News @ M-Media

မန်ယူမှာ ကမ္ဘာပေါ်တွင် အကြီးကျယ်ဆုံး ကလပ်အသင်းဟု နည်းပြသစ်ဗန်ဂါးလ်ပြော

ဇူလိုင် ၁၉ ၊ ၂၀၁၄
M-Media
433919_heroa
– မန်ချက်စတာယူနိုက်တက်အသင်းမှာ ကမ္ဘာပေါ်တွင် အကြီးကျယ်ဆုံး ကလပ်အသင်းဖြစ်သည်ဟု နည်းပြသစ် ဗန်ဂါးလ်က ၎င်း၏ ပထမဆုံး သတင်းစာရှင်းလင်းပွဲတွင် ပြောကြားလိုက်သည်။

ဗန်ဂါးလ်မှာ ဗုဒ္ဓဟူးနေ့က မန်ယူအသင်း၏ လေ့ကျင့်ရေးကွင်းသို့ ရောက်ရှိလာခဲ့ပြီး နည်းပြတာဝန်ထမ်းဆောင်ခဲ့ကာ ကြာသာပတေးနေ့ တွင်ပြုလုပ်သော သတင်းစာရှင်းလင်းပွဲ၌ ထိုကဲ့သို့ ပြောကြားခဲ့ခြင်းဖြစ်သည်။ သို့သော်လည် ယခုလက်ရှိ မန်ယူအသင်းတွင် အလျင်အမြန်ဆောင်ရွက်ရမည့် အရာများရှိကြောင်းကို သိရှိသည်ဟုလည်း ၎င်းက ဆိုသည်။

“ကမ္ဘာတစ်ဝှမ်း ဘယ်လောက် လူကြိုက်များတယ်ဆိုတဲ့ အကြောင်းကြောင့်ဆိုရင်တော့ ဒီအသင်းဟာ အကြီးကျယ်ဆုံး အသင်းပါ။ ဒါပေမယ့် အားကစားမှာ ဘယ်တော့မှ ထိပ်ဆုံးရောက်နေတဲ့ အသင်းမရှိပါဘူး။ ပြီးခဲ့တဲ့နှစ်က (ပရီးမီးယားလိဂ်မှာ) ကျွန်တော်တို့ အဆင့် ၇ ချိတ်ခဲ့ပါတယ်။ ကျွန်တော်တို့ အကြီးကျယ်ဆုံး အသင်းမဖြစ်ခဲ့ပါဘူး” ဟု ဗန်ဂါးလ်က ပြောကြားခဲ့သည်။

၎င်း၏ ပထမဆုံးရာသီတွင် အသင်းအား မည်သည့်နည်းဖြင့် ကိုင်တွယ် သွားမည်ကို မပြောခဲ့ဘဲ၊ မိမိအနေဖြင့် အစွမ်းကုန်ဆောင်ရွက် သွားမည်ဖြစ်ပြီး ကစားသမားများ မိမိ၏ ပုံစံနှင့် အံဝင်ခွင်ကျဖြစ်ရန် အတွက်လည်း ကြိုးစားသွားမည်ဖြစ်ကြောင်း ထည့်သွင်းပြောကြားခဲ့သည်။

ဗန်ဂါလ်မှာ ဘာစီလိုနာ၊ ဘိုင်ယန်မြူးနစ်၊ အေဂျက်စ်အသင်းတို့ကို ယခင်က ကိုင်တွယ်ခဲ့ဖူးပြီး အောင်မြင်မှုများ ရရှိအောင် စွမ်းဆောင်ပေးနိုင်ခဲ့သည်။

“စပိန်မှာနံပါတ် ၁ အသင်းဖြစ်တဲ့ ဘာစီလိုနာ၊ ဟော်လန်မှာ နံပါတ် ၁ ဖြစ်တဲ့ အေဂျက်စ်နဲ့ ဂျာမနီမှာ အကြီးဆုံးအသင်းဖြစ်တဲ့ ဘိုင်ယန်မြူးနစ်တို့ကို ကျွန်တော် နည်းပြခဲ့ဖူးပါတယ်။ အခုတော့ အင်္ဂလန်ရဲ့ အကြီးကျယ်ဆုံးအသင်းမှာ ကျွန်တော်ရောက်နေပါပြီ”

နည်းပြမိုယက်စ် ထွက်ခွာသွားခဲ့ပြီးနောက် ဗန်ဂါလ်အား ပြီးခဲ့သည့်မေလက မန်ယူအသင်းမှ စာချုပ်ချုပ်ခဲ့ခြင်းဖြစ်ပြီး လက်ထောက် နည်းပြအဖြစ် မန်ယူကစားသမားဟောင်း ရွိုင်ယန်ဂစ်က ဆောင်ရွက်သွားမည်ဖြစ်သည်။

Comments

Leave a Reply