စက်တင်ဘာ ၂၃ ၊ ၂၀၁၄
M-Media
– မဟာမိတ်အဖွဲ့ ဖွဲ့စည်းပြီးနောက်ပိုင်း ပထမဆုံး အကြိမ်အဖြစ် ဆီးရီးယားရှိ ISIL အဖွဲ့ ထိန်းချုပ်ထားသည့် ဒေသကို အမေရိကန်နှင့် မဟာမိတ် အာရပ်နိုင်ငံများက ယနေ့နံနက်စောစောပိုင်းတွင် စတင်ဗုံးကြဲ တိုက်ခိုက်ခဲ့သည်ဟု သိရသည်။
တိုက်ခိုက်မှုတွင် အမေရိကန်နှင့်အတူ ဘာရိန်း၊ ကာတာ၊ ဆော်ဒီအာရေဗျနှင့် ယူအေအီးနိုင်ငံတို့ ပါဝင်ကြသည်ဟု အမေရိကန်က ကြေညာခဲ့သည်။ အမေရိကန် ကာကွယ်ရေးဌာနမှ ပြောရေးဆိုခွင့်ရှိသူ တစ်ဦးကမူ တိုက်လေယာဉ်များ၊ ဗုံးကြဲလေယာဉ်များ၊ တွမ်ဟော့ ဒုံးကျည်များဖြင့် တိုက်ခိုက်ခဲ့ခြင်းဖြစ်သည် ဟု ပြောကြားခဲ့သည်။ တိုက်ခိုက်မှုမှာ ပထမအကျော့ဖြစ်ပြီး တိုက်ခိုက်မှုအကြိမ် ၂၀ ပါဝင်ခဲ့ကာ မိနစ် ၉၀ ကြာမြင့်ခဲ့သည်။
မည့်သည့်နေရာသို့ တိုက်ခိုက်ခဲ့သည်ဟု အမေရိကန်က ဖော်ပြခဲ့ခြင်း မရှိသော်လည်း ISIL အဖွဲ့၏ ခြေကုပ်ယူထားရာ ရက်ကာမြို့ကို တိုက်ခိုက်ခြင်းဖြစ်သည်ဟု ဆိုရှယ် မီဒီယာများတွင် ဖော်ပြနေကြသည်။
ဆီးရီးယားရှိ ISIL အား တိုက်ခိုက်ရန်အတွက် အမေရိကန်က မဟာမိတ်အဖွဲ့ ဖွဲ့စည်းပြီးနောက်ပိုင်း ၂ ပတ်အကြာတွင် ယခုကဲ့သို့ ပထမဆုံးအကြိမ် တိုက်ခိုက်ခဲ့ခြင်းဖြစ်ပြီး ထပ်မံတိုက်ခိုက်မှုများလည်း ဆက်လက်ပြုလုပ်သွားရန် ရှိနေသည်။
ref_ Al Jazeera and agencies
Leave a Reply
You must be logged in to post a comment.