News @ M-Media

သမ္မတနှင့် ကာချုပ်အား အာဇာနည်များကို ဦးညွတ်ရန် တောင်းဆိုမည်

ဇူလိုင် ၁၇၊ ၂၀၁၄
M-Media
လမင်း
DSC03390
ရန်ကုန်။     ။  ဇူလိုင် ၁၉ ရက်နေ့တွင် ကျရောက်မည်ဖြစ်သော အာဇာနည်နေ့အခမ်းအနားသို့ နိုင်ငံတော်သမ္မတနှင့် တပ်မတော် ကာကွယ်ရေး ဦးစီးချုပ်တို့ပါ တက်ရောက် ဦးညွတ်နိုင်ရန်အတွက် အာဇာနည်သို့ ဦးညွတ်မည့်သူများမှ တောင်းဆို သွားမည်ဖြစ်ကြောင်း သတင်းရရှိပါတယ်။

“ကျွန်တော်တို့ မနှစ်ကလည်း တောင်းဆိုထားပါတယ်။ ဒီနှစ်လည်း သမ္မတနဲ့ ကာချုပ် တက်ရောက်ဖို့ကိုတောင်းဆိုထားပါတယ်။ အခုထိတော့ အကြောင်း တစ်စုံ တစ်ရာ မပြန်သေးပါဘူး။ တိုင်းပြည်အတွက် အသက်ပေးခဲ့တဲ့ အာဇာနည်ခေါင်းဆောင်တွေကို လက်ရှိနိုင်ငံ့ခေါင်းဆောင်တွေက ဦးညွတ်စေချင်တဲ့ သဘောပါ။အဲဒါကြောင့် တောင်းဆိုနေရတာပါ” ဟု အာဇာနည်သို့ ဦးညွတ်မည့်သူများမှ တစ်ဦးဖြစ်သူ ကိုဒီငြိမ်းလင်းက ဆိုပါတယ်။

ယခုကဲ့သို့ အာဇာနည်နေ့ အခမ်းအနားကိုပြုလုပ်ရခြင်းသည် လူငယ်များတွင် အာဇာနည် စိတ်ဓာတ်ပြန်လည်ပေါ်ထွန်း လာစေရန်ဖြစ်ပြီး လွတ်လပ်ရေးအတွက် တိုက်ပွဲဝင်ခဲ့သည့် အာဇာနည်များအား လေးစား ဂုဏ်ပြုသည့်အနေနှင့် ဦးညွတ်သွားမည်ဖြစ်ကြောင်း ၎င်းအာဇာနည်သို့ ဦးညွတ်မည့် သူများက ပြောပါတယ်။

ဇူလိုင်လ ၁၉ ရက်နေ့တွင် ဥသြဆွဲမည့်ကားများကို ယာဉ်မောင်းလိုင်စင် ပိတ်သိမ်းမယ်ဆိုတာတော့ အရမ်းကို တင်းကြပ်လွန်းတယ်လို့ထင်ပါတယ်။ တားမြစ် ပိတ်ဆို့မှုတွေရှိသော်လည်း ကျဆုံးသွားသော အာဇာနည်ခေါင်းဆောင်များကို ဂုဏ်ပြု သွားမည်ဖြစ်ကြောင်းကို အဆိုပါအာဇာနည်သို့ ဦးညွတ်မည့်သူများထဲမှ တစ်ဦးက ဆိုပါတယ်။

ပြည်သူများပါဝင်လာနိုင်ရန် ယင်းအဖွဲ့မှ စတပ်ကာ Campaign၊ ဥသြသံ Ringtone Campaingn များကို ပြုလုပ် လျက်ရှိကြသည်။ မီဒီယာများ၌လည်း ဇူလိုင်လ ၁၉ ရက်နေ့တွင် ရုပ်သံမီဒီယာများမှ ဥသြသံများဆွဲရန် တောင်းဆိုထားကြောင်းတွေ့ရှိရပါတယ်။

Comments

Leave a Reply