News @ M-Media

ပဲခူး ရေဘေးသင့်သူများသို့ လူမျိုး/ဘာသာ မခွဲခြားဘဲ Community Learning Center မှ လှူဒါန်း

သြဂုတ် ၁၃ ၊ ၂၀၁၄
M-Media
ချမ်းငြိမ်းအောင်

10592550_684914124934976_695594097_n

ပဲခူးမြို့ ရေဘေးသင့်သူများအတွက် ရန်ကုန်မြို့ရှိ Community Learning Center မှ သူငယ်ချင်းတစ်စု စုပေါင်း၍ တစ်ပိုင်တစ်နိုင်အဖြစ် ဆန်၊ ခေါက်ဆွဲခြောက်၊ ဆပ်ပြာ၊ သွားတိုက်ဆေးတို့ကို သြဂုတ်လ ၁၂-ရက်နေ့က သွားရောက်လှူဒါန်းခဲ့သည်။

ရေဘေးသင့်၍ ပဲခူးမြို့ရှိ အောင်ဇေယျာဘုန်းတော်ကြီးကျောင်း၊ ရွှေနံ့သာ ဘုန်းတော်ကြီးကျောင်းနှင့် ဒါရ်ဂါဗလီတို့တွင် ခိုလှုံနေကြသူများအား ကူညီနေသည့် ဆရာတော်များ၊ ဂေါပကများနှင့် တာဝန်ရှိသူများထံ အိမ်ထောင်စု ၂၅၀ အတွက် အထက်ပါ ပစ္စည်းများကို လှူဒါန်းခဲ့ကြောင်း သိရသည်။

“ကျွန်တော်တို့ လှူဒါန်းတာက ဘာသာလူမျိုးမခွဲခြားပဲ လှူဒါန်းတာပါ။ Community Learning Center က သူငယ်ချင်းတွေ စုပြီး လှူတာပါ။ Community Learning Center က မွတ်စလင်တွေအတွက် သီးသန့်မဟုတ်ပါဘူး။ ဘာသာ လူမျိုး အားလုံး ပါဝင်လို့ရပါတယ်။

10602951_685125971580458_1311792418_n

အခုဆို သိမ်ဖြူလမ်းမှာဖွင့်ထားတဲ့ Community Learning Center ကို လူမှုရေးလုပ်ငန်းများ၊ သင်တန်းများ၊ workshop များအတွက် မည်သူမဆို အသုံးပြုနိုင်ရန် စီစဉ်ထားပါတယ်။ အခန်းငှားရမ်းမှုအတွက် ငှားရမ်းခ မယူပါဘူး။ စေတနာရှိလို့ ငှားရမ်းမှုအပေါ် ပြန်လည်လှူဒါန်းမယ်ဆိုရင်လည်း လက်ခံမှာပါ။ ပထမတစ်ကြိမ်က မိတ္ထီလာမှာ ကျွန်တော်တို့ လွန်ခဲ့တဲ့ တစ်လလောက်က လှူဒါန်းခဲ့ပါတယ်။

အခု ပဲခူးမြို့အလှူကလည်း ကျွန်တော်တို့ သူငယ်ချင်းတစ်စု တစ်ပိုင်တစ်နိုင်လှူတာပါ။ နောက်လည်း ကျွန်တော်တို့ နိုင်သလောက် လုပ်ဆောင်သွားမှာပါ”ဟု ကိုသန့်ဇင်ထွေးက M-Media ကို ပြောသည်။

Comments

Leave a Reply