ဒီဇင်ဘာ ၅ ၊ ၂၀၁၄
M-Media
– နိုင်ငံတကာဘောလုံး သမိုင်းနှင့် ကိန်းကဏန်း အချက်အလက် အဖွဲ့မှ ပေးအပ်ချီးမြှင့်သော ၂၀၁၃ ခုနှစ် ဂိုးအများဆုံးသွင်းသော ဘောလုံးသမားဆုကို ရီးယဲလ်မက်ဒရစ်တိုက်စစ်မှူး ခရစ္စတီယာနို ရော်နယ်ဒိုက ရရှိခဲ့သည်ဟု သိရသည်။
ရော်နယ်ဒိုမှာ ပေါ်တူဂီအသင်းအတွက် ၁၀ ဂိုးအပါအ၀င် ၂၀၁၃ ခုနှစ်အတွင်း ကလပ်အသင်းနှင့် နိုင်ငံအသင်းအတွက် ပြိုင်ပွဲအားလုံးတွင် စုစုပေါင်း ၆၉ ဂိုး သွင်းယူပေးနိုင်ခဲ့ပြီး တစ်နှစ်တာအတွင်း ဂိုးအများဆုံးသွင်းယူနိုင်သည့် ကစားသမား ဖြစ်ခဲ့ခြင်း ဖြစ်သည်။
အဆိုပါဆို ဒီဇင်ဘာ ၄ ရက်နေ့က လက်ခံရယူခဲ့ခြင်းဖြစ်ပြီး ဆုရရှိခဲ့သည့်ပုံကို ရော်နယ်ဒိုက ၎င်း၏ Instagram စာမျက်နှာပေါ်တွင် လွှင့်တင်ခဲ့သည်။
`နိုင်ငံတကာ ဘောလုံးသမိုင်းနဲ့ ကိန်းဂဏန်းအချက်အလက်အဖွဲ့က ပေးအပ်တဲ့ ၂၀၁၃ ဂိုးအများဆုံးသွင်းသူဆုကို ရရှိခဲ့တဲ့အတွက် ဂုဏ်ယူမိပါတယ်။ အားလုံးကို ကျေးဇူးတင်ပါတယ်´ ဟု ရော်နယ်ဒိုက ရေးသားခဲ့သည်။
ရော်နယ်ဒိုမှာ ဖီဖာမှ ဇန်န၀ါရီ ၁၂ ရက်နေ့တွင် ချီးမြှင့်မည့် ကမ္ဘာ့အကောင်းဆုံး ဘောလုံးသမား ဆုကိုလည်း ရရှိရန် ရေပန်းစားနေသည်။
Daily Mail
Leave a Reply
You must be logged in to post a comment.