News @ M-Media

ဗြိတိန်အစိုးရ ယဉ်ကျေးမှု ၀န်ကြီးအဖြစ် အစ္စလာမ် ဘာသာဝင် တစ်ဦး ခန့်အပ်ခံရ

ဧပြီ ၁၁၊ ၂၀၁၄
M-Media

– ယူကေ၀န်ကြီးချုပ် ဒေးဗစ်ကင်မရွန်းအစိုးရ၏ ယဉ်ကျေးမှုဆိုင်ရာ ၀န်ကြီးအဖြစ် အစ္စလာမ်ဘာသာဝင် ပါလီမန်အမတ် Sajid Javid ကို ခန့်အပ်လိုက်သည်ဟု သိရသည်။

Former Treasury Minister Sajid Javid lea

ယမန်နေ့နံနက်ပိုင်း အစောပိုင်းက ၀န်ကြီးဟောင်း မာရီယာမီလာ ရာထူးမှနှုတ်ထွက်သွားခြင်းကြောင့် ယဉ်ကျေးမှုဝန်ကြီးအဖြစ် ဘရူမ်းစ် ဂရုဗ်မြို့ကိုယ်စားလှယ် ပါလီမန်အမတ် ဂျာဗစ်အား ခန့်အပ်လိုက်ခြင်းဖြစ်ပြီး ဗြိတိန်အစိုးရတွင် ပါဝင်သည့် ဒုတိယမြောက် မွတ်စလင် ၀န်ကြီးဖြစ်လာမည်ဖြစ်သည်။

“သူဟာ ဖွံ့ဖြိုးဆဲနိုင်ငံတွေမှာ ရင်းနှီးမြှုပ်နှံမှုတွေ မြင့်တက်လာအောင် ကူညီရာမှာ သူဟာ စပယ်ရှယ်လစ် တစ်ယောက်ဖြစ်ပြီး၊ ဒီနယ်ပယ်မှာတော့ နိုင်ငံတကာ အဆင့်ရှိတဲ့ ခေါင်းဆောင်တစ်ဦးအဖြစ် သတ်မှတ်ခြင်းခံထားရတာပါ” ဟု ဂျာဗစ်၏ ၀ဘ်ဆိုဒ်တွင် ရေးသားဖော်ပြထားသည်။ ဂျာဗစ်မှာ ယခင်က ဗြိတိန်ဘဏ္ဍာရေးဌာန၏ တတိယအကြီးဆုံး တာဝန်ရှိသူအဖြစ် တာဝန်ထမ်းဆောင်ခဲ့သူဖြစ်သည်။

ယခင်ဝန်ကြီးဟောင်း မီလာ၏ ငွေကြေးသုံးစွဲမှုအတွက် ပါလီမန်က စစ်ဆေးမှုများ ပြုလုပ်နေပြီးသူမဘက်မှ တုံ့ပြန်ခဲ့ခြင်းအပေါ် ဝေဖန်ခံခဲ့ရပြီးနောက် မီလာမှာ ယမန်နေ့က ကတ်ဘိနတ်အဖွဲ့မှ နှုတ်ထွက်သွားခြင်းဖြစ်သည်။ ၀န်ကြီးချုပ်သို့ ပေးပို့သော သူမ၏ နှုတ်ထွက်စာတွင် “အလွန်နောင်တရမိသည်” ဟု ဖော်ပြထားသည်။

ကိုယ့်ဒူးကိုယ်ချွန်လူသား

ဘတ်စ်ကား ဒရိုင်ဘာတစ်ဦး၏ သားဖြစ်သူ ဂျာဗစ်မှာ ဘရစ္စတိုလ်မြို့တွင် အထက်တန်း ပညာရေးကို ဆည်းပူးခဲ့ပြီးနောက် Exeter တက္ကသိုလ်တွင် စီးပွားရေးနှင့် နိုင်ငံရေးပညာရပ်ကို လေ့လာသင်ယူရန် အခွင့်အရေးရခဲ့သည်။

ဂျာဗစ်မှာ  အသက် ၂၄ နှစ်အရွယ်တွင် Chase Manhattan ဘဏ်၏ ဒုတိယ ဥက္ကဌဖြစ်လာခဲ့ပြီး ဘဏ်သမိုင်းတွင် အငယ်ဆုံး ဒုဥက္ကဌလည်းဖြစ်သည်။ ထို့နောက် ဂျာဗစ်မှာ Deutsche ဘဏ်သို့ ပြောင်းရွှေ့ခဲ့ပြီး၊ အာရှဆိုင်ရာ ဘဏ္ဍာရေး၊ ရှယ်ယာနှင့် သွင်းကုန်ပို့ကုန် စီပွားရေးဌာနတွင် ဒါရိုက်တာအဖြစ် တာဝန်ထမ်းဆောင်ခဲ့သည်။

အောင်မြင်သော စီးပွားရေးလုပ်ငန်းရှင်နှင့် ရင်းနှီးမြှုပ်နှံသူ တစ်ဦးဖြစ်သည့် ဂျာဗစ်မှာ စွန့်ဦးလုပ်ငန်းရှင်များ၏ စီးပွားရေး တည်ထောင်မှုများ၊ အလုပ်အကိုင် ဖန်တီးမှုများကိုလည်း ကူညီပေးခဲ့သည်။ လူမှုရေးလုပ်ငန်းများကိုလည်း အာရုံစိုက် လုပ်ဆောင်ခဲ့ပြီး ဗြိတိန်ကြက်ခြေနီအသင်း အတွက် တစ်ဦးတည်း ရန်ပုံငွေပွဲ တစ်ခုပြုလုပ်ကာ ပေါင် ၇၁၀၀၀၀ ရှာဖွေပေးနိုင်ခဲ့သည်။

ထို့ပြင် သက်ကြီးရွယ်အိုများကို ကူညီစောင့်ရှောက်ပေးနေသည့် ဗြိတိန်အခြေစိုက် Help the Aged အဖွဲ့အတွက် ရန်ပုံငွေရှာဖွေရေး အဖွဲ့ကို ဦးဆောင်ကာ တန်ဇန်းနီးယားနိုင်ငံ Kilimanjaro တောင်တွင် ပြုလုပ်သည့် အစည်းဝေးသို့ သွားရောက်ခဲ့သည်။ ဂျာဗစ်မှာ လန်ဒန်၏ အကြီးဆုံး ကလေးသူငယ်များကူညီစောင့်ရှောက်ရေးအဖွဲ့ Westminster Children’s Society ၏ ဘဏ္ဍာရေးပိုင်းကို ကြီးကြပ်ဆောင်ရွက်ရသူလည်းဖြစ်သည်။

အကြီးတန်းဝန်ကြီး တစ်ဦးဖြစ်ပြီး အယူဝါဒနှင့် လူမှုအဖွဲ့အစည်းဆိုင်ရာ ၀န်ကြီးဖြစ်သူ ဘရိုနက်စ် ၀ါစီပြီးနောက် ဂျာဗစ်မှာ ဗြိတိန်အစိုးရ၏ ဒုတိယမြောက် မွတ်စလင်ဝန်ကြီးဖြစ်သည်။

ဗြိတိန်တွင် အစ္စလာမ်ဘာသာမှာ ခရစ်ယာန်ဘာသာပြီးနောက် ဒုတိယအများဆုံး ယုံကြည်ကိုးကွယ်သည့် အယူဝါဒ တစ်ခုဖြစ်ပြီး အစ္စလာမ်ဘာသာဝင် ဦးရေ ၂.၇ သန်းရှိသည်။

Ref: OnIslam & Newspapers

Comments

Leave a Reply