အောက်တိုဘာ ၁၄၊ အားကစားသတင်း စုစည်းမှု

အောက်တိုဘာ ၁၄၊ ၂၀၁၃
M-Media

ပရီးမီးယားလိဂ်မှာ ကစားချင်တဲ့ လီဝန်ဒေါ့စကီး

ဂျမနီကလပ် ဘိုရုရှားဒေါ့မွန်အသင်း၏ တိုက်စစ်မှူးဖြစ်သူ လီဝန်ဒေါ့စကီးက ၎င်းအနေဖြင့် တစ်နေ့နေ့ တစ်ချိန်ချိန်တွင် ပရီးမီးယားလိဂ်သို့ သွားရောက်ကစားချင်သည် ဟု ဖွင့်ဟ လိုက်သည်။

မကြာသေးခင်ကမှ လာမည့်ဇန်န၀ါရီတွင် ဘိုင်ယန်မြူးနစ်အသင်းသို့ ပြောင်းရွှေ့တော့မည်ဟု သတင်းထွက်ပေါ်ခဲ့ပြီး ထိုသတင်းမှာ မှားယွင်းခြင်းသာဖြစ်သည်ဟု လီဝန်ဒေါ့စကီးက ပြောကြားခဲ့သည်။

အသက် ၂၅-နှစ် အရွယ်ရှိပြီး ယခုနှစ်ရာသီကုန်တွင် ဒေါ့မွန်အသင်းနှင့် စာချုပ်သက်တမ်း ကုန်ဆုံးတော့မည်ဖြစ်သည့် လီဝန်ဒေါ့စကီးအား ပြီးခဲ့သည့် နွေရာသီအပြောင်းအရွှေ့တွင် မန်ယူအသင်းမှ ခေါ်ယူရန် ကြိုးပမ်းခဲ့ဖူးသည်။

“ဇန်န၀ါရီမှာ အသင်းတစ်ခုခုနဲ့ ကျွန်တော်စာချုပ် ချုပ်သွားမှာပါ။ ဒါပေမယ့် ဘိုင်ယန်အသင်းနဲ့ စာချုပ် ချုပ်ဖြစ်မယ်လို့ ဘယ်တုန်းကမှ ကျွန်တော်မပြောဖူးပါဘူး။ အဲဒါ (ဘိုင်ယန်နှင့် စာချုပ်ချုပ်မည်ဟု သတင်းထွက်ပေါ်လာခြင်း) ဟာ မှားယွင်းမှုတစ်ခုပါ။ တစ်နေ့နေ့ တစ်ချိန်ချိန်မှာတော့ ကျွန်တော်ဟာ ပရီးမီးယားလိဂ်မှာ ကစားချင်ပါ တယ်။ သိပ်ကို ကောင်းမွန်တဲ့ အတွေ့အကြုံဖြစ်လာမှာပါ” ဟု အင်္ဂလန်သတင်းစာ The Daily Telegraph သတင်းစာသို့ လီဝန်ဒေါ့စကီးက ပြောကြားခဲ့သည်။
goal
_______________________

ဟီဂူအင်မှာ မာရာဒိုနာကဲ့သို့ဖြစ်လာမည်ဟု ရေနာဆို

နာပိုလီအသင်း၏ ဂိုးသမား ရီနာက သင်းဖော်ဟီဂူအင်မှာ နာပိုလီအသင်းတွင် လေးစားထိုက်သောကစားသမားတစ်ဦး ဖြစ်လာမည်ဟုယုံကြည်နေပြီး အသင်းမှာလည်း
ယခုနှစ်စီးရီးအေချန်ပီယံဆုကို ဆွတ်ခူးနိုင်မည်ဟု မျှော်လင့်နေသည်။

ဟီဂူအင်မှာ နာပိုလီနှင့် နေပယ်လ်မြို့တွင် မာရာဒိုနာကဲ့သို့ အောင်မြင်မှုများရှရှိနိုင်လိမ့်မည်ဟု ပြောကြားခဲ့သည် ရီနာက “ဘောလုံးရဲ့ငွေ့အသက်တွေကို ဒီမှာ (နေပယ်လ်) ရှုရိုက်နိုင်ပါတယ်။ ဘောလုံးဆိုတာ ဒီမှာတော့ အယူဝါဒတစ်ခုလိုပါပဲ။ တစ်ခေတ်တစ်ခါမှာတော့ မာရာဒိုနာဟာ ဒီမှာ ဘုရင်တစ်ဆူပါ။ နေပယ်လ်မှာရှိတဲ့ ဘယ်ဟိုတယ်မှာမဆို တီရှပ်ကစပြီး ဓာတ်ပုံတွေအထိ မာရာဒိုနာအထိမ်းအမှတ်တွေကို တွေ့ရမှာပါ။ ဟီဂူအင်လည်း ဒီလိုဖြစ်လာမယ်လို့ မျှော်လင့်ပါတယ်” ဟု စပိန်အားကစားသတင်းစာ မာကာသို့ ပြောကြားခဲ့သည်။

