အောက်တိုဘာ ၅၊ ၂၀၁၃
M-Media
လင်းလင်း
မန္တလေး ။ ။ မန္တလေးမြို့ အောင်မြေသာစံမြို့နယ်ရှိ သမိုင်းဝင် ရွှေကျောင်းကြီး ပြုပြင်ထိန်းသိမ်းရန် မြန်မာနိုင်ငံ ရှေးဟောင်းသုတေသန (မန္တလေးဌာနခွဲ)နှင့် အမေရိကန် World Monuments Fund မှ Mr. Jeff Allen နှင့် အောက်တိုဘာ ၃-ရက်နေ့က ဆွေးနွေးခဲ့ကြကြောင်း သိရသည်။
အဆိုပါ သမိုင်းဝင် ရွှေကျောင်းကြီး (ရွှေနန်းတော်ကျောင်း) ပြုပြင်ထိန်းသိမ်းရန်အတွက် Mr. Jeff Allen နှင့် ရှေးဟောင်းသုတေသန၊ အမျိုးသားပြတိုက်နှင့် စာကြည့်တိုက် ဦးစီးဌာန (မန္တလေးဌာနခွဲ) ညွှန်ကြားရေးမှူး ဦးဇော်ဦးဟန်တို့ ဆွေးနွေးခဲ့ကြပါတယ်။ ၎င်းနောက် ရှေးဟောင်းသုတေသန၊ အမျိုးသားပြတိုက်နှင့် စာကြည့်တိုက် ဦးစီးဌာန (မန္တလေးဌာနခွဲ) လက်ထောက်ညွှန်ကြားရေးမှူး ဒေါ်အေးအေးစမ်း၊ မြန်မာဗိသုကာပညာရှင် တမ္ပ၀တီ ဦးဝင်းမောင်၊ မန္တလေး နည်းပညာတက္ကသိုလ်မှ ဒေါက်တာသန်းဋ္ဌေးဦးတို့မှ ရွှေကျောင်းကြီးနှင့် ပတ်သက်သည်များကို ရှင်းလင်း တင်ပြ ဆွေးနွေးခဲ့ကြကြောင်း သိရပါသည်။
ကိုးကား – ကြေးမုံသတင်းစာ၊
Leave a Reply
You must be logged in to post a comment.