ဒီဇင်ဘာ ၃ ၊ ၂၀၁၄
M-Media
– ပြန်ပေးဆွဲ အသတ်ခံရသည့် ပညာရေးကောလိပ်မှ ကျောင်းသားများ ကိစ္စတွင် ကိုင်တွယ်မှု ညံ့ဖျင်းခြင်းကို ဆန့်ကျင်သည့် အနေဖြင့် မက္ကဆီကိုသမ္မတ အန်းရစ် ပန်နာ နီယက်တို နှုတ်ထွက်ရန်အတွက် နိုင်ငံ တစ်ဝှမ်း ဆန္ဒပြမှုများ ပြုလုပ်ခဲ့သည်ဟု သိရသည်။
ဒီဇင်ဘာ ၁ ရက်နေ့က ပြုလုပ်ခဲ့ကြခြင်းဖြစ်ပြီး ပျောက်ဆုံးကျောင်းသားများ၏ မိသားစုဝင်များလည်း ပါဝင်ခဲ့ကြကာ ဆန္ဒပြသူများမှာ နီယက် တိုနှုတ်ထွက်ရန် ကျွေးကျော်ခဲ့ကြသည်။ ထို့ပြင် `အသင်တို့ တစ်ယောက်တည်းမဟုတ်´ ဟု ပျောက်ဆုံး ကျောင်းသားများ၏ မိသားစုဝင်များကို ရည်ညွှန်းသည့် ကျွေးကျော်သံများလည်းပါဝင်သည်။
ဆန္ဒပြမှုများကို ငြိမ်းချမ်းစွာပြုလုပ်ခဲ့ကြသော်လည်း ညပိုင်း၌ အချို့နေရာများတွင် မီးရှို့မှုများ၊ ပြတင်းပေါက်များအား ဖျက်ဆီးမှုများနှင့် ဘဏ်များကို ဖျက်ဆီးမှုများလည်း ဖြစ်ပွားခဲ့သည်။
ကျောင်းသားများပြန်ပေးဆွဲ သတ်ဖြတ်ခံခဲ့ရသည့် ဂွာရဲရိုးပြည်နယ်တွင်လည်း ပြည်သူများက ထိုကဲ့သို့ ဆန္ဒပြမှုများ ပြုလုပ်ခဲ့ကြပြီး ပြည်နယ် တရားသူကြီးချုပ်ရုံးအား ၀င်ရောက်၍ မွှေနှော က်ရှာဖွေမှုများလည်း ပြုလုပ်ခဲ့ကြကာ ရဲတပ်ဖွဲ့သုံး ယာဉ်အချို့ကိုလည်း မီးရှို့ဖျက်ဆီးခဲ့ကြသည်။
ထို့ပြင် ဆရာများအသင်း ခေါင်းဆောင်သည့် အခြား ဆန္ဒပြသူများကလည်း နိုင်ငံတောင်ပိုင်းရှိ အစိုးရပိုင် ရေနံ သန့်စင်စက်ရုံသို့ သွားရောက်ကာ ပိတ်ပစ်ခဲ့ကြသည်။
မူးယစ်ဂိုဏ်များအား ဝေဖန်ခဲ့သော အဆိုပါကျောင်းသား ၄၃ ဦးကို ရဲတပ်ဖွဲ့ကိုယ်တိုင် ဖမ်းဆီးကာ မူးယစ်ဂိုဏ်းများလက်သို့ အပ်ခဲ့သည်ဟု ဖမ်းဆီးခံထား ရသူများမှ ဖြောင့်ချက်ပေး ခဲ့ပြီးနောက် မက်ဆီကိုနိုင်ငံတစ်ဝှမ်းတွင် အစိုးရ ဆန့်ကျင်ရေး လှုပ်ရှားမှုများ ကြီးထွားခဲ့သည်။
Al Jazeera and agencies
Leave a Reply
You must be logged in to post a comment.