ဇန်နဝါရီ ၂၄၊ ၂၀၁၄
M-Media
– ၁၉၈၉ ခုနှစ်နောက်ပိုင်း အဆိုးရွားဆုံးသော ရလဒ်များနှင့် ကြုံတွေ့နေရသော်လည်း နည်းပြမိုယက်စ်မှာ အသင်းအတွက် သင့်တော်သော နည်းပြဖြစ်သည်ဟု မန်ယူဘုတ်အဖွဲ့က ပြောကြားခဲ့သည်။
ပရီးမီးယားလိဂ် အဆင့် ၇ နေရာတွင်ရှိနေသည့် မန်ယူအသင်းမှာ FA ဖလားမှ စောစီးစွာထွက်ခဲ့ရပြီး၊ ကြာသာပတေးနေ့ကလည်း ဆန်းဒါလန်းအသင်းအား ပင်နယ်တီဖြင့်ရှုံးကာ လိဂ်ဖလား ဆီမီးဖိုင်နယ်မှ ထွက်ခဲ့ရကာ နောက်ဆုံးမျှော်လင့်ချက်အဖြစ် ချန်ပီယံလိဂ် ဖလားနှင့် ပရီးမီးယားလိဂ်တွင် အဆင့်လေးအတွင်း ၀င်ရေးသာ ကြိုးစားရတော့မည်ဖြစ်သည်။
ထို့ပြင် ကွင်းအတွင်းခြေစွမ်းကျဆင်းမှုကြောင့် မန်ယူအင်း၏ ရှယ်ယာဈေးနှုန်းမှာလည်း ယခုနှစ်တွင် ထိုးကျနေပြီး ကမ္ဘာ့ ၀င်ငွေအကောင်းဆုံး စာရင်းတွင်လည်း ၁၃ နှစ်အတွင်း ပထမဆုံး အကြိမ်အဖြစ် အဆင့် ၃ ပြင်ပသို့ ရောက်ရှိလာခဲ့သည်။ သို့သော်လည်း အသက် ၅၀ အရွယ်ရှိ မိုယက်စ်မှာ မန်ယူ ဘုတ်အဖွဲ့၏ အပြည့်အ၀ ထောက်ခံမှုကိုရရှိနေပြီး၊ အသင်း၏ ဒုဥက္ကဌ အက်ဒ် ၀ုဒ်ဝါ့ဒ်ကလည်း မိုယက်စ်အပေါ် ယုံကြည်မှုများရှိနေသည်ဟု ဆိုသည်။
Ref:mirror
Leave a Reply
You must be logged in to post a comment.