘာ ၁၃၊ ၂၀၁၃
M-Media
လင်းလင်း
မန္တလေး ။ ။ မန္တလေးတိုင်းဒေသကြီး အမရပူရမြို့နယ် မြစ်ငယ်မြို့ အနီးကျေးရွာများ၊ ဒုဋ္ဌ၀တီမြစ်ကမ်းဘေး ကျေးရွာများ အချို့တွင် ပြီးခဲ့သည့် ရက်အနည်းငယ်က မိုးသည်းထန်စွာရွာသွန်းမှုကြောင့် မြစ်ရေများဝင်ရောက် လျက်ရှိသည်။
အမရပူရမြို့နယ်ရှိ ညောင်နီပင်၊ ရေကြည်ပေါက်၊ ဥယျာဉ်တော်၊ စားတော်၊ ဆင်ရွာမြင်းမူး၊ မြစ်တူး၊ စဥ့်ကိုင်မြို့နယ်ရှိ မြောက်ကိုင်းကျေးရွာ၊ စိတ္တရကျေးရွာများတွင် ဒုဋ္ဌ၀တီမြစ်ရေ မြင့်တက်ပြီး ရေ၀င်မှုကြောင့် ကျောင်းသား၊ ကျောင်းသူများနှင့် ဒေသခံပြည်သူများ ခက်ခဲစွာ သွားလာနေရကြောင်း သိသည်။
“အခုလို ဒုဋ္ဌ၀တီမြစ်ရေတက်ချိန်မှာတော့ ဒေသခံတွေ သွားလာရ လွယ်ကူအောင် မြစ်ငယ်တံတား အဟောင်းကနေ ဖြတ်သန်း သွားလာ ခွင့်ပြုရင်ကောင်းမယ်။” လို့ ဒေသခံတစ်ဦးက ပြောပြခဲ့ပါတယ်။
မြစ်ရေ၀င်ရောက်မှုကြောင့် ဒုက္ခရောက်နေရသည့် ကျေးရွာများအား မန္တလေးမြို့မှ သွားရောက်ကူညီကြမည်ဟု သိရသဖြင့် ဆက်သွယ်စုံစမ်းရာ “ပုလိပ်ရဲ့ တဘက်မှာ ရွာတွေရှိတယ်။ မြစ်ငယ်နဲ့ ပုလိပ် ကြားထဲက ရွာ ၈-ရွာလောက်မှာ ၂-ရက်လောက်က ရေ၀င်တယ်။ ၃-ရွာလောက်က အရေးပေါ် နေရာရွှေ့ပြောင်းဖို့ လိုအပ်နေတယ်။ ဒါကြောင့် နေရာရွေှ့ပြောင်းရေးအတွက် ကူညီပေးတာ၊ တချို့ကို ထမင်းထုတ်ကမ်းတာမျိုး လုပ်ပေးနေတာတွေလည်း ရှိတယ်။ ကျွန်တော်က အခု တစ်ခြားကို သွားလိုက်ရလို့ အဲ့ဒီဘက် မလိုက်သွားဖြစ်ဘူး။ သွားတဲ့ အဖွဲ့တွေနဲ့ ဆက်သွယ်ပေးပါ့မယ်”လို့ ဒုက္ခရောက်နေသူများအား ကူညီမှုများ လုပ်ဆောင်ပေးနေသူ မန္တလေးမြို့ခံ တစ်ဦးက M-Media ကို ပြောပြပါသည်။
ဒုဋ္ဌ၀တီမြစ်ရေသည် နှစ်စဉ် ရေတက်လေ့ရှိပြီး မိုးသည်းထန်တဲ့ နှစ်များတွင် ပိုမို၍ လျှံတက်လေ့ရှိတာကြောင့် ယခုကဲ့သို့ အခြေအနေမျိုးသည် မြစ်တလျှောက် ကျေးရွာများမှ နှစ်စဉ် ကြုံတွေ့နေရတဲ့ အခက်အခဲတစ်ခုဖြစ်ကြောင်းလည်း သိရပါသည်။
Leave a Reply
You must be logged in to post a comment.