ဇွန် ၁၁ ၊ ၂၀၁၄
M-Media
– ဗြိတိန် အစ္စလာမ်အသင်း၏ ဥက္ကဌအဖြစ် တာဝန်ထမ်းဆောင်ဖို့ အသင်းရဲ့ သမိုင်းမှာ ပထမဆုံးအမျိုးသမီး အဖြစ် ဘာသာပေါင်းစုံ ညီညွတ်ရေး ကိစ္စရပ်များကို ဆောင်ရွက်နေသည့် Sughra Ahmed ကို ၂၀၁၃ နိုဝင်ဘာ ၂၃ ရက်နေ့ ရွေးချယ်ခဲ့တာ ဖြစ်ပါတယ်။
Sughra Ahmed ဟာ အင်္ဂလိပ်စာအထူးပြု BA ဂုဏ်ထူးတန်းအောင်မြင်ထားပြီး၊ အစ္စလာမ့်ရေးရာ မဟာဝိဇ္ဇာတန်း ကိုလည်း အောင်မြင်ထားသူ Sughra မှာ ဗြိတိန်အစ္စလာမ်အသင်းတွင် ပထမဆုံး အမျိုးသမီး ဥက္ကဌ အဖြစ် မှတ်တမ်းဝင်သွားပြီ ဖြစ်ပါတယ်။
Sughra မှာ ကိန်းဘရစ်တက္ကသိုလ် ပေါ်လစီနှင့် ပြည်သူ့ပညာရေးဆိုင်ရာ စင်တာတွင် ပရိုဂရမ် မန်နေဂျာ အဖြစ် ဆောင်ရွက်ခဲ့ပြီး ဘာသာရေးနှင့် ယုံကြည်ချက် မတူညီသူများကြား သဟဇာတဖြစ်ရေး သုတေသနနှင့် လေ့ကျင့်ရေးဆိုင်ရာ ကိစ္စရပ်များကို တာဝန်ယူ ဆောင်ရွက်ရသူလည်းဖြစ်ပါတယ်။
ထို့ပြင် ယူကေ ဘာသာပေါင်းစုံ ကွန်ရက်တွင်လည်း ပါဝင်ဆောင်ရွက်နေသူဖြစ်ပြီး လူ့အဖွဲ့အစည်းအတွင်း အယူဝါဒရေးရာ ကိစ္စရပ်များကို အဓိက ထားကာ သုတေသနပြုလုပ်နေသည့် FaithxChange အဖွဲ့တွင်လည်း Sughra မှာ အကြံပေးအဖြစ် ဆောင်ရွက်နေပြီး ယူကေ Radio 2 မှ ထုတ်လွှင့်သည့် Pause for Thought အစီအစဉ် ဘာသာရေးဆိုင်ရာ ဆွေးနွေးမှုများတွင်လည်း ကူညီဆောင်ရွက်ပေးနေကြောင်း သိရှိရပါတယ်။
ဒါအပြင် ၂၀၁၄ ခုနှစ်အတွက် ကဏ္ဍအလိုက် ထူးချွန် ဗြိတိန်-မွတ်စလင်များ ဆုရွေးချယ်ရာတွင် Muslim Woman of the Year ကို ဆွတ်ခူးရရှိထားသူလည်းဖြစ်ပါတယ်။
Ref: Islamic Society of Britain
Leave a Reply
You must be logged in to post a comment.