News @ M-Media

မိမိတို့မှာ လုံခြုံလျက်ရှိသည်ဟု အန်ဂိုလာရှိ မွတ်စလင်မ်များပြောကြား

နိူဝင်ဘာ ၂၈ – ၂၀၁၃
M-Media

Muslims-Are-Safe-in-Angola

အန်ဂိုလာနိုင်ငံတွင် အစ္စလာမ်သာသနာအား တားမြစ်ပိတ်ပင်ကာ ဗလီဝတ်ကျောင်းတော်များအား ဖြိုဖျက်နေသည်ဆိုသည့် သတင်းများအား အန်ဂိုလာရှိ မွတ်စလင်မ် လူ့အဖွဲ့အစည်းက ငြင်းဆိုလိုက်ပြီး ၎င်းတို့မှာ နိုင်ငံအတွင်း လုံခြုံလျက် ရှိသည်ဟု ပြောကြားခဲ့သည်။

“လူအန်ဒါ(အန်ဂိုလာ၏မြို့တော်)မှာရှိတဲ့ ဗလီဝတ်ကျောင်းတော်ကြီးမှာ ကျွန်တော် နေ့စဉ် ငါးကြိမ်ဆွလာသ်ကို ၀တ်ပြုနေပါတယ်။ ဗလီဝတ်ကျောင်းတော်ကို ဖွင့်ထားပြီး၊ ဗလီထဲကိုဝင်တဲ့ ၀တ်ပြုသူတွေကို တားမြစ်ပိတ်ပင်တဲ့ လုံခြုံရေးတပ်ဖွဲ့တွေလည်း မရှိပါဘူး” ဟု လူအန်ဒါမြို့သို့ ရောက်ရှိနေသည့် ဆိုမာလီနိုင်ငံသား မိုဟာမက် ဟာဂျီက OnIslam.net သို့ ပြောကြားခဲ့သည်။

ထို့ပြင် အန်ဂိုလာနိုင်ငံအတွင်းရှိ လူနည်းစု မွတ်စလင်မ်များမှာ မွတ်စလင်မ် မဟုတ်သည့် လူများစုနှင့် နှစ်ပေါင်း များစွာကတည်းက ငြိမ်းချမ်းစွာ အတူ ယှဉ်တွဲနေထိုင်ခဲ့ကြသည်ဟု ၎င်းက ထပ်လောင်းပြောကြားခဲ့သည်။

“ဒီကို လွန်ခဲ့တဲ့ငါးနှစ်ကတည်းက ကျွန်တော်ရောက်လာတာပါ။ ကျွန်တော့်ရဲ့ ဘာသာအယူဝါဒနဲ့ နိုင်ငံသားဖြစ်မှုတို့အတွက် ဘယ်လိုပြဿနာမျိုးမှ မတွေ့ခဲ့ရပါဘူး။ အန်ဂိုလာမှာရှိတဲ့ မွတ်စလင်မ် အများစုဟာ ကုန်သွယ်ရေးမှာ ပါဝင်လုပ်ကိုင်နေကြပြီး၊ အလ်ဟမ်ဒုလစ်လ္လာ(ချီးမွမ်းထောပနာပြုခြင်း အပေါင်းမှာ အလ္လာဟ်အရှင်မြတ်အတွက် သာဖြစ်သည်) ကျွန်တော်အားလုံး အဆင်ပြေပါတယ်။” ဟု စီးပွားရေးလုပ်ငန်းရှင်တစ်ဦးဖြစ်သူ ဟာဂျီက တယ်လီဖုန်းအင်တာဗျူးတွင် ပြောကြားခဲ့သည်။

အန်ဂိုလာတွင် အစ္စလာမ်သာသနားအား တားမြစ် ပိတ်ပင်လိုက်သည်ဆိုသည့်သတင်းအား အာဖရိကနှင့် အန်ဂိုလာ မီဒီယာများက ယဉ်ကျေးမှုဝန်ကြီး ရိုစာခရုဇ်၏ မှတ်ချက်ကို ကိုးကားကာ တနင်္ဂနွေနေ့က ဖော်ပြခဲ့ကြခဲ့သည်။