ယခုနှစ်နွေရာသီအပြောင်းအရွှေ့က ရီးယဲလ်မက်ဒရစ်အသင်းမှ နာပိုလီအသင်းသို့ ပြောင်းရွှေ့လာသည့် ဟီဂူအင်မှာ နာပိုလီပရိတ်သတ်များ၏ လေးစားမှုကို ခံရ လိမ့်မည် ဟုလည်း ရေနာက ထပ်လောင်းပြောကြားခဲ့သည်။

နာပိုလီအသင်း၏ ဂန္တ၀င်ကစားသမားဖြစ်သည့် မာရာဒိုနာမှာ ၁၉၈၄ ခုနှစ်မှ ၁၉၉၁ နှစ်အထိ နာပိုလီအသင်းတွင် ၇ နှစ်ကြာကစားခဲ့ပြီး စီးရီးအေချန်ပီယံဘွဲ့ကို နှစ်ကြိမ် ဆွတ်ခူးခဲ့သည်။
goal
_______________________
ရီဘာရီမှာ ပြင်သစ်အသင်း၏ ဦးဆောင်သူ ဖြစ်သည်ဟု ဖာနန်ဒက်ဇ်ဆို

သြစတေးလျအသင်းအား ၆-ဂိုး ဂိုးမရှိဖြင့်အနိုင်ရရှိခဲ့သည့်ပွဲတွင် ပြသခဲ့သည့် ရီဘာရီ၏  ခြေစွမ်းအား ပြင်သစ်ကစားသမားဟောင်း လူးဝစ်ဖာနန်ဒက်ဇ်က ချီးကျူးလိုက် ပြီး ပြင်သစ်အသင်းမှာ အလှည့်အပြောင်းတစ်ခုသို့ ရောက်ရှိနေသည်ဟု ပြောဆိုလိုက်သည်။

ထိုပွဲတွင် အသင်းအားမောင်းနှင်ခဲ့သူ ရီဘာရီမှာ ပင်နယ်တီမှတစ်ဆင့် ဦးဆောင်ဂိုးသွင်းယူပေးခဲ့ပြီး သြစတေးလျအသင်းနောက်တန်းအား အလုပ်ရှုပ်စေခဲ့သည်။

“အသင်းကြီးတွေတိုင်းမှာဦးဆောင်သူတစ်ဦးတော့ ရှိပါတယ်။ ရီဘာရီက ပြင်သစ် အသင်းရဲ့ ခေါင်းဆောင်ပါ။ နောက်ပြီး အသင်းကို ကာကွယ်ပေးသူ တစ်ယောက်လည်း ဖြစ်ပါတယ်။

ကျွန်တော်တို့ဟာ ပြင်သစ်အသင်းကို စုစုစည်းစည်းနဲ့အားထုတ်ပြီး တိုက်စစ်ဆင် ဖိကစားတဲ့ ပုံစံနဲ့ မြင်ချင်တာပါ။ အဲဒီပွဲမှာ (သြစတေးလျနဲ့ပွဲမှာ) သူတို့ ဒီလို ကစားခဲ့ကြ ပါတယ်” ဟု beIN Sport အားကစားသတင်းစာသို့ ဖာနန်ဒက်ဇ်က ပြောကြားခဲ့သည်။
goal
_______________________

ပေါ်ထရိုကို အနိုင်ယူကာ Shanghai Masters ချန်ပီယံဘွဲ့အား ဂျိုကိုဗစ် ကာကွယ်

ကမ္ဘာ့အဆင့် ၂ ဆားဘီးယားတင်းနစ်သမား နိုဗက်ဂျိုကိုဗစ်မှာ အာဂျင်တိုင်း တင်းနစ်သမား ဒဲလ် ပေါ်ထရိုအားအနိုင်ယူကာ Shanghai Masters တင်းနစ်ပြိုင်ပွဲတွင် ဗိုလ်စွဲသွားခဲ့သည်ဟု သိရသည်။

၂-နာရီ ၃၂-မိနစ်ကြာမြင့်ခဲ့သည့် ယမန်နေ့ဗိုလ်လုပွဲတွင် ဂျိုကိုဗစ်မှာ ပေါ်ထရိုအား ၆-၁၊ ၃-၆၊ ၇-၆ ဖြင့်အနိုင်ရရှိခဲ့ပြီး တရုတ်နိုင်ငံတွင်ကျင်းပသည့် တင်းနစ်ပြိုင်ပွဲတွင် ပွဲနှစ်ဆယ် ဆက်တိုက် ရှုံးပွဲမရှိသည့် ကစားသမားတစ်ဦး ဖြစ်လာခဲ့သည်။ ယမန်နှစ်ကလည်း ဗိုလ်စွဲခဲ့သည့် ဂျိုကိုဗစ်မှာ ချန်ပီယံဘွဲ့ကို ကာကွယ်နိုင်ခဲ့ခြင်းလည်း ဖြစ်သည်။
_______________________
ဒုတိယအကြိမ်မြောက် ဂျပန်အိုပင်း ချန်ပီယံဖြစ်သွားခဲ့သည့် ဆမ်စတိုဆာ

