အောက်တိုဘာ ၁၂၊ အားကစားသတင်း စုစည်းမှု

အောက်တိုဘာ ၁၂၊ ၂၀၁၃
M-Media

ဘယ်လ်ဂျီယံအသင်းမှာ စိတ်ဓာတ်ပိုင်းရာကောင်းမွန်နေပြီဟု လူကာကူပြော

ခရိုအေးရှားအသင်းအား ၂ ဂိုး ၁ ဂိုးဖြင့်အနိုင်ရရှိခဲ့ပြီးနောက်ကမ္ဘာ့ဖလားခြေစစ်ပွဲကို တိုက်ရိုက်အောင်မြင်ခဲ့သည့် ဘယ်လ်ဂျီယံအသင်းမှာ စိတ်ဓာတ်ပိုင်ဆိုင်ရာ အကောင်းဆုံးအနေအထားတွင်ရှိနေသည်ဟု တိုက်စစ်မှူးလူကာကူက ပြောဆိုလိုက်သည်။

ချယ်ဆီးအသင်းမှ အဲဗာတန်အသင်းသို့ အငှားဖြင့်သွားရောက်ကစားနေပြီး ခြေစွမ်းပြနေသည့် လူကာကူမှာ ထိုပွဲတွင်လည်း နိုင်ငံအသင်းအတွက် အနိုင်ဂိုးနှစ်ဂိုးစလုံးကို သွင်းယူပေးခဲ့သည်။ ထိုပွဲအနိုင်ကြောင့် ဘယ်လ်ဂျီယံအသင်းမှာ အုပ်စု A ထိပ်ဆုံးနေရာသို့ရောက်ရှိခဲ့ပြီး လာမည့်နှစ် ဘရာဇီးတွင်ကျင်းပပြုလုပ်မည့် ကမ္ဘာ့ဖလားသို့ တိုက်ရိုက်ဝင်ရောက်ခွင့်ရရှိသွားခဲ့သည်။

“ကျွန်တော်က အောင်မြင်သူမဟုတ်ပါဘူး။ အသင်းက ထူးခြားမှုတွေ လုပ်ပြခဲ့တယ်။ ကျွန်တော်တို့လည်း အကောင်းဆုံးကစားခဲ့ပါတယ်။ နောက်ဆုံး ၁၅ မိနစ်မှာ ကျွန်တော်တို့အတွက် ခက်ခဲခဲ့ပါတယ်။ ဒါပေမယ့် လွန်ခဲ့တဲ့ ၂ နှစ်က ၂ ဂိုး ၁ဂိုးနဲ့ရှုံးနိမ့်ခဲ့တဲ့ ကျွန်တော်တို့ဟာ ဒီကနေ့တော့ စိတ်ဓာတ်ပိုင်းမှာ အကောင်းဆုံးရှိနေပြီး အနိုင်ရရှိခဲ့ပါတယ်” ဟု လူကာကူက ပွဲအပြီးတွင် ပြောကြားခဲ့သည်။
goal
___________________________

စပိန်အသင်း၏ ကစားပုံအား ဒဲလ်ဘော့စကေး မကျေနပ်

ဘီလာရုစ်အသင်းအား ၂ ဂိုး ၁ ဂိုးဖြင့် အနိုင်ရရှိခဲ့ပြီး ကမ္ဘာ့ဖလားခြေစစ်ပွဲ အောင်ရန်အလားအလာကောင်းခဲ့သော်လည်း စပိန်အသင်း၏ ကစားပုံအား နည်းပြဖြစ်သူ ဒဲလ်ဘော့စကေးကစိုးရိမ်နေသည်ဟု သိရသည်။

ယမန်နေ့က ကစားခဲ့သည့် ဘီလာရုဇ်နှင့်ပွဲတွင် အနိုင်ရရှိအောင် စပိန်အသင်းမှာ ခက်ခက်ခဲခဲကစားခဲ့ရသည်ဟု ဒဲလ်ဘော့စကေးက ၀န်ခံခဲ့ပြီး အသင်းငယ်များနှင့် ကစားရာတွင် စပိန်အသင်း၏ အားမပါသော စွမ်းဆောင်ရည်က ရေရှည်တွင် ပြဿနာဖြစ်လာနိုင်မည်ကို စိုးရိမ်ကြောင်း ပြောကြားခဲ့သည်။

