ဒီဇင်ဘာ ၁၂ ။ ၂၀၁၄
M-Media
– အဂူရိုနှင့် ယာယာတိုးယေးတို့ မပါဝင်သော်လည်း မိမိတို့အသင်းမှာ ကောင်းမွန်စွာ စီမံခန့်ခွဲနိုင်သည်ကို ရိုးမားနှင့်ပွဲတွင် ပြသနိုင်ခဲ့ကြောင်း မန်တီးတီးကွင်းလယ်လူ နာဆရီက ပြောကြားလိုက်သည်။
ယနေ့နံနက် ရောမတွင် ကစားခဲ့သော ရိုးမားနှင့်ပွဲတွင် အသင်း၏ အဓိက ကစားသမားများဖြစ်သည့် တိုးယေးနှင့် အဂူရိုတို့ မပါဝင်နိုင်ခဲ့သော်လည်း မန်စီးတီးမှာ ၂ ဂိုး ပြတ်ဖြင့် အနိုင်ကစားနိုင်ခဲ့ပြီး ချန်ပီယံလိဂ် ၁၆ သင်းအဆင့်သို့ တက်ရောက်ခဲ့သည်။
ထိုပွဲတွင် နာဆရီမှာ အကောင်းဆုံး ခြေစွမ်းပြနိုင်ခဲ့ပြီး အသင်းအတွက် အရေးပါသည့် ဦးဆောင်ဂိုးကိုလည်း ဧရိယာအပြင်မှ လှပစွာ ကန်သွင်းပေးခဲ့သည်။
`အသင်းရဲ့စွမ်းဆောင်ရည်ကတော့ အံ့သြစရာပါပဲ။ ခွဲစိတ်ပြီးတဲ့နောက် ပြည့်ဝတဲ့အဆင့်ကို ပြန်ရောက်ဖို့အတွက် အချိန်အနည်းငယ် ယူခဲ့ရတာကြောင့် ဒီလို ဂိုးသွင်းနိုင်တာဟာ ကျွန်တော့်အတွက် အရေးပါပါတယ်။ ယာယာ (တိုးယေး) မပါဘူး။ ကွန် (အဂူရို) မပါဘူး။ အသင်းကောင်းတစ်သင်းဖြစ်တယ်ဆိုတာ ပြသနိုင်ပြီး အကောင်းဆုံး လုပ်နိုင်ခဲ့တာက ကျွန်တော်တို့အတွက် အရေးပါပါတယ်´ ဟု နာဆရီက ပွဲအပြီးတွင် ပြောကြားခဲ့သည်။
၁ ဂိုး ဂိုးမရှိဖြင့် မန်စီးတီးက ဦးဆောင်နေချိန်တွင် ရိုးမားအသင်း၏ အပိုင်ဂိုးသွင်းခွင့်အချို့ကို ကာကွယ်နိုင်ခဲ့သည့် ဂိုးသမား ဂျိုးဟတ်ကိုလည်း နာဆရီက ချီးကျူးခဲ့သည်။
ရိုးမားနည်းပြ ဂါစီယာကမူ ချန်ပီယံလိဂ်အရှုံးကို မေ့ပစ်ပြီး စီးရီးအေတွင် အာရုံစိုက်ရန်အတွက် ကစားသမားများအား တိုက်တွန်းခဲ့သည်။
Leave a Reply
You must be logged in to post a comment.