News @ M-Media

ရဝမ်ဒါ လူမျိုးတုန်းသတ်ဖြတ်မှုတွင် ပါဝင်သည်ဟု စွပ်စွဲခံရ၍ နှစ်ပတ်လည် အခမ်းအနား ပြင်သစ် မတက်တော့

ဧပြီ ၆၊ ၂၀၁၄
M-Media

– ရ၀မ်ဒါလူမျိုးတုန်းသ တ်ဖြတ်မှုတွင် ပြင်သစ်နိုင်ငံ ပါဝင်ခဲ့သည်ဟု ရ၀မ်ဒါသမ္မတက စွပ်စွဲခဲ့ပြီးနောက် လူမျိုးတုန်း သတ်ဖြတ်မှု နှစ် ၂၀ မြောက် ၀မ်းနည်းဖွယ် အခမ်းအနားကို တက်ရောက်တော့မည် မဟုတ်ဟု ပြင်သစ်နိုင်ငံက ပြောကြားလိုက်သည်။

357379_Rwanda-genocide

၁၉၉၄ ခုနှစ်တွင် ရ၀မ်ဒါ၌ဖြစ်ပွားခဲ့သော လူမျိုးတုန်း သတ်ဖြတ်မှုအတွက် နိုင်ငံရေးအရ ပြင်ဆင်မှုများပြုလုပ်မှုတွင် ဘယ်လ်ဂျီယံနှင့် ပြင်သစ်နိုင်ငံတို့မှာ တိုက်ရိုက်ပါဝင်ခဲ့သည်ဟု ရ၀မ်ဒါသမ္မတ ပေါလ် ကာဂိမ်းက ပဲရစ်မြို့ထုတ် အပတ်စဉ်ဂျာနယ် Jeune Afrique ၏အင်တာဗျူးတွင် ဖြေကြားခဲ့သည်။

ကာဂိမ်း၏ ထိုပြောကြားချက်က နှစ်နိုင်ငံကြား ရင်ကြားစေ့ရေး ကြိုးပမ်းမှုကို အနှောက်အယှက်ဖြစ်စေသည်ဟု ပြင်သစ်ဘက်က ပြန်လည်တုံ့ပြန်ခဲ့ပြီး ရ၀မ်ဒါမြို့တော် ကီဂါလီ၌ မနက်ဖြန်တွင်ပြုလုပ်မည့် လူမျိုးတုန်းသတ်ဖြတ်မှု နှစ် ၂၀ မြောက် ၀မ်းနည်းဖွယ် အခမ်းအနားအား ပြင်သစ် တရားရေးဝန်ကြီးက တက်ရောက်ရန် စီစဉ်ထားမှုကိုလည်း ဖျက်သိမ်းလိုက်ကြောင်း ပြင်သစ်နိုင်ငံခြားရေး ၀န်ကြီးဌာနက သတင်းထုတ်ပြန်ခဲ့သည်။

နိုင်ငံတောင်ပိုင်း လူသားချင်းစာနာသည့် တပ်ဖွဲ့များတွင် တာဝန်ထမ်းဆောင်ခဲ့သည့် ပြင်သစ်စစ်သားများကိုလည်း “သွေးကန်ထဲမှ မင်းသားများ” ဟု ကာဂိမ်းက စွပ်စွဲခဲ့ပြီး၊ ပြင်သစ်ဘက်ကမူ ထိုစွပ်စွဲချက်အား ငြင်းဆိုခဲ့ကာ ၎င်းတို့၏စစ်သားများမှာ အရပ်သားများအား ကာကွယ်ခဲ့သည်ဟု ပြန်လည် တုံ့ပြန်ခဲ့သည်။

ရ၀မ်ဒါ-ပြင်သစ် နှစ်နိုင်ငံ ဆက်ဆံရေးမှာ ၂၀၀၆ ခုနှစ်မှ ၂၀၀၉ ခုနှစ်အတွင်း အေးစက်ခဲ့သော်လည်း နောက်ပိုင်းတွင် အနည်းငယ် တိုးတက်ခဲ့သည်။ ပြင်သစ် ဘက်ကမူ ရ၀မ်ဒါ လူမျိုးတုန်း သတ်ဖြတ်မှုတွင် ပါဝင်ခဲ့သည့် ရ၀မ်ဒါစစ်တပ် အရာရှိဟောင်း ပါစကယ် စင်မ်ဘီကန်ဂွါအား  ပြီးခဲ့သည့်လက ထောင်ဒဏ် ၂၅ နှစ် ချမှတ်ခဲ့ပြီး ရ၀မ်ဒါ လူမျိုးတုန်းသတ်ဖြတ်မှုအတွက် ပထမဆုံး ပြစ်ဒဏ် ချမှတ်ခဲ့ခြင်းလည်းဖြစ်သည်။

AFP

Comments

Leave a Reply