“ဒီပွဲဟာ ကျွန်တော်တို့ကစားပြီးခဲ့တဲ့ပွဲတွေကို ပြန်ကြည့်ရသလိုပါပဲ။ (စက်တင်ဘာက) ဖင်လန်နဲ့ကစားခဲ့တဲ့ပွဲ၊ (ပြီးခဲ့သည့်နှစ်က) ဂျော်ဂျီယာနဲ့ ကစားခဲ့တဲ့ပွဲ၊ အခု ဘီလာရုစ်နဲ့ပွဲအားလုံးဟာ တစ်ပုံစံတည်းပါ။ ဒီပွဲမှာကျွန်တော်တို့ ရုန်းကန်ခဲ့ရတယ်ဆိုတာ ငြင်းလို့မရပါဘူး။ ဒါပေမယ့် ကျွန်တော်တို့ ကျေနပ်ရပါတယ်။ ဦးဆောင် ဂိုးရပြီးတဲ့နောက်မှာ ကျွန်တော်တို့ စိတ်ဓာတ်တွေ တက်လာပါတယ်” ဟု ဒဲလ်ဘော့စကေးက ပွဲအပြီးတွင် ပြောကြားခဲ့သည်။
goal
___________________________

Shanghai Masters တင်းနစ်ပြိုင်ပွဲသို့ ဂျိုကိုဗစ်တက်ရောက်

တရုတ်နိုင်ငံတွင်ကျင်းပပြုလုပ်နေသည့် Shanghai Masters တင်းနစ်ပြိုင်ပွဲတွင် လက်ရှိချန်ပီယံ ဆားဘီးယားတင်းနစ်သမား နိုဗက်ဂျိုကိုဗစ်မှာ ဆီးမီးဖိုင်နယ်သို့ တက်ရောက်သွားပြီဟု သိရသည်။

ကမ္ဘာ့ဆင့် ၂ ရှိ ဂျိုကိုဗစ်မှာ ကွာတားဖိုင်နယ်တွင် ပြင်သစ် တင်းနစ်သမား ဂေးလ် မွန်ဖီးလ်စ်အား အကြိတ်အနယ်ကစားကာ ၆-၇၊ ၆-၂၊ ၆-၄ ဖြင့် အနိုင်ရရှိသွားခဲ့ခြင်း ဖြစ်သည်။ တတိယအဆင့်တွင် နာမည်ကျော် တင်းနစ်သမား ရော်ဂျာဖက်ဒါရားအား ဖြုတ်ချနိုင်ခဲ့သည့် မွန်ဖီးလ်စ်မှာ ပထမပွဲငယ်တွင် ဂျိုကိုဗစ်အား အနိုင်ကစားနိုင်ခဲ့ သော်လည်း ဒုတိယနှင့် တတိယပွဲငယ်တို့တွင် ရှုံးနိမ့်ခဲ့သောကြောင့် ပြိုင်ပွဲမှ ထွက်ခွာခဲ့ရသည်။

“အင်မတန်ခက်ခဲတဲ့ပွဲတစ်ပွဲပါ။ ပြီတော့ ဖက်ဒါရာကိုနိုင်ပြီး ကွာတားကို တက်လာတဲ့ ဂေးလ်ဟာ ယုံကြည်မှုတွေအပြည့်အ၀ရှိနေတယ်ဆိုတာ ကျွန်တော်သိခဲ့ပါတယ်။ လိုအပ်တဲ့အချိန်မှာ အကောင်းဆုံးကစားနိုင်ခဲ့တဲ့အတွက် ကျွန်တော်ကျေနပ်မိပါတယ်” ဟု ပွဲအပြီးတွင် ဂျိုကိုဗစ်က ပြောကြားခဲ့သည်။
skysports

___________________________

WTA Linz Open တင်းနစ်ပြိုင်ပွဲ ကွာတားမှ ဆိုလိန်းစတီဖင် ထွက်ခွာခဲ့ရ

သြစတြီးယားတွင် ကျင်းပပြုလုပ်နေသည့် WTA Linz Open တင်းနစ်ပြိုင်ပွဲတွင် ကမ္ဘာ့အဆင့် ၁၂ ရှိ အမေရိကန် တင်းနစ်မယ် ဆိုလိန်းစတီဖင်မှာ ကွာတားဖိုင်နယ်တွင် အံ့သြဖွယ် ရှုံးနိမ့်ခဲ့သည်ဟုသိရသည်။

