အကြမ်းဖက်မှုဖြစ်စဉ်တွင် မိမိကိုယ်ကို ခုခံကာကွယ်ခဲ့သည့် ကမန် တိုင်းရင်းသားများအား နှစ်ရှည်ထောင်ဒဏ်များ ချမှတ်

ဒီဇင်ဘာ၊ ၁၇ ၊ ၂၀၁၄
M-Media
ဇာဏီ

၂၀၁၃-ခု စက်တင်ဘာ ၂၉-ရက်နေ့ သံတွဲဒေသတွင် အကြမ်းဖက်မှုများဖြစ်ပွားခဲ့စဉ်က မိမိကိုယ်ကို ပြန်လည်ခုခံခဲ့သည့် သပြုချိုင်ရွာ၊ လင်းသီရွာတို့တွင် နေထိုင်သည့် ကမန်တိုင်းရင်းသားများအား သံတွဲခရိုင် တရားရုံးမှ  နှစ်ရှည်ထောင်ဒဏ်များ အသီးသီးချမှတ်ခဲ့ကြောင်း သိရသည်။

ယင်းအမှုအား တရားရုံးတွင် စီရင်ချက်ချမှုနှင့် ပတ်သက်ပြီး ရွာသားတစ်ဦးက “စီရင်ချက်ချမှာ နံနက် ၉ နာရီခွဲလို့ပြောတယ်။ အဲနေ့ကိုပဲ မ.ဘ.သ က လူတွေရောက်လာပြီး ရုံးကလူတွေနဲ့ အစည်းအဝေး ထိုင်တယ်လို့ ကြားတယ်။ ၉ နာရီခွဲ စီရင်ချက် ချမယ်ပြောထားပြီး ၁၂ နာရီခွဲမှ ရုံးချိန်းကိုစတယ်။ မ.ဘ.သ ရဲ့ဖိအားပေးမှုတွေ ဒီအမှုထဲမှာ ပါမယ်လို့ ထင်ပါတယ်” ဟု M-Media သို့ရှင်းလင်းပြောကြားခဲ့ပါသည်။

သံတွဲခရိုင် တရားရုံးမှ ထောင်ဒဏ် ချမှတ်ခံလိုက်သည့် ကမန် တိုင်းရင်းသားများမှာ
ကိုခင်မောင်လွင်၊ ကိုတင်လှိုင်စိုး၊ ကိုလှမြင့်(ခ) ကိုတာ တို့အား အနှစ် (၃၀)၊
ဇော်မင်းထွန်း(ခ) နိုင်စင် အား (၁၀)နှစ်၊
ရဲထွဋ်အောင်(ခ) ဆရာလေး၊ ဦးအောင်သိန်း၊ ဦးတင်ရွှေ၊ ကျော်သူလင်း(ခ) မောင်လင်း တို့အား (၇)နှစ်၊
တင်နောင်ထွန်း (၃) နှစ် နှင့်
မနီ (၁) နှစ် တို့အား ထောင်ဒဏ်များ အသီးသီးချမှတ်ခဲ့ပါသည်။

“ကျွန်တော်တို့ရွာထဲမှာ ပြသာနာတွေဖြစ်တယ်။ ရွာကလူတွေ အကြမ်းဖက်ခံရတာ ရွာသားတွေက ခုခံတိုက်ခိုက်တာပါ။ သက်သက်မဲ့သွားပြီး ရန်ရှာတာလည်း မဟုတ်ဘူး။ အဲဒါကို အခုတော့ မတရားတဲ့ ပြစ်မှုနဲ့ ပြစ်ဒဏ်က လုံးဝကိုမမျှတပါဘူး” ဟု ရွာသားတစ်ဦးက M-Media ကိုပြောကြားခဲ့ပါသည်။

သံတွဲမြို့၌ စတင်ဖြစ်ပွားခဲ့သော အကြမ်းဖက်မှုများတွင် ဦးဆောင်ပါဝင်ခဲ့သူများထဲ တစ်ဦးဖြစ်သူဟု ယူဆရသူ သံတွဲ RNDP ဥက္ကဌ ဦးမောင်ပုအား တရားစွဲထားရာမှ ပုဒ်မ ၅၀၅(ဂ)မှာ သမ္မတ လွတ်ငြိမ်းချမ်းသာခွင့်နှင့် လွတ်မြောက်ခဲ့ပြီး ပုဒ်မ ၃၃၂/၂၀၁၃၊ ပုဒ်မ ၁၈၆ တို့၏ အမှုများကို သံတွဲတရားရုံးမှ မှားယွင်းမှုအဖြစ် ၂၀၁၄ ခုနှစ် ဖေဖော်ဝါရီ ၁၁-ရက်နေ့တွင် အပြီးတိုင် ပိတ်သိမ်း ပေးခဲ့သည်။

ရှေ့နေနှင့်တိုင်ပင်ပြီး ယင်းပြစ်ဒဏ်ကျခံထားရသည့် သူများကို အယူခံဝင်သွားမည်ဖြစ်ကြောင်းလည်း သိရှိရပါသည်။

၂၀၁၃-ခု စက်တင်ဘာ ၂၉-ရက်နေ့  သံတွဲမြို့တွင် တကျော့ပြန်ဖြစ်ပွားခဲ့တဲ့ အကြမ်းဖက်မှုကြောင့် သံတွဲမြို့ပေါ် ရပ်ကွက်တချို့နှင့် ၀န်းကျင် ကမန်ရွာများမှ အိမ်ခြေ ၁၇၀-နီးပါး မီးရှို့ ဖျက်ဆီးခံရပြီး ကမန် လူဦးရေ ၈၀၀-နီးပါး အိုးအိမ်မဲ့ဖြစ်ခဲ့ရပါသည်။

အဆိုပါ ဒေသမှ အကြမ်းဖက် သမားများမှ မွတ်စလင်နေအိမ်များကို မီးရှို့ရန် ချီတက်လှုံဆော်သည့် ရုပ်သံဗီဒီယိုများ ဆိုရှယ်မီဒီယာများတွင် ပြန့်နှံ့ခဲ့ပါသည်။

ဗီဒီယို မှတ်တမ်းလင့် =>https://www.youtube.com/watch?v=qxtIhR6LLBE

ဓါတ်ပုံအညွန်း-
– နှစ်ရှည်ထောင်ဒဏ်ကျခံရသည့် ကမန်တိုင်းရင်းသားများ
– အကြမ်းဖက်မှုကြောင့် အိုးအိမ်မဲ့သွားရသည့် ကမန် မိသားစုဝင်များ၊
– အကြမ်းဖက်မီးရှို့မှုကြောင့် ပြာကျပျက်ဆီးသွားသည့် ကမန်နေအိမ်များ၊
-ရခိုင်ပြည်နယ်၊ သံတွဲ အကြမ်းဖက်မှုတွင် မီးရှို့ဖျက်ဆီးခံရသည့် အစ္စလာမ် ဘာသာဝင်တို့၏ ဗလီ/အိမ်/စာသင်ကျောင်း နှင့် အိုးအိမ်မဲ့ လူဦးရေ စာရင်း (၂၀၁၃-ခု၊ စက်တင်ဘာ ၂၉ – အောက်တိုဘာ ၂-ရက်နေ့ထိ)