ခေတ်သစ် စင်္ကာပူနိုင်ငံရဲ့ဖခင် လီကွမ်ယု ကွယ်လွန်ပြီ

တစ်ချိန်က ဗြိတိသျှတပ်တွေ အခြေစိုက်ခဲ့ဖူးတဲ့ နယ်စွန်နယ်ဖျားနေရာကနေ အရှေ့တောင် အာရှရဲ့ ကမ္ဘာလုံးဆိုင်ရာ ကုန်သွယ်မှုနဲ့ စီးပွားရေးရာအချက်အချာကျတဲ့   နိုင်ငံငယ်လေးရဲ့ ဗိသုကာရှင် စင်္ကာပူနိုင်ငံရဲ့ ပထမဆုံး ဝန်ကြီးချုပ် လီကွမ်ယုဟာ ဒီကနေ့ တနင်္လာနေ့ မနက်မှာ ကွယ်လွန်ခဲ့ပြီလို့ အစိုးရအဖွဲ့က ထုတ်ပြန်ကြေငြာပါတယ်။

လီကွမ်ယုဟာ ကျန်ခဲ့တဲ့နှစ်အနည်းငယ်အတွင်း လူထုနဲ့ နိုင်ငံရေးတွေမှာပေါ်ပေါ်ထင်ထင် မတွေ့ရတော့ပေမယ့်လည်း သားအကြီးဆုံးဖြစ်တဲ့ ဝန်ကြီးချုပ် လီရှန်လွန်းရဲ့ အစိုးရအဖွဲ့မှာ သြဇာရှိတဲ့ သူတစ်ယောက်အနေနဲ့ တွေ့နေခဲ့ရပါတယ်။

“မစ္စတာလီဟာ ဒီနေ့မနက် ၃ နာရီ ၁၈ မိနစ်မှာပဲ စင်္ကာပူအထွေထွေဆေးရုံကြီးမှာ ငြိမ်းချမ်းစွာနဲ့ ကွယ်လွန်သွားခဲ့တယ်” လို့ ကြေငြာချက်မှာဖော်ပြထားပါတယ်။

လီကွမ်ယု ဟာ ၁၉၅၉ ခုနှစ်မှာ စင်္ကာပူနိုင်ငံရဲ့ ပထမဆုံးဝန်ကြီးချုပ်ဖြစ်လာခဲ့ပြီး နှစ်သုံးဆယ်ကျော်ာကအောင် အာဏာရခဲ့ပါတယ်။သူဟာ ငှက်ဖျားရောဂါပိုးသောင်းကျန်းပြီး ခေတ်နောက်ကျကျန်နေခဲ့တဲ့ ကျွန်းလေးကို အာရှရဲ့ အကြွယ်ဝဆုံး နိုင်ငံအဖြစ်ပြောင်းလဲဖို့အမြင်ရှိခဲ့သူဖြစ်ပါတယ်။

ခေါင်းဆောင်အဖြစ်က ဆင်းပြီးတာတောင်မှ လီကွမ်ယုဟာ အစိုးရရဲ့ ဝန်ကြီးအဖွဲ့ဝင်နေရာမှာ  (၂၀၁၁ ) ခုနှစ်အထိ ပါဝင်နေခဲ့ပြီး အရေးပါတဲ့ဆုံးဖြတ်ချက်တွေမှာ ပါဝင်နေခဲ့ပါသေးတယ်။

လီကွမ်ယုဟာ ဈေးကွက်ကို ဖွင့်လှစ်ပြီး၊ သတင်းစာ လွတ်လပ်ခွင့် ၊ လွတ်လပ်စွာပြောဆိုခွင့်နဲ့ သူ့အတိုက်အခံတွေကို ထိန်းချုပ်တဲ့နည်းလမ်းတွေကို ပေါင်းစည်းအသုံးပြုခဲ့ပါတယ်။ သူ့ကို ဂုဏ်ပြုသူတွေက အမြော်အမြင်ရှိသူအဖြစ် ချီးကျူးကြပြီး ဝေဖန်သူတွေကတော့ အာဏာရှင်ဆန်တယ်လို့ ပြောကြပါတယ်။

လီကွမ်ယု ကွယ်လွန်ခြင်းနဲ့ သားအကြီး ဝန်ကြီးချုပ် လာမယ့်နှစ်အနည်းငယ်အတွင်း အနားယူမယ့် အလားအလာတို့ဟာ ခေတ်တစ်ခုကို အဆုံးသတ်စေနိုင်ပေမယ့် စနစ်ကျတည်ငြိမ်မှုနဲ့ ကျော်ကြားတဲ့စင်္ကာပူနိုင်ငံရဲ့ စီးပွာရေးရာတွေမှာတော့ အပြောင်းအလဲသိပ်ဖြစ်မှာမဟုတ်ဘူးလို့ လုပ်ငန်းရှင်တွေကပြောဆိုကြပါတယ်။

လီကွမ်ယုဟာ ( ၁၉၅၉ ) ခုနှစ်ကတည်းက အုပ်ချုပ်ခဲ့တဲ့ PAP လို့ခေါ်တဲ့ ပြည်သူ့ပါတီကို တွဲဖက်တည်ထောင်ခဲ့သူဖြစ်ပြီး  ( ၁၉၆၅ ) ခုနှစ် မလေးရှားကနေ ခွဲထွက်တဲ့အခါမှာလည်း တိုင်းပြည်အသစ်ကို ဦးဆောင်ခဲ့သူဖြစ်ပါတယ်။

၁၉၉ဝ ခုနှစ်မှာ ဝန်ကြီးချုပ်အဖြစ်က ဆင်းပြီး ဂိုချောက်ထောင် ကို အာဏာလွှဲခဲ့ပါတယ်။ ဒါပေမယ့် ဂိုချောက်ထောင်ရဲ့ အစိုးရအဖွဲ့မှာ စီနီယာ ဝန်ကြီးအနေနဲ့သာမက သူ့ရဲ့ အကြီးဆုံးသား လီရှန်လွန်း ဝန်ကြီးချုပ်ဖြစ်လာတဲ့အခါမှာလည်း လမ်းညွှန်သူအဖြစ်နဲ့ ရှိခဲ့ပါတယ်။

ကျန်ခဲ့တဲ့လတွေအတွင်း ကျန်းမာရေးရာချို့တဲ့လာမှုကြောင့် လီကွမ်ယုဟာ အစိုးရအဖွဲ့ထဲက ထွက်ခွာပြီး လူထုအကြားထိတွေ့မှုတွေလျှော့ချဖြတ်တောက်ခဲ့တာဖြစ်ပါတယ်။

စင်္ကာပူနိုင်ငံဟာ လူမျိုးဘာသာကွဲပြားမှုတွေရှိနေပေမယ့် ဘာသာသာသနာတွေအကြား နားလည်မှုရှိစွာ နေထိုင်နိုင်မှုကိုပုံဖော်ပြတဲ့နိုင်ငံတစ်ခုလည်းဖြစ်ပါတယ်။

မြတ်ဇော်
Source : Reuters