နိုင်ခြေအဆင့် ၂ ရ ဆိုလိန်းစတီဖင်မှာ နိုင်ခြေအဆင့်သတ်မှတ်ခြင်း မခံရသည့် ဆွီဒင်တင်းနစ်မယ် စတီဖာနီ ဗိုဂီလီအားရှုံးနိမ့်ခဲ့ခြင်းဖြစ်သည်။ အကြိတ်အနယ် ယှဉ်ပြိုင် ကစားခဲ့ကြသည့် အဆိုပါပွဲတွင် ဗိုဂီလီက စတီဖင်အား ၆-၇၊ ၆-၄၊ ၇-၅ ဖြင့်အနိုင်ရရှိခဲ့ခြင်းဖြစ်သည်။

ယခုပွဲအနိုင်ရရှိခဲ့သည့် ဗိုဂီလီမှာ ဆီမီးဖိုင်နယ်တွင် ဆလိုဗက်ကီးယား တင်းနစ်မယ် ဒိုမီနီကာ စီဗွလ်ကိုဗာအား အနိုင်ရရှိခဲ့သည့် ချန်ပီယံဟောင်း ဆားဘီးယား တင်းနစ်မယ် အန်နာ အိုင်ဗန်နိုဗစ်နှင့်တွေ့ဆုံယှဉ်ပြိုင်ရမည်ဖြစ်ပြီး ကစားသမားသက်တမ်းတစ်လျှောက် ပထမဦးဆုံး WTA ဖလားကို ဆွတ်ခူးရန် အလားအလာ ကောင်းနေပြီဖြစ်သည်။

အခြားကွာတားဖိုင်နယ်ပွဲစဉ်များတွင် နိုင်ခြေအဆင့် ၄ ရ စပိန်တင်းနစ်မယ် ကာလာ ဆွာရက်ဇ်နာဗာရိုက ဘယ်လ်ဂျီယံတင်းနစ်မယ် ခရစ္စတန် ဖလစ်ပ်ကန်အား ၆-၁၊ ၆-၃ဖြင့်လည်းကောင်း၊ နိုင်ခြေအဆင့် ၁ ရ ဂျာမနီတင်းနစ်မယ် အိန်ဂျလီက် ကာရ်ဘာရ်မှာ သြစတြီးယားတင်းနစ်မယ် ပက်ထရီစီယာ မေ အက်ခ်ျလတ္တနာအား ၆-၃၊ ၆-၁ ဖြင့်လည်းကောင်း အသီးသီးအနိုင်ရရှိခဲ့သည်။
skysports

___________________________

ဂျာမနီ၊ ဘယ်လ်ဂျီယံ၊ ဆွစ်ဇလန်တို့ ခြေစစ်ပွဲအောင်မြင်ခဲ့ကြပြီး အင်္ဂလန်၊ ရုရှား၊ ဘော့စနီးယားတို့ အခြေအနေကောင်းခဲ့ကြသည့် ၂၀၁၄ ကမ္ဘာ့ဖလား ဥရောပဇုန်ခြေစစ်ပွဲ

ဘရာဇီးနိုင်ငံတွင် ကျင်းပပြုလုပ်မည့် ၂၀၁၄ ကမ္ဘာ့ခြေစစ်ပွဲ ဥရောပဇုန်ပွဲများကို ယနေ့နံနက်ပိုင်းက ကစားခဲ့ကြရာ ကမ္ဘာ့ဖလား သုံးကြိမ်ရ ဂျာမနီ၊ ယုခနောက်ပိုင်းတွင် ခြေစွမ်းထက်လာသည့် ဘယ်လ်ဂျီယံနှင့် ဆွစ်ဇလန်အသင်းတို့ တိုက်ရိုက်ခြေစစ်ပွဲအောင်မြင်ခဲ့ကြသည်။

နာမည်ကြီးအင်္ဂလန်၊ ရုရှားနှင့် အသင်းငယ် ဘော့စနီယားတို့မှာလည်း အသီးသီးအနိုင်ရရှိခဲ့ကြပြီး ခြေစစ်ပွဲအောင်မြင်ရန်အတွက် အခြေအနေကောင်းနေသည်။

ဂျာမနီ ၃-၀ အိုင်ယာလန်

ဂျာမနီနိုင်ငံ ကိုးလုန်းမြို့တွင် ကစားခဲ့သည့် ဂျာမနီအသင်းနှင့် အိုင်ယာလန်တို့ပွဲစဉ်တွင် အိမ်ရှင်ဂျာမနီက ၃ဂိုး ဂိုးမရှိဖြင့် အနိုင်ရရှိခဲ့ပြီး အုပ်စု C တွင် ရမှတ် ၂၅ မှတ်ဖြင့် တိုက်ရိုက် ခြေစစ်ပွဲအောင်မြင်သွားခဲ့ပြီဖြစ်သည်။ ဂျာမနီအသင်းအတွက်ဂိုးများကို ရီးယဲလ်အသင်း၏ ဆာမိ ခိဒီရာ၊ ချယ်ဆီးကစားသမား အန်ဒရီ ရှူဝယ်ရယ်လ် နှင့် အာဆင်နယ် ကွင်းလယ်လူ မီဆု အိုဇေးလ်တို့က အသီးသီးသွင်းယူပေးခဲ့သည်။

