မိမိတို့အသင်း ဘာမှမရသေးဟု ဘူဖွန် သတိပေး

ဧပြီ ၂၃၊ ၂၀၁၅
M-Media

– မိုနာကိုအားကျော်ဖြတ်ကာ ချန်ပီယံလိဂ် ဆီမီးဖိုင်နယ်သို့ တက်ရောက်သွားသော်လည်း အောင်မြင်မှုမဟုတ်ဘဲ မိမိတို့အနေဖြင့် မည်သည့်ဆုဖလားမှ မရရှိသေးဟု ဂျူဗင်တပ်စ်အသင်း၏ ဂိုသမား ဘူဖွန်က ပြောကြားလိုက်သည်။

ယနေ့နံနက် ပြင်သစ်တွင် ကစားခဲ့သည့် ကွာတားဖိုင်နယ် ဒုတိယအကျော့တွင် ဂိုးမရှိ သရေကျခဲ့သော်လည်း ပထမကျော့တူရင်တွင် ဂျူဗီက ၁ ဂိုး ဂိုးမရှိဖြင့် အနိုင်ရထားခြင်းကြောင့် နှစ်ကျော့ပေါင်းရလဒ် ၁ ဂိုး ဂိုးမရှိဖြင့် ဂျူဗင်တပ်စ်က ဆီမီးဖိုင်နယ်သို့ တက်ရောက်သွားခဲ့ပြီး ၂၀၀၃ ခုနှစ်နောက်ပိုင်း ဆီမီးဖိုင်နယ်သို့ ပထမဆုံး တက်ရောက်ခြင်းလည်း ဖြစ်သည်။

ဘူဖွန်ကမူ မိုနာကိုမှာ ၁၆ သင်းရှုံးထွက်ပွဲတွင် တွေ့ခဲ့ရသည့် ဒေ့ါမွန်အသင်းထက် ပို၍ ခက်ခဲကြောင်း သို့သော်လည်း ဥရောပအကောင်းဆုံး ၄ သင်တွင် ပါဝင်ရသည့်အတွက် စိတ်လှုပ်ရှားကြောင်း ပြောကြားခဲ့သည်။

“ဥရောပရဲ့ ဒီအဆင့်ကိုရောက်ဖို့ ကျွန်တော်တို့ အချိန်တစ်ခုကို စောင့်ခဲ့ရတာပါ။ ဒါပေမယ့် ဒီအဆင့်ကို ခက်ခက်ခဲခဲရောက်လာတာကြောင့်လည်း ကျွန်တော်တို့ဟာ ပိုပြီးတော့ ပျော်ရွှင်ရပါတယ်။ ဒါပေမယ့် ကျွန်တော်တို့ ဘာဆုဖလား ဒါမှမဟုတ် ဘာအောင်မြင်မှုမှ မရသေးပါဘူး။ အခွင့်အရေးက ကျွန်တော်တို့ကို စောင့်နေပါတယ်” ဟု ဘူဖွန်က ပွဲအပြီးတွင် ပြောကြားခဲ့သည်။

ဂျူဗင်တပ်စ်အသင်း၏ ကစားပုံမှာ အေးတိအေးစက်ဖြစ်ခဲ့သည်ဟု ဝေဖန်မှုများရှိခဲ့ပြီး နည်းပြအလ်လီဂရီကမူ ပျော်စရာ ကြည့်ချင်ပါက ဆက်ကပ်ပွဲသွားကြည်ဟု ပြန်လည် တုံ့ပြန်ခဲ့သည်။

Ref: Goal.com