News @ M-Media

တောင်အာဖရိက ကမ္ဘာ့ဖလား ဗိုလ်လုပွဲတွင် စပိန်အား ရှုံးနိမ့်မှုက မိမိအားခြောက်လှန့်နေဟု ရော်ဘင်ဆို

ဇွန်လ ၁၃ ရက်၊ ၂၀၁၄
M-Media
422582_heroa
– ၂၀၁၀ ကမ္ဘာ့ဖလားဗိုလ်လုပွဲတွင် စပိန်အသင်းအား ရှုံးနိမ့်ခဲ့ရခြင်းက မိမိ၏ ဘ၀သက်တမ်းတစ်လျှောက် ခြောက်လှန့်နေတော့မည်ဟု ဟော်လန်အသင်း ကွင်းလယ်လူ အာဂျန်ရော်ဘင်က ပြောကြားလိုက်သည်။

ထိုပွဲတွင် ရော်ဘင်မှာ ဆနိုက်ဒါ၏ ဖန်တီးပေးမှုမှတစ်ဆင့် ဂိုးသွင်းရန် အကောင်းဆုံးအခွင့်အရေး တစ်ကြိမ် ရခဲ့သော်လည်း အသုံးမချနိုင်ခဲ့ဘဲ အချိန်ပိုတွင် စပိန်၏ သွင်းဂိုးကို ခွင့်ပြုခဲ့ရက ကမ္ဘာ့ဖလား ကိုင်မြှောက်ခွင့် ဆုံးရှုံးခဲ့ရသည်။

“အဲဒီအချိန်ဟာ ကျွန်တော့်ဘ၀ရဲ့ လျှက်တစ်ပြက် အချိန်တစ်ခုပါပဲ။ ကျွန်တော့်ရဲ့ ကစားသမားဘ၀ရဲ့ အစိတ်အပိုင်းတစ်ခုဖြစ်ပြီး ဘ၀တစ်လျှောက်လုံး ရှိနေမှာပါ။ ဒါပေမယ့် ဒါဟာ အတိတ်က ကိစ္စပါပဲ” ဟု ရော်ဘင်က သတင်းစာရှင်းလင်းပွဲတွင် သတင်းထောက်များအား ပြောကြားခဲ့သည်။

သို့သော်လည်း ထိုခံစားမှုက နက်ဖြန်တွင်ကစားမည့် စပိန်နှင့်ပွဲကို ထိခိုက်မည်မဟုတ်ကြောင်း ရော်ဘင်က ထည့်သွင်ပြောကြားခဲ့သည်။ အုပ်စု B ၏ အဖွင့်ပွဲအဖြစ် စပိန်နှင့် ဟော်လန်တို့မှာ ယနေ့ည ၁ နာရီခွဲတွင် ယှဉ်ပြိုင်ကစားမည်ဖြစ်သည်။

Comments

Leave a Reply