ဇန်နဝါ၇ီ ၂၉ ၊ ၂၀၁၄
M-Media
– ယခုနှစ် ဇန်န၀ါရီအပြောင်းအရွှေ့ကာလမကုန်ခင် မိမိအနေဖြင့် လူခေါ်ယူမှုများကို ပြုလုပ်သွားရန် မျှော်လင့်နေသည်ဟု လီဗာပူးလ်အသင်း၏ နည်းပြ ဘရန်ဒန်ရော်ဂျာက ပြောကြားခဲ့သည်။
လီဗာပူးလ်အသင်းမှာ အီဂျစ် တိုက်စစ်မှူး မိုဟာမက် ဆာလာအား ခေါ်ယူရန် ပစ်မှတ်ထားခဲ့သော်လည်း ချယ်ဆီးအသင်းကခေါ်ယူနိုင်ခဲ့ပြီး လာမည့်နှစ် ချန်ပီယံလိဂ် ၀င်ခွင့်ရရှိရန် အတွက် တိုက်စစ်မှူး တစ်ဦးခေါ်ယူလိုနေခြင်းဖြစ်သည်။
“နောက်နှစ်ရက်အတွင်းမှာ ကျွန်တော်တို့ တစ်ခုခုလုပ်နိုင်မယ်လို့ မျှော်လင့်ပါတယ်။ တနင်္လာနေ့က သတင်းစာခေါင်းကြီးပိုင်းမှာ ကျွန်တော် အသင်းနဲ့ ပြဿနာတက်နေတယ်လို့ ရေးခဲ့ကြပါတယ်။ ဒါဟာ လုံးဝမဟုတ်ပါဘူး” ဟု ရော်ဂျာက ယမန်နေ့ အဲဗာတန်အသင်းအား ၄ ဂိုး ဂိုးမရှိသည့် အနိုင်ရခဲ့သည့်ပွဲအပြီးတွင် သတင်းထောက်များကို ပြောကြားခဲ့သည်။
ဆာလာဟ်အားခေါ်ယူရန် မအောင်မမြင်ဖြစ်ပြီးနောက် ရော်ဂျာမှာ ယူကရိန်းကလပ် Dnipro အသင်းမှ ယူကရိန်းတောင်ပံကစားသမား ကိုနိုပလီယန်ကာအား ခေါ်ယူရန် ကမ်းလှမ်းခဲ့သည်ဟု သတင်းများ ထွက်ပေါ်နေသည်။
Leave a Reply
You must be logged in to post a comment.