ခရိုအေးရှား ၁-၂ ဘယ်လ်ဂျီယံ

ဘယ်လ်ဂျီယံမှာလည်း ဇာဂရက်မြို့တွင် ခရိုအေးရှားအသင်းအား ၂ ဂိုး ၁ ဂိုးဖြင့် အနိုင်ရရှိခဲ့ပြီး အုပ်စု A ၏ထိပ်ဆုံးသို့ရောက်ရှိလာကာ ၂၀၀၂ ခုနှစ်နောက်ပိုင်း ပထမဦးဆုံးအကြိမ်အဖြစ် ကမ္ဘာ့ဖလားပြိုင်ပွဲနောက်ဆုံးအဆင့်သို့ တက်ရောက်နိုင်ခဲ့ခြင်းဖြစ်သည်။ ဘယ်လ်ဂျီယံအတွက်ဂိုးများကို ပထမပိုင်းကတည်းက ရရှိခဲ့ခြင်းဖြစ်ပြီး အဲဗာတန်အသင်းတွင် ခြေစွမ်းပြနေသည့် တိုက်စစ်မှူး လူကာကူက ၁၆ မိနစ်နှင့် ၃၈ မိနစ်တို့တွင် နှစ်ဂိုးစလုံး သွင်းယူပေးခြဲ့ခင်းဖြစ်သည်။ ခရိုအေးရှားအသင်းအတွက် နှစ်သိမ့်ဂိုးကို ကရန်ဂျကာက သွင်းယူပေးခဲ့သည်။

အလ်ဘေးနီးယား ၁-၂ ဆွစ်ဇလန်

ထို့ပြင် ဆွစ်ဇလန်အသင်းမှာ အလ်ဘေးနီးယားအသင်းအား ၂ ဂိုး ၁ ဂိုးဖြင့် အနိုင်ရရှိခဲ့ပြီး အုပ်စု E တွင် ထိပ်ဆုံးနေရာသို့ရောက်ရှိသွားကာ ခြေစစ်ပွဲ အောင်မြင်သွားပြီ ဖြစ်သည်။ ထိုကဲ့သို့ ခြေစစ်ပွဲအောင်မြင်ခဲ့ခြင်းမှာ သမိုင်းတစ်လျှောက် သုံးကြိမ်မြောက်အောင်မြင်သွားခဲ့ခြင်းဖြစ်သည်။ ဘယ်လ်ဂျီယံအသင်းအတွက် ဂိုးများကို ရှာကွီရီ နှင့် မိုက်ကယ် လန် တို့က ဒုတိယပိုင်းတွင် သွင်းယူပေးခဲ့သည်။

အီတလီနှင့် နယ်သာလန်အသင်းတို့မှာ ယခင်ပွဲများပြီးကတည်းကပင် ခြေစစ်ပွဲကို စောစီးစွာအောမြင်ခဲ့ပြီဖြစ်သောကြောင့် ဥရောပမှ ခြေစစ်ပွဲအောင်မြသည့် အသင်းမှာ ၅ သင်းရှိလာပြီဖြစ်သည်။
……………………………..

