News @ M-Media

ဗီတာမင် B က အဖြစ်များသော အရေပြားကင်ဆာအန္တရာယ်ကို လျှော့ချနိုင်

မေ ၁၅၊ ၂၀၁၅
M-Media

Vitamins

– မကြာသေးမီက ပြုလုပ်ခဲ့သော လေ့လာမှုများအရ နေ့စဉ် ဗီတာမင် B ဓာတ် စားသုံးပေးခြင်းဖြင့် အရေပြားကင်ဆာ ဖြစ်ပွားနိုင်သည့် အန္တရာယ်မြင့်မားသောသူများတွင် ကင်ဆာဖြစ်ပွားမှုကို ကာကွယ်ပေးနိုင်ကြောင်း တွေ့ရှိခဲ့ရသည်။

အဆိုပါ လေ့လာမှုကို ဆစ်ဒနီတက္ကသိုလ်မှ ပြုလုပ်ခဲ့ခြင်းဖြစ်ပြီး ဗီတာမင် B3 ပုံစံတစ်မျိုးဖြစ်သည့် နီကိုတီနာမိုက်က လွန်ခဲသည့် ၅ နှစ်အတွင်း ကင်ဆာရောဂါ အနည်းဆုံး ၂ မျိုး ဖြစ်ပွားခဲ့သည့် သူများတွင် အရေပြားကင်ဆာ ဖြစ်ပွားမှုကို ၂၃ ရာခိုင်နှုန်း လျော့ချပေးနိုင်သည်ကို တွေ့ခဲ့ရသည်။ လေ့လာမှုတွင် လူနာအား တစ်နေ့လျှင် နီကိုတီနာမိုက် တစ်ကြိမ်လျှင် ၁ လုံးဖြင့် ၂ ကြိမ် ကျွေးခဲ့သည်။

ထိုတွေ့ရှိချက်က အသားဖြူသူများတွင် များသောအားဖြင့် ဖြစ်ပွားလေ့ရှိသော အရေပြားကင်ဆာကို ကုသရာတွင် ကျန်းမာရေးဝန်ထုပ်ဝန်ပိုးနှင့် ကုန်ကျစားရိတ်ကို လျော့ချနိုင်မည့်နည်းလမ်း ဖြစ်လာမည်ဟု American Society of Clinical Oncology အဖွဲ့က ပြောကြားခဲ့သည်။

အရေပြားကင်ဆာ ဖြစ်ပွားရသည့် အဓိကအကြောင်းအရင်းမှာ နေမှလာသော ခရမ်းလွန်ရောင်ခြည် ထိတွေ့မှုကြောင့်ဖြစ်ပြီး ထိုသို့ထိတွေ့မှုကြောင့် ကလပ်စည်း DNA ပျက်ဆီးခြင်း၊ ပုံမှန်မဟုတ်သော ဆဲလ်များကို ဖယ်ရှားရန် အရေပြား၏ ခုခံအားကို ကျဆင်းစေခြင်းတို့ကို ဖြစ်ပေါ်စေသည်။

အရေပြားကင်ဆာတွင် အမျိုးအစား အမျိုးအမျိုးရှိပြီး အဖြစ်အများဆုံးမှာ basal cell နှင့် squamous cell carcinomas တို့ဖြစ်ကာ နီကိုတီနာမိုက်က အဆိုပါ ကင်ဆာရောဂါ ၂ ခုစလုံး၏ အန္တရာယ်အား လျှော့ချပေးနိုင်သည်ကို တွေ့ရှိခဲ့ရသည်။

သုတေသနပညာရှင်များကမူ ကင်ဆာရောဂါ ဖြစ်နိုင်ချေအများဆုံးသူမှာ နေရောင်ကာပစ္စည်းများ အသုံးပြုခြင်း၊ အရေပြားအား စောင့်ကြည့်မှုများကို လုပ်ဆောင်ရန် လိုအပ်သည်ဟုဆိုသည်။

ထို့ပြင် နီကိုတီနာမိုက်ကို မှီဝဲခြင်းမှာ လူတိုင်းအတွက်မဟုတ်ဘဲ အရေပြားကင်ဆာ ဖြစ်နိုင်ချေများသည့် သူများသာ ဆောင်ရွက်ရမည်ဟု ၎င်းတို့က ထပ်လောင်းပြောကြားခဲ့သည်။

Ref: Channelnewsasia

Comments

Leave a Reply