News @ M-Media

MH 730 မှာ အော်တိုပိုက်လော့ဖြင့် မောင်းနှင်ခဲ့ပြီး ပျက်ကျသွားခြင်း ဖြစ်ကြောင်း သြစတြေးလျ ပြော

ဇွန်လ ၂၆ ရက်၊ ၂၀၁၄
M-Media
133440372_14037825293801n
– မတ်လအစောပိုင်းက ပျောက်ဆုံးသွားခဲ့သည့် မလေးရှားလေယာဉ် MH 730 မှာ အော်တိုပိုက်လော့ (အလိုအလျောက် မောင်းနှင့်သည့်စနစ်) ဖြင့် ပျံသန်းခဲ့ပြီး ဆီကုန်ကာ သမုဒ္ဒရာထဲသို့ ပျက်ကြခဲ့ခြင်းဖြစ်သည်ဟု သြစတေးလျ ဒုတိယ၀န်ကြီးချုပ် ၀ါရန်ထရက်စ်က ယနေ့တွင် ပြောကြားလိုက်သည်။

သြစတေးလျ၊ မလေးရှားနှင့် တရုတ်နိုင်ငံတို့ပါဝင်သော လေယာဉ်ရှာဖွေရေးလုပ်ငန်း သတင်းထုတ်ပြန်မှုတွင် ထရက်စ်က ပြောကြားခဲ့ခြင်းဖြစ်သည်။ ထို့ပြင် နိုင်ငံတကာ ဂြိုဟ်တုများ၏ တွေ့ရှိချက်နှင့် ပညာရှင်များ၏ တွက်ချက်မှုကို အခြေခံကာ ရှာဖွေမှုကို အိန္ဒိယ သမုဒ္ဒရာတောင်ပိုင်း နေရာသစ်သို့ ပြောင်းလဲ သွားမည်ဟု ဆိုသည်။ ကီလိုမီတာ ၆ သောင်းရှိမည့် အဆိုပါနေရာသစ်တွင် ရှာဖွေမှုလုပ်ငန်းများကို သြဂုတ်လတွင် စတင်မည်ဖြစ်ကာ ၁၂ လအထိ ကြာမြင့်နိုင်သည်။

“ဒီနေရာကို အရင်က သေသေချာချာ ရှာဖွေမှု မလုပ်ရသေးပါဘူး။ ဒါ့ကြောင့် သမုဒ္ဒရာကြမ်းပြင်ကို ဘယ်လို အခြေအနေရှိလဲဆိုတာကို ရှင်းရှင်းလင်းလင်း မသိရသေးဘဲနဲ့ ရှာဖွေရေးပစ္စည်း အသစ်တွေ ချတာဟာ လုပ်ငန်းကို အန္တရာယ် ရှိစေပါတယ်။ ကျွန်တော်တို့ ကံကောင်းပြီး ပထမဆုံးနာရီ ဒါမှမဟုတ် ပထမဆုံး နေ့မှာ တွေ့သွားနိုင်ပါတယ်။ ဒါမှမတုတ် နောက် ၁၂ လလည်း ကြာသွားနိုင်ပါတယ်” ဟု ထရက်စ်က ပြောကြားခဲ့သည်။

ကွာလာလမ်ပူမှ ဘေဂျင်းသို့အသွား မတ်လ ၈ ရက်နေ့က ပျောက်ဆုံးသွားသည့် အဆိုပါလေယာဉ်တွင် လူပေါင်း ၂၃၉ ဦးလိုက်ပါသွားပြီး ရှာဖွေရေးလုပ်ငန်းများ၏ အခြေအနေကို သြစတေးလျ၊ မလေးရှားနှင့် တရုတ်နိုင်ငံတို့က ကျန်ရှိမိသားစုများအား အကြောင်းကြားပေးနေသည်။

ဆင်ဟွာ

Comments

Leave a Reply