ဇွန်လ ၃၀ ရက်၊ ၂၀၁၄
M-Media
ရေးသူ- ဆွေမွန်
“ဇာတိ၊ ကိုးကွယ်ရာဘာသာ၊ လူမျိုးတို့ကို အကြောင်းပြု၍ ခွဲခြား၊ ဝေဖန်၊ လှုံ့ ဆော်၊ ရေးသားခြင်း မပြုရ။”
၂၀၁၂ ခုနှစ်၊နိုဝင်ဘာလ (၁၃) ရက်နေ့ မြန်မာနိုင်ငံစာနယ်ဇင်းကောင်စီ (ယာယီ)၏ ပဉ္စမအကြိမ် အစည်းအဝေးတွင် ချမှတ်ထားသည့် စာနယ်ဇင်းကျင့်ဝတ် (၁၅) ချက်မှ….
ဒီနေ့ သစ်ထူးလွင်သတင်းမှာ ဒီလိုရေးတယ်။ “ဆန်းလ္ဘက်ရည်ဆိုင် ပိုင်ရှင် မူဆလင်ညီအစ်ကို နှစ်ဦးက ဗုဒ္ဓ ဘာသာဝင် ဆိုင်အလုပ်သမ တဦးအား အဓမ္မပြုကျင့် ”…တဲ့။
“ဇာတိ၊ ကိုးကွယ်ရာဘာသာ၊ လူမျိုးတို့ကို အကြောင်းပြု၍ ခွဲခြား၊ ဝေဖန်၊ လှုံ့ ဆော်၊ ရေးသားခြင်း မပြုရ။” ဆိုတဲ့ ကျင့်ဝတ် ethic ဘယ်ရောက်သွားသလဲ။
ရဲက ထုတ်ပြန်တဲ့ တရားဝင်သတင်းမဟုတ်ဘဲ သစ်ထူးလွင်က ဒီလို အမုန်းတရားပြန့်ပွားအောင် လှုံ့ဆော်ရေးသားခွင့် ဘာကြောင့်ရနေသလဲ။
အွန်လိုင်းမီဒီယာဟာ စာနယ်ဇင်းကျင့်ဝတ်ကို စောင့်ထိန်းစရာ မလိုဘူးလား။ စာနယ်ဇင်းကျင့်ဝတ်မဲ့ ရေးသားသည့် သစ်ထူးလွင်ကြောင့် လူမျိုး/ဘာသာ အခြေခံ မုန်းတီးမှုများ ပိုမို ဆိုးရွားလာနိုင်နေပါပြီ။
အဲဒီလူနှစ်ယောက် မုဒိမ်းမှုကျူးလွန်ရင်တောင် ကိုးကွယ်ရာဘာသာကို ဘာကြောင့် ထည့်ရေးရသလဲ။
ဗုဒ္ဓဘာသာဝင်တွေထဲမှာ မုဒိမ်းမှုကျူးလွန်သူ မရှိဖူးဘူးလား။
ဘာကြောင့် လူတစ်ယောက်ရဲ့ လုပ်ရပ်ကို အကြောင်းပြုပြီး ကိုးကွယ်ရာဘာသာတရားတစ်ခုကို စော်ကားသိက္ခာချချင်နေရတာလဲ….
လူတစ်ယောက်ရဲ့ လုပ်ရပ်ဟာ အဲဒီလူကိုးကွယ်တဲ့ ဘာသာဝင်အားလုံးကို ကိုယ်စားပြုနိုင်သလား။
အဇာတသတ်ဟာ ဗုဒ္ဓဘာသာဝင်ပါ။
ဘုရားရှင်ကို အကြိမ်ကြိမ်သတ်ဖြတ်ဖို့အားထုတ်ဖူးတဲ့ ရှင်ဒေ၀ဒတ်ဟာ ဗုဒ္ဓဘာသာဝင်ပါ။ သူတို့ကြောင့် ဗုဒ္ဓဘာသာ သိက္ခာကျခဲ့သလား။ မကျပါဘူး။ ဘာသာဝင်တွေရဲ့ လုပ်ရပ်ကြောင့် ဘာသာတရားကို သိက္ခာရောပြီး ကျစေမယ်ဆိုရင် ဒီကမ္ဘာကြီးထက် မတရားတဲ့နေရာ မရှိတော့ပါဘူး။
ဒီလူနှစ်ယောက်ရဲ့ လုပ်ရပ်ဟာ ဒီလိုနှစ်ယောက်ရဲ့ အကျင့်စာရိတ္တတွေကိုပဲ ကိုယ်စားပြုနိုင်ပါလိမ့်မယ်။ သူတို့ရဲ့ မိဘကိုတောင် ဆွဲထည့်လို့မရနိုင်ပါဘူး။ ဘာသာတရားကိုဆွဲသွင်းသိက္ခာချတဲ့ သစ်ထူးလွင်ရဲ့ လုပ်ရပ်က အင်မတန်အောက်တန်းကျ ညစ်ပတ်လွန်းတယ်လို့ပဲ ပြောချင်တယ်။
ဆွေမွန်
ကိုးကား http://www.m-mediagroup.com/news/29249
Leave a Reply
You must be logged in to post a comment.