ဇန်နဝါရီ ၇၊ ၂၀၁၄
M-Media
သတင်း-ဓါတ်ပုံ ၊ မိုးစက်
ရန်ကုန်။ ။ ဘာသာတရားတစ်ခုရဲ့ အနှစ်သာရ၊ ဘာသာတစ်ခုကို ပုံပျက်အောင်လုပ်ချင်ရင် အပြင်လူ ဘာသာ မတူသူမှ လုပ်မရဘဲ အတွင်းလူက လုပ်မှပဲရတာဖြစ်ပါတယ်ဟု ဆရာတော် ဘဒ္ဒန္တအရိယာဝံသာဘိဝံသ စေတီယင်္ဂဏ ဓမ္မာစရိယ (ဝဋံသကာ) ပရိယတ္တိသာသနဟိတ (သတျသီဟ) ဓမ္မာစရိယ မြ၀တီမင်းကြီးစာသင်တိုက်မှ မိန့်ကြားခဲ့သည်။
ဆရာတော်သည် ရန်ကုန်မြို့ စမ်းချောင်းမြို့နယ်တွင်ပြုလုပ်သော မဟာတမန်တော်မြတ် မိုဟမ္မဒ် ဖွားသန့်စင်ခြင်း အထိမ်းအမှတ် ဓမ္မနှင့်ငြိမ်းချမ်းရေး တရားသဘင် အခမ်းအနားပွဲတွင် ယခုကဲ့သို့ မိန့်ကြားခဲ့ခြင်းဖြစ်သည်။
“အစွန်းရောက်တွေဆိုတာ ဘာသာတိုင်းအတွက် အန္တရာယ်ကြီးလှပါတယ်။ ဘုန်းကြီး အရင်တုန်းကတော့ အစ္စလာမ်တွေရဲ့အပေါ်မှာ တစ်မျိုထင်ခဲ့တယ်။ အခုမှပြန်လည် သုံးသပ်ကြည့်တော့ အစွန်းရောက်တွေဆိုတာ အစ္စလာမ်ဘာသာကို ပုံပျက်အောင်လုပ်နေတာ ပါလားဆိုပြီး သိရတော့တယ်” ဟုဆရာတော်မှ ဆက်လက်မိန့်ကြားခဲ့သည်။
ဆရာတော်မှဆက်လက်ပြီး ဓမ္မနှင့်ပတ်သက်၍ ဓမ္မဆိုသည်မှာ အရေးကြီးပြီး ငြိမ်းချမ်းရေးနှင့် ဓမ္မသည်ခွဲ၍မရကြောင်း၊ ထိုနှစ်ခုသည် ဆက်စပ်နေကြောင်း ပြောဆိုခဲ့သည်။ မိမိဘာသာ မိမိကျမ်းစာဆိုပြီးလည်း အစွမ်းအလဲကြီး မနေသင့်ပဲ ထိုကဲ့သို့  အစွမ်းအလန်းကြီးနေ ပါက မိမိကိုယ်တိုင်းလည်း အကျိုးမရှိဘဲ တစ်ပါးသူတွေသာ ဒုက္ခရောက်နိုင်ကြောင်း၊ ဘာသာတိုင်းရဲ့ အဆုံးအမများကို မိမိ၏ဘဝတွင် တန်ဖိုးရှိစွာ အသုံးချနိုင်ကြောင်း ဆရာတော်မှ ထပ်လောင်းမိန့်ကြားခဲ့သည်။
ဆက်လက်ပြီး ဟိန္ဒူဘုန်းတော်ကြီးများ ဗဟိုအဖွဲ့ချုပ် ဥက္ကဌ စရီဦးမောင်မြင့်မှ ဓမ္မမရှိရင် ငြိမ်းချမ်းရေး မရနိုင်ဘဲ အဓမ္မတွေ ရှင်သန်နေရင်တော့ ငြိမ်းချမ်းရေးဆိုတာ အိမ်မက်တောင်မက်လို့မရနိုင်သေးကြောင်း၊ လူအချင်းချင်းတစ်ဦးနှင့် တစ်ဦး မေတ္တာတရား ကိုယ်ချင်းစာတရားထားဖို့လိုအပ်ပြီး မေတ္တာတွေဝေဆာနေတဲ့ နိုင်ငံတော်ကြီးဖြစ်လာဖို့ အဓမ္မတွေရှောင်ကြရဖို့ လိုအပ်ကြောင်း တရားဒေသနာများ ဟောကြားခဲ့သည်။
“ကျွန်တော်တို့တွေ ငြိမ်းချမ်းရေးကို ဟန်ပြလုပ်နေတာတွေကိုရှောင်ကြပြီး ရိုးသားစွာကြိုးစားရင်း တန်းတူညီမျှတဲ့ နိုင်ငံတော်ကြီးဖြစ်လာမှာဖြစ်ပါတယ်၊ တိုင်းပြည်ငြိမ်းချမ်းရေးမှာ ဘာသာရေးခေါင်းဆောင်တွေ ညီညွတ်ခြင်းဟာ ငြိမ်းချမ်းရေးရဲ့ ပထမဆုံးခြေလှမ်းပဲဖြစ်ပါတယ်” ဟု စရီဦးမောင်မြင့်မှ ဆက်လက်ဟောကြားခဲ့သည်။
ယင်းဓမ္မနှင့်ငြိမ်းချမ်းရေးသဘင် တရားပွဲတွင် အစ္စလာမ်ဓမ္မဗိမာန် မှဦးဆောင်ဆော်သြရေးမှူး အလ်ဟာဂ်ျ ခလီဖွာ ဦးအေးလွင်နှင့် အလ်ဟာဂ်ျ ဒေါက်တာဆောင်းလွင်အောင်၊ ဗုဒ္ဓဘာသာမှ မေတ္တာကမ်ပိန်း ပဓာန နာယက ဆရာတော်ကြီးဖြစ်သော မန္တလေးမြို့ မြဝတီမင်းကြီး ကျောင်းတိုက်မှ ဆရာတော် ဘဒ္ဒန္တ အရိယာဝံသာ ဘိဝံသ၊ ဦးဇိန (ဦးဇင်းသုည) ခရစ်ယာန် ဘာသာမှ ကက်သလစ် ဘုန်းတော်ကြီး Fr.မောရစ် ညွန့်ဝေ ဟိန္ဒူ ဘုန်းတော်ကြီးများ အဖွဲ့ချုပ် ဥက္ကဌ မေတ္တာကမ်ပိန်း နာယက စရီဦးမောင်မြင့် တို့မှ တရားဒေသနာများကို မိန့်ကြားခဲ့ကြသည်။
Leave a Reply
You must be logged in to post a comment.