ဇူလိုင် ၁၊ ၂၀၁၅
M-Media
– နိုင်ငံ၏ တရားရုံးချုပ်တွင် တာဝန်ထမ်းဆောင်ရမည့်သူများအဖြစ် အာဖဂန်သမ္မ အက်ရ်ှရက်ဖ် ဂါနီမှ ယမန်နေ့က တင်သွင်းခဲ့သော အမည်စာရင်းတွင် အမျိုးသမီးတရားသူကြီးတစ်ဦး ပါဝင်လာပြီး တိုင်းပြည်အတွင်း မကြံစဖူး ထူးခြားသည့် ဆောင်ရွက်မှုလည်း ဖြစ်သည်။
အမည်စာရင်းတင်သွင်းခံရသူမှာ အာဖဂန်အမျိုးသမီး တရားသူကြီးများအသင်းမှ အကြီးအကဲဖြစ်သူ အန်နီဆာ ရာစူလီဖြစ်ပြီး ယခင်က လူငယ်တရားရုံးတွင် တရားသူကြီးအဖြစ် တာဝန်ထမ်းဆောင်ခဲ့သူဖြစ်သည်။ ၎င်းမှာ တရားသူကြီး ၉ ဦးပါဝင်သည့် ခုံရုံးအဖွဲ့အတွက် ဂါနီ၏ အမည်စာရင်းတင်သွင်းမှုတွင် ပါဝင်သည့် တစ်ဦးတည်းသော အမျိုးသမီးဖြစ်သည်။
“တရားရုံးချုပ်အတွက် အမျိုးသမီးတစ်ဦးကို ပထမဆုံးအဖြစ် ကျွန်တော် အမည်စာရင်းတင်သွင်းတယ်လို့ ဂုဏ်ယူစွာနဲ့ ကြေညာလိုပါတယ်။ တရားရုံးချုပ်မှာ အမျိုးသမီးတစ်ဦးကို ခန့်အပ်တာဟာ တရားရေးစနစ်ကို ပြောင်းလဲလိုက်တာ မဟုတ်ပါဘူး။ ဒီအတွက် အိုလမာ (အစ္စလာမ်ဓမ္မပညာရှင်) တွေရဲ့ အပြည့်အ၀ထောက်ခံမှု ကျွန်တော်တို့မှာရှိပါတယ်” ဟု သံတမန်များနှင့် အမျိုးသမီးအခွင့်အရေး တက်ကြွလှုပ်ရှားသူများ တက်ရောက်သော အခမ်းအနားတွင် သမ္မတဂါနီက ပြောကြားခဲ့သည်။
ပါလီမန်၏ အတည်ပြုမှုလိုအပ်သည့် အဆိုပါ အမည်စာရင်းတင်သွင်းမှုမှာ ဂါနီနှင့် ၎င်း၏ အစိုးရအမှုဆောင်အကြီးအကဲ အဘ်ဒူလာ အဘ်ဒူလာတို့ ပြီးခဲ့သည့် စက်တင်ဘာလက ရုံးထိုင်ပြီးနောက်ပိုင်း အမျိုးသမီးများအား အဆင့်မြင့်ရာထူးများတွင် ပိုမိုတိုးမြှင့်ခန့်ထားရေး
ညီညွသောအစိုးရမှ အားထုတ်မှုများ၏ အစိတ်အပိုင်းလည်းဖြစ်သည်။
အာဖဂန်အခြေခံဥပဒေအရ တရားရုံးချုပ်မှ တရားသူကြီးများမှာ ၁၀ နှစ် တာဝန်ထမ်းဆောင်ရမည်ဖြစ်သည်။ ပြီးခဲ့သည့် ဧပြီလက ပါလီမန်မှာ အမျိုးသမီး ၄ ဦးပါဝင်သည့် ဂါနီ၏ ကတ်ဘိနတ်အဖွဲ့ အမည်စာရင်းတင်သွင်းမှုများကို အတည်ပြုခဲ့သည်။
ကမ္ဘာ့ဘဏ် စီးပွားရေးပညာရှင်ဟောင်းတစ်ဦးဖြစ်သူ ဂါနီမှာ နိုင်ငံတွင်းရှိ ဂေါရ်နှင့် ဒိုင်ကွန်ဒီပြည်နယ်များအတွက် အမျိုးသမီး အုပ်ချုပ်ရေးမှူး ၂ ဦးကို ခန့်ထားခဲ့ပြီး ထိုဆောင်ရွက်မှုကို လူ့အခွင့်အရေး လှုပ်ရှားသူများက ချီးကျူးခဲ့ကြသည်။
ထို့ပြင် မိမိအနေဖြင့် ၀န်ကြီးဌာနအားလုံး၏ ဒုတိယ၀န်ကြီးနေရာများတွင် အမျိုးသမီးများကို ခန့်သွားရန် ဆန္ဒရှိသည်ဟု ဂါနီက အင်္ဂါနေ့တွင် ထည့်သွင်းပြောကြားခဲ့သည်။
တာလီဘန်အစိုးရ ပြုတ်ကျသွားပြီးနောက်ပိုင်းတွင် အာဖဂန်တွင် အမျိုသမီးများမှာ နေရာရလာခဲ့ပြီး ယခုအချိန်တွင် အမျိုးသမီး လွှတ်တော်အမတ်များ လုံခြုံရေးတပ်ဖွဲ့ဝင်များလည်း ရှိနေပြီဖြစ်သည်။
Ref: Aquila-Style
Leave a Reply
You must be logged in to post a comment.