ထိုသတင်းက မွတ်စလင်မ်ကမ္ဘာတွင် အင်အားကြီးမားသော ဘာသာရေးအဖွဲ့ကြီး ဖြစ်သည့် အီဂျစ်နိုင်ငံမှ အလ်အဇဟရ် အဖွဲ့အပါအ၀င် ကမ္ဘာ့တစ်ဝှမ်းရှိ အစ္စလာမ် အဖွဲ့အစည်းများ ရိုက်ခတ်ခဲ့ပြီး၊ အန်ဂိုလာရှိ အစ္စလာမ် ဘာသာဝင်များ၏ အခြေအနေများကို စုံစမ်း စစ်ဆေးမှုများ ပြုလုပ်ရန် ၎င်းတို့က တိုက်တွန်းခဲ့ကြသည်။

ထို့ပြင် နိုင်ငံတကာ မွတ်စလင်မ်ပညာရှင်များ အစည်းအရုံး(IUMS) ကလည်း ထိုလုပ်ရပ်အား ရှုတ်ချရန်နှင့် အရေးယူဆောင်ရွက်မှုများပြုလုပ်ရန် ကုလသမဂ္ဂနှင့် အာဖရိကယူနီယံတို့အား တိုက်တွန်းခဲ့သည်။

သို့သော်လည်း နောက်ပိုင်းတွင် ထိုသတင်းအား အန်ဂိုလာအစိုးရက ငြင်းဆိုခဲ့သည်။

“အစ္စလာမ်နဲ့ အခြား ဘာသာတွေကို စစ်ဆင်နွှဲတာမျိုး အန်ဂိုလာမှာ မရှိပါဘူး။ တိုင်းပြည်ရဲ့ဘယ်နေရာမှာပဲဖြစ်ဖြစ် ၀တ်ပြုရာ အဆောက်အအုံတွေကို တရားဝင်အ မိန့်ထုတ်ပြီး ပိတ်ပင်တာမျိုး၊ ပစ်မှတ်ထား ဖျက်ဆီးတာမျိုး မရှိပါဘူး” ဟု ယဉ်ကျေးမှုဝန်ကြီးဌာန လက်အောက်ရှိ ဘာသာသာသနာရေးရာ ဌာန၏ ဒါရိုက်တာဖြစ်သူ မန်နျူယဲလ် ဖာနန်ဒိုက AFP သတင်းဌာနသို့ပြောကြားခဲ့သည်။

အန်ဂိုလာနိုင်ငံတွင် ခရစ်ယာန် ဘာသာဝင်များမှာ အများစုဖြစ်ပြီး ကက်သလစ် ခရစ်ယာန် ၅၅ ရာခိုင်နှုန်း၊ အာဖရိက ခရစ်ယာန် ဂိုဏ်းကွဲများက ၂၅ ရာခိုင်နှုန်း၊ ပရိုတက်စတင့် ခရစ်ယာန် ၁၀ ရာခိုင်နှုန်နှင့် ဘရာဇီးလ် ဧ၀ံဂေလိ ခရစ်ယာန် ၅ ရာခိုင်နှုန်းရှိပြီး၊ အမေရိကန် အစိုးရက ၂၀၁၂ ခုနှစ်တွင် ထုတ်ပြန်သော နိုင်ငံတကာ ဘာသာရေးဆိုင်ရာ အခွင့်ရေး အစီရင်ခံစာအရ အစ္စလာမ်ဘာသာဝင် ဦးရေမှာ ၁ သိန်းဝင်ကျင်ခန့် ရှိသည်ဟု သိရသည်။

အဆိုပါ အင်ဂိုလာ မှ ဗလီဖျက်ဆီးမှုနှင့် အစ္စလာမ်အား ပိတ်ပင်သည့် သတင်းကို ရည်ညွှန်းပြီး ဆိုရှယ်မီဒီယာ စာမျက်နှာများတွင် ဘာသာေ၇းစော်ကားသော အသုံးအနှုန်းများဖြင့် အစ္စလာမ်သာသနာနှင့် မြန်မာမွတ်စလင်မ်များကို မုန်းတီးရေး လှုံဆော်ရေးသားသည့် ပိုစ်များ Facebook အသုံးပြုသူ အစွန်းရောက် လှုံဆော်ရေးသမားများ အကြား ပျံနှံ့ခဲ့တာကို တွေ့ရှိရပါသည်။

Ref:OnIslam

Comments

Leave a Reply