အောက်တိုဘာ ၅၊ ၂၀၁၃
M-Media
ထွန်းတောက်

သံတွဲ ။ ။ ရခိုင်ပြည်နယ် သံတွဲမြို့ရှိ ကျေးရွာများတွင် လွန်ခဲ့သော ရက်များအတွင်း အကြမ်းဖက် မီးရှို့ ဖျက်ဆီး သတ်ဖြတ်မှုများတွင် အကြမ်းဖက်သူများကို သာမက အကြမ်းဖက်ခံရသည့် ကမန်တိုင်းရင်းသားများကိုပါ စက်တင်ဘာ ၄-ရက်နေ့မှ စတင်၍ ဖမ်းဆီးနေကြောင်း သိရပါတယ်။
အောက်တိုဘာ ၄-ရက်နေ့မှစတင်ကာ လင်းသီရွာသား ကမန်တိုင်းရင်းသားတချို့ကို ရွှေလှေရဲစခန်းမှ ဖမ်းဆီးသွားကြောင်းသိရသည်။ ၎င်းရဲစခန်းမှ ဖမ်းဆီးခြင်း မပြုလို သော်လည်း ပြည်နယ်မှ အမိန့်ပေးသည့်အတွက် ဖမ်းဆီးရသည်ဆိုကြောင်း လင်းသီဒေသခံတစ်ဦးက ပြောပါတယ်။
အောက်တိုဘာ ၄-ရက်နေ့က ကိုတင်နောင်ထွန်းဆိုသူ လင်းသီရွာသားအား ဖမ်းဆီးခဲ့ပြီး အောက်တိုဘာ ၄-ရက် ညနေ ၄-နာရီခန့်မှာပင် သူ၏ ဇနီးဖြစ်သူ မခင်မေသန်း ခေါ် မနီ အား ရွှေလှေရဲစခန်းမှ ဖမ်းဆီးခံခ့ရဲပါတယ်။ ဓါတ်ဆီပုလင်းတွေ့သည်ဟုဆိုကာ ကိုတင်နောင်ထွန်းအား ဖမ်းဆီးခဲ့ခြင်း ဖြစ်ပြီး ယခုကိစ္စသည် အမှုဆင် ဖမ်းဆီးခြင်း သာဖြစ်ပြီး ဆီရောင်းသည်မှာလည်း ယခင်ကတည်းက ရောင်းချလာခြင်းဖြစ်ပြီး ယခုမှ တမင်အကြောင်းပြဖမ်းဆီးခြင်းသာ ဖြစ်တယ်လို့ လင်းသီဒေသခံက ဆိုပါတယ်။
“ရွှေလှေရဲစခန်းက လာဖမ်းတာ။ သူတို့ကလည်းပြောတယ်။ ငါတို့ မဖမ်းချင်ပါဘူး ဒီလောက် တရင်းတနှီးပေါင်းလာကြတာ အကြောင်းသိနေတာပဲ။ အခုက ပြည်နယ်က အမိန့်ကြောင့် ဖမ်းရတာလုိ့ ပြောတယ်။ ဆီရောင်းတာ အရင်ကတည်းက ရောင်းလာတာပဲဗျာ။ ဓါတ်ဆီရောင်းတဲ့အိမ်မှာ ဒီဇယ်ဆီပုလင်းလည်း ရှိချင်ရှိမှာပေါ့။ အရင်တုန်းကကျ သူတို့ပဲ ရောင်းခွင့်ပြုထားတာလေ။ အခုမှ ဆီပုလင်းတွေ့လို့ ဖမ်းတယ်ဆိုတာက သက်သက်မဲ့ အကြောင်းပြတာပါ။ မနေ့ကတော့ မနီတို့ လင်မယား ၂-ယောက်ကို ဖမ်းတယ်။ ဒီနေ့လည်း အခုလည်း ၁၁-ယောက်ကို ထပ်ပြီး ဖမ်းသွားတယ်။ ရွာထဲက ယောက်ျားလေးတွေလည်း ကစဥ့်ကလျားဖြစ်နေတယ်။ အလကားနေရင်း ဖမ်းခံနေရတယ်ဗျာ။”
ယနေ့ အောက်တိုဘာ ၅-ရက်နေ့တွင်လည်း လင်းသီရွာသား ကမန်တိုင်းရင်းသားများဖြစ်သည့် ကိုကို၊ တင်ရွှေ၊ မောင်တင်နု၊ ထွန်းထွန်းနိုင်၊ မျိုးမင်းသွေး၊ ရန်နိုင်၊ မိုးကြိုး၊ ကြွက်ဖြူ၊ ဆရာလေး၊ တင်လှိုင်စိုး၊ အောင်သိန်း၊ တို့ ၁၁-ဦးကို ရွှေလှေရဲစခန်းမှ ရဲအုပ် တင်မောင်လွင်မှ ထပ်မံ ဖမ်းဆီးသွားသည်ဟု သိရပြီး လင်းသီရွာမှ ကမန်အမျိုးသားများအနေဖြင့် ရွာတွင် နေထိုင်ရင်း ဖမ်းဆီးခံရမည်ကို စိုးရိမ်ပူပန်နေကြောင်းသိရပါတယ်။
အဆိုပါကိစ္စနှင့် စပ်လျဉ်း၍ ရွှေလှေရဲစခန်းသို့ တယ်လီဖုန်းဖြင့် M-Media မှ ဆက်သွယ်မေးမြန်းရာ ဖမ်းဆီးမှု မရှိဟု ဆိုပြီး လင်းသီရွာသားများဖမ်းဆီးမှုအား မေးမြန်းရာတွင် အလုပ်မအားလပ်၍ မဖြေနိုင်သေးပါဟုဆိုကာ ဖုန်းချသွားခဲ့ပါတယ်။
Leave a Reply
You must be logged in to post a comment.