သြဂုတ် ၃ ၊ ၂၀၁၄
M-Media
– အေစီမီလန်အသင်း၏ အီတလီတိုက်စစ်မှူး ဘာလော့တယ်လီမှာ ကမ္ဘာပေါ်ရှိ မည်သည့်အသင်းတွင်မဆို ကစားနိုင်သည်ဟု လီဗာပူးလ်နည်းပြ ဘရန်ဒန်ရော်ဂျာက ပြောကြားလိုက်သည်။
ဘာလော့တယ်လီ၏ အနာဂတ်မှာ လက်ရှိအချိန်တွင် ရှုပ်ထွေးနေပြီး အာဆင်နယ်အသင်းသို့ ပြောင်းရွှေ့မည်ဟု သတင်းများထွက်ပေါ်နေသော်လည်း အေစီမီလန်အသင်းတွင်ပင် ဆက်ရှိနေရန် အလားအလာရှိနေသည်။
“ဘာလော့တယ်လီဟာ ပါရမီရှိတဲ့ ကစားသမားပါ။ လူငယ်ကစားသမားအဖြစ် အင်တာမှာ ကစားကတည်းက သူ့ကို ကျွန်တော်တွေ့ခဲ့တာပါ။ မန်စီးတီးကို ရောက်လာတဲ့အခါမှာတော့ သူ့ကို အနီးကပ် စောင့်ကြည့်ခဲ့ပါတယ်။ သူ့မှာ အရည်အချင်းတွေအားလုံးရှိပါတယ်။ လျင်မြန်တယ်၊ကန်ချက်က ကြောက်စရာကောင်းတယ်၊ သူဟာ ဂိုးလည်းသွင်းနိုင်ပါတယ်” ဟု ရော်ဂျာက သတင်းထောက်များအား ပြောကြားခဲ့သည်။
ဥရုဂွေးတိုက်စစ်မှူး ဆွာရက်ဇ်အား ယူရို ၈၈ သန်းဖြင့် ရောင်းချခဲ့ပြီးနောက် ရော်ဂျာမှာ အသင်းအား အင်အားဖြည့်တင်းမှုများ ပြုလုပ်နေပြီး ယခုလက်ရှိတွင် တိုက်စစ်မှူးတစ်ဦးခေါ်ယူရန် စီစဉ်နေသည်။ အမေရိကန်တွင် ယှဉ်ပြိုင်နေသည့် International Champions Cup ချစ်ကြည်ရေး ဘောလုံးပြိုင်ပွဲ ဗိုလ်လုပွဲတွင် လီဗာပူးလ်မှာ အေစီမီလန်နှင့် တွေ့ဆုံရမည်ဖြစ်သည်။
Leave a Reply
You must be logged in to post a comment.