အင်္ဂလန် ၄-၁ မွန်တီနီဂရိုး

အုပ်စုပွဲစဉ်များတွင် ရုန်းကန်နေရသည့် အင်္ဂလန်အသင်းမှာ ဥရောပအသင်းငယ် မွန်တီနီဂရိုးအား အိမ်ကွင်းတွင် အမှားအယွင်းမရှိအနိုင်ရရှိခဲ့သည်။ ၄ ဂိုး ၁ ဂိုးဖြင့်အနိုင်ရရှိခဲ့သော ထိုပွဲတွင် အင်္ဂလန်အသင်းအတွက်ဂိုးများကို ရူနီ၊ တောင်ဆန်နှင့် ပင်နယ်တီမှတစ်ဆင့် စတားရစ်ခ်ျတို့ကသွင်းယူပေးခဲ့ခြင်းဖြစ်သည်။ ကျန်တစ်ဂိုးမှာ မွန်တီနီဂရိုး ကစားသမားမှ ကိုယ့်ဂိုးကိုယ်သွင်းယူခဲ့သဖြင့် ရရှိခဲ့ခြင်းဖြစ်သည်။ ယခုပွဲအနိုင်ကြောင့် အုပ်စု H တွင် ယူကရိန်းအသင်းထက် တစ်မှတ်အသာဖြင့် ထိပ်ဆုံးတွင်ရှိနေသည့်အင်္ဂလန်အသင်းမှာ ကမ္ဘာ့ဖလားခြေစစ်ပွဲ တိုက်ရိုက်အောင်မြင်ရန် အခြေအနေကောင်းနေပြီး လာမည့်အင်္ဂါနေ့ အိမ်ကွင်းတွင်ကစားရမည့် ပိုလန်အသင်းနှင့်ပွဲတွင် အနိုင်ရရှိရန်လိုအပ်နေသည်။

လူဇင်ဘတ် ၀- ၄ ရုရှား

အင်္ဂလန်နည်းပြဟောင်း ဖေဘီယိုကာပယ်လို ကိုင်တွယ်နေသည့် ရုရှားအသင်းမှာ လူဇင်ဘတ်အသင်းအား ၄ ဂိုး ဂိုးမရှိဖြင့်အနိုင်ရရှိခဲ့ပြီး အုပ်စု F တွင် ပေါ်တူဂီအသင်းထက် ၄ မှတ်အသာဖြင့် အုပ်စုအား ဦးဆောင်နေသည်။ ရုရှားအသင်းအတွက်ဂိုးများကို အလက်ဇန်းဒါး စာမီဒေါ့ဗ်၊ ဗစ်တာ ဖိုင်ဇူကင်၊ ဒင်းနစ် ဂလက်ရှာကော့ဗ်၊ အလက်ဇန်းဒါး ကာဇာကော့ဗ် တို့က အသီးသီးသွင်းယူပေးခဲ့သည်။

ဘော့စနီးယား-ဟဇိဂိုဗီနာ ၄-၁ လက်ချန်စတိန်း

အဓိကပြိုင်ပွဲများတွင် မည်သည့်အခါမှ ပါဝင်ယှဉ်ပြိုင်မကစားခဲ့ဖူးသည့် ဘော့စနီးယား-ဟဇိဂိုဗီနာအသင်းမှာ လက်ချန်စတိန်းအသင်းအား ၄ ဂိုး ၁ ဂိုးဖြင့်အနိုင်ရရှိခဲ့သည်။ ယခုပွဲအနိုင်ကြောင့် အုပ်စု C တွင် ဂရိအသင်းနှင့် ရမှတ်တူ ဂိုးကွာခြားချက်အသာဖြင့် ထိပ်ဆုံးတွင်ဦးဆောင်နေပြီး ခြေစစ်ပွဲအောင်မြင်ရန် အလားအလာကောင်းနေပြီဖြစ်သည်။

အခြားပွဲစဉ်များတွင် ဟော်လန်အသင်းက ဟန်ဂေရီအသင်းအား ၈ ဂိုး ၁ ဂိုးဖြင့်လည်းကောင်း၊ ဆွီဒင်အသင်းက သြစတြီးယားအသင်းအား ၂ ဂိုး ၁ ဂိုးဖြင့်လည်းကောင်း၊ တူရကီအသင်းက အက်စ်တိုးနီးယားအသင်းအား ၂ ဂိုး ဂိုးမရှိဖြင့်လည်းကောင်း၊ ရိုမေးနီးယားအသင်းက အန်ဒိုရာအသင်းကို ၄ ဂိုး ဂိုးမရှိဖြင့်လည်းကောင်း အသီးသီးအနိုင်ရရှိခဲ့ကြသည်။

ကမ္ဘာ့ဖလား ဥရောပဇုန်ခြေစစ်ပွဲရလဒ်များမှာ အောက်ပါအတိုင်းဖြစ်သည်။

Wales 1 – 0 Macedonia
Germany 3 – 0 R. of Ireland
Azerbaijan 2 – 0 Northern Ireland
England 4 – 1 Montenegro
Croatia 1 – 2 Belgium
Armenia 2 – 1 Bulgaria
Malta 1 – 4 Czech Rep.
Denmark 2 – 2 Italy
Faroe Islands 1 – 1 Kazakhstan
Sweden 2 – 1 Austria
Andorra 0 – 4 Romania
Estonia 0 – 2 Turkey

channelnewsasia
_____________________________