News @ M-Media

မိမိအား မန်ယူသို့ရောင်းချခဲ့ခြင်း အပေါ် အံ့အားသင့်မိသည်ဟု မာတာဆို

ဇန်န၀ါရီ ၂၆၊ ၂၀၁၄
M-Media

– ပြီးခဲ့သည့်နှစ်က ချယ်ဆီးအသင်း၏ တစ်နှစ်တာအကောင်းဆုံး ဘောလုံးသမားအဖြစ် ရွေးချယ်ခြင်းခံခဲ့ရသည့် မာတာက ၎င်းအား မန်ယူသို့ အသင်းမှ ရောင်းချလိုက်ခြင်းအပေါ် အံ့သြမိသည်ဟု ပြောကြားလိုက်သည်။

မာတာမှာ မန်ယူအသင်းသို့ ယူရို ၃၇.၁ သန်းဖြင့် ယမန်နေ့က ပြောင်းရွှေ့ခဲ့ခြင်းဖြစ်ပြီး၊ ပရီးမီးယားလိဂ် သမိုင်းတွင် ချယ်ဆီးမှ မန်ယူသို့ ပြောင်းရွှေ့ သည့် ပထမဦးဆုံးကစားသမားဖြစ်လာခဲ့ကာ မနက်ဖြန်တွင်ကစားမည့် ကာဒစ်ဖ်အသင်းနှင့် ပွဲတွင် ပါဝင်ကစားဖွယ်ရှိနေသည်။

“ရိုးရိုးသားသားပြောရရင် ကျွန်တော်နည်းနည်းတော့ အံ့သြမိပါတယ်။ ဒါပေမယ့် ချယ်ဆီးအသင်း၊ ပိုင်ရှင်၊ အသင်းမှာရှိတဲ့လူအားလုံးနဲ့ ပြီးခဲ့တဲ့ ရာသီ နှစ်ခုက ကျွန်တော့်ကိုအကောင်းဆုံးကစားသမားအဖြစ် မဲပေးခဲ့ကြတဲ့ ပရိတ်သတ်တွေအားလုံးကို ကျွန်တော် ကျေးဇူးတင်ပါတယ်။ အမြဲတမ်းလည်း ကျေးဇူးတင်နေမှာပါ” ဟု MUTV နှင့် အင်တာဗျူးတွင် မာတာက ပြောကြားခဲ့သည်။

ထို့ပြင် မိမိအား ၀ယ်ယူခဲ့သည့် ကြီးမြင့်သောဈေးနှုန်းက မိမိအပေါ် ရိုက်ခတ်လိမ့်မည်မဟုတ်ဘဲ အိုးထရက်ဖို့ဒ်တွင် ကစားခွင့်ရရန်သာ ရှေးရှု လုပ်ဆောင်သွားမည် ဖြစ်ကြောင်း ထည့်သွင်းပြောကြားခဲ့သည်။

Ref : Goal

Comments

Leave a Reply