တက္ကဆက်တွင် အမေရိကန်မွတ်စလင်တစ်ဦး သေနတ်ဖြင့် ပစ်သတ်ခံရ

မတ် ၇၊ ၂၀၁၅
M-Media

– အမေရိကန်ပြည်ထောင်စု တက္ကဆက်ပြည်နယ်တွင် နှင်းပုံများအား ဓာတ်ပုံရိုက်နေသော မွတ်စလင်တစ်ဦးမှာ ကြာသာပတေးနေ့က သေနတ်ဖြင့် ပစ်သတ်ခြင်းခံခဲ့ရပြီး အဆိုပါအဖြစ်အပျက်၏ နောက်ကွယ်တွင် မည်သည့်လှုံ့ဆော်မှု ရှိနေသည်ကို တရာဥပဒေစိုးမိုးရေး အဖွဲ့များအနေဖြင့် ဖော်ထုတ်ဖြေရှင်ပေးရန် အမေရိကန်-အစ္စလာမ် ဆက်ဆံရေးကောင်စီ CAIR မှ တိုက်တွန်းပြောဆိုလိုက်သည်။

“မြောက်ကယ်ရိုလိုင်းနားက မွတ်စလင်လူငယ် ၃ ဦး အသတ်ခံရမှုအပါအ၀င် အမေရိကန်မွတ်စလင်တွေကို ပစ်မှတ်ထားတိုက်ခိုက်တဲ့ အဖြစ်အပျက်တွေ မကြားသေးမီက ဖြစ်ပွားခဲ့တာကြောင့် အခုဖြစ်ရပ်ရဲ့ လှုံ့ဆော်မှုနဲ့ပတ်သက်ပြီး ပြည်သူတွေရဲ့ စိုးရိမ်မှုကို ဖြေရှင်းပေးဖို့ ဥပဒေစိုးမိုးရေး တာဝန်ရှိသူတွေကို ကျွန်တော်တို့ တိုက်တွန်းပါတယ်” ဟု CAIR ၏ တက္ကဆက်မြောက်ပိုင်းအဖွဲ့ခွဲမှ အမှုဆောင်ဒါရိုက်တာဖြစ်သူ အလီယာ ဆက်လ်မန်က မတ်လ ၆ ရက်နေ့တွင် ပြောကြားခဲ့သည်။

အသက်ခံရသူမှာ အသက် ၃၆ နှစ်အရွယ် အဟ်မဒ် အလီ ဂျူမိုင်လီဆိုသူဖြစ်ပြီး သေနတ်ဖြင့်အပစ်ခံရစဉ် ဟိဂျဘ်ဝတ်ဆင်ထားသော ၎င်း၏ ဇနီးနှင့်အတူ ရှိနေသည်ဟု ဆိုရှယ်မီဒီယာများတွင် ဖော်ပြခဲ့ကြသည်။

မျက်မြင်သက်သေများကမူ ၎င်းတို့ဇနီမောင်နှံရှိရာအရပ်နှင့် ဆန့်ကျင်ဘက်သို့ သွားနေသော လူနှစ်ဦးမှာ နောက်ပြန်လှည့်ကာ ၎င်းတို့အား ပစ်ခဲ့ခြင်းဖြစ်သည်ဟု ထွက်ဆိုခဲ့ကြောင်း ရဲတပ်ဖွဲ့က ပြောကြားခဲ့ပြီး ထိုဖြစ်ရပ်တွင် တစ်ဖက်သက် လှုံ့ဆော်မှု ပါဝင်သည်ဆိုခြင်းနှင့်ပတ်သက်၍ ရဲတပ်ဖွဲ့ ငြင်းချက် မထုတ်ခဲ့ပေ။

သေနတ်ပစ်မှုဖြစ်ပွားပြီးနောက် ဂျူမိုင်လီ၏ ဇနီးမှာ ရဲတပ်ဖွဲ့သို့ ဖုန်းခေါ်ကာ အကြောင်းကြားခဲ့သည်။ သေနတ်ပစ်မှုတွင် အနီးအနားရှိ ကားများလည်း ထိမှန်ခဲ့ပြီး ထရပ်ကားတစ်ခုတွင် ကျည်ဆံ ၈ ချက် ထိမှန်ခဲ့ကာ ထရပ်ကားပိုင်ရှင်ကမူ ၎င်းအနေဖြင့် သေနတ်ပစ်ခတ်မှု တစ်ဒါဇင်ခန့်ကို ကြားခဲ့ရကြောင်း ထွက်ဆိုခဲ့သည်။

အမေရိကန်မွတ်စလင်များကို ပစ်မှတ်ထားတိုက်ခိုက်မှုမှာ ယခုအချိန်သည် ပထမဆုံးအကြိမ် မဟုတ်ချေ။ ပြီးခဲ့သည့်လက မြောက်ကယ်ရိုင်လိုင်းနားရှိ ချက်ပဲလ်ဟေးလ်မြို့တွင် အမျိုးသမီးနှစ်ဦးအပါအ၀င် လူမှုရေးလုပ်ငန်းများကို ဆောင်ရွက်နေသူ မွတ်စလင်လူငယ် ၃ ဦးမှာ သေနတ်ဖြင့် ပစ်သတ်ခံခဲ့ရသည်။

Ref: Onislam