သြစတေးလျ တင်းနစ်မယ် ဆမ်စတိုဆာမှာ အိုဆာကာတွင် ကျင်းပပြုလုပ်ခဲ့သည့် ဂျပန်အိုးပင်းတင်းနစ်ပြိုင်ပွဲတွင် အနိုင်ရဗိုလ်စွဲခဲ့သည်ဟု သိရသည်။

ယမန်နေ့က ပြုလုပ်ခဲ့သည့် ဗိုလ်လုပွဲတွင် စတိုဆာမှာ ကနေဒါ လူငယ်တင်းနစ်မယ် ဘောက်ချာဒ်နှင့် ယှဉ်ပြိုင်ကစားခဲ့ရခြင်းဖြစ်သည်။ ထိုပွဲမှာ အကြိတ်အနယ်ရှိခဲ့ပြီး ၂-နာရီနှင့် ၁၃-မိနစ်ကြာမြင့်ခဲ့သည့် အဆိုပါပွဲစဉ်တွင် စတိုဆာမှာ ပထမပွဲငယ်၌ ရှုံးနိမ့်ခဲ့ပြီး ဒုတိယနှင့် တတိယပွဲငယ်တို့တွင် အနိုင်ကစားနိုင်ခဲ့ကာ ၃-၆၊ ၇-၅၊ ၆-၂ ဖြင့် ပွဲသိမ်းခဲ့သည်။

စတိုဆာ၏ ယခုပွဲဗိုလ်စွဲနိုင်ခဲ့ခြင်းမှာ ယခုနှစ်အတွက် ဒုတိယမြောက် WTA  ချန်ပီယံဘွဲဖြစ်ခဲ့ပြီး၊ ဂျပန်အိုးပင်းတွင် ဒုတိယအကြိမ်မြောက် ဗိုလ်စွဲနိုင်ခဲ့ခြင်းလည်း ဖြစ်သည်။
skysports
_______________________

Linz Open တင်းနစ်ပြိုင်ပွဲတွင် ကာရ်ဘာရ်ဗိုလ်စွဲ

သြစတြီးယားနိုင်ငံ၌ ကျင်းပပြုလုပ်ခဲ့သည့် WTA Linz Open တင်းနစ်ပြိုင်ပွဲတွင် ဂျာမန်တင်းနစ်မယ် အိန်ဂျလီက် ကာရ်ဘာရ်က အနိုင်ရဗိုလ်စွဲသွားသည်ဟုသိရသည်။

ဗိုလ်လုပွဲကို ယမန်နေ့ကယှဉ်ပြိုင် ကစားခဲ့ရာ နိုင်ခြေအဆင့် ၁ သတ်မှတ်ခြင်းခံရသည့် ကာရ်ဘာရ်က Linz Open အား နှစ်ကြိမ်တိုင်တိုင် ရရှိခဲ့ဖူးသည့် ဆားဘီးယား တင်းနစ်မယ် အိုင်ဗန်နိုဗစ်အား အကြိတ်အနယ်ကစားကာ ၆-၄၊ ၇-၆(၈-၆) ဖြင့် အနိုင်ရရှိခဲ့ပြီး ယခုနှစ်အတွက် သူမ၏ ပထမဆုံး WTA ဖလားကို ဆွတ်ခူးနိုင်ခဲ့သည်။

“အဆုံးမှာတော့ တော့်တော့်ကို စိတ်သက်သာရာရပါတယ်။ ဗိုလ်စွဲခဲ့တဲ့အတွက် ကျွန်မ အရမ်းပျော်ပါတယ်။ ဘာ့ကြောင့်လဲဆိုတော့ အန်နာ(အိုင်ဗန်နိုဗစ်)ဟာ
ခြွင်းချက်မရှိတဲ့ကစားသမားဖြစ်တာကြောင့်ပါ။ အနိုင်ရဖို့အတွက် အခွင့်အရေးတွေအရယူဖို့ ကျွန်မ ပိုပြီးတည်ငြိမ်ခဲ့သင့်တယ်လို့ ကျွန်မကိုကျွန်မ သတိထားခဲ့တယ်။ ” ဟု ကာရ်ဘာရ်က ပွဲအပြီးတွင် ပြောကြားခဲ့သည်။

ယခုအခါ ကာရ်ဘာရ်မှာ ကမ္ဘာ့အဆင့် ၈ သို့ရောက်ရှိလာခဲ့ပြီး အဆင့် ၁ မှ ၈ အတွင်းရှိ ကစားသမားများသာ ပါဝင်ယှဉ်ပြိုင်ရသည့် ရာသီပိတ် အစ္စတန်ဘူလ် WTA ချန်ပီယံရှစ်တွင် ပါဝင်ယှဉ်ပြိုင်ခွင့် ရရှိသွားပြီဖြစ်သည်။
skysports
_______________________