မွတ်စလင်များမှာ အမေရိကအတွက် အန္တရာယ်မဟုတ်ဟု ရီပက်ဘလစ်ကန် သမ္မတလောင်း ပြောကြား

စက်တင်ဘာ ၂၁၊ ၂၀၁၅
M-Media

– ၂၀၁၆ ခုနှစ် အမေရိကန်သမ္မတရွေးကောက်ပွဲတွင် ရီပက်ဘလစ်ကန်ပါတီ ကိုယ်စားပြု သမ္မတလောင်းအဖြစ် ၀င်ရောက်ယှဉ်ပြိုင်ရန် ရေပန်းစားနေသည့် ဘီလီယံနာ ဒေါ်နယ်လ် ထရမ့်က မိမိအနေဖြင့် မွတ်စလင်များကို နှစ်သက်ပြီး၊ မွတ်စလင်များမှာ ကြီးမြတ်သည့်ပုဂ္ဂိုလ်များဖြစ်သည်ဟု ပြောကြားလိုက်သည်။

စနေနေ့တွင် CNN သတင်းဌာနက မွတ်စလင်များမှာ အမေရိကအတွက် အန္တရာယ်ဖြစ်နေပြီလားဟု မေးမြန်းရာတွင် ၎င်းက ထိုကဲ့သို့ ပြန်လည်ဖြေကြားခဲ့ခြင်း ဖြစ်သည်။

ထရမ့်မှာ မက္ကဆီကန်များကို လူမျိုးရေးခွဲခြားသည့် မှတ်ချက်များနှင့် ပြောင်းရွှေ့အခြေမှုကို ဆန့်ကျင်မှုများကြောင့် ဝေဖန်ခံနေရသူဖြစ်ပြီး ပြီးခဲ့သည့်ရက်ပိုင်းက ၎င်း၏ ဟောပြာပွဲတစ်ခု၌ အမေးအဖြေကဏ္ဍတွင် သမ္မတအိုဘားမားမှာ မွတ်စလင်ဖြစ်ပြီး အမေရိကန် နိုင်ငံသားတစ်ဦးပင် မဟုတ်ဟု ကျောင်းသားတစ်ဦး၏ ပြောကြားမှုကို ပြန်လည် တုန့်ပြန်ခြင်း မပြုခဲ့သည့်အတွက် မွတ်စလင်များအပေါ် ၎င်း၏ သဘောထားမှာ မေးခွန်းထုတ်စရာဖြစ်ခဲ့သည်။

အခြားကျောင်းသူတစ်ဦးကမူ အမေရိကန်မွတ်စလင်များမှာ နိုင်ငံ၏ အရေးပါသည့် အစိတ်အပိုင်းအဖြစ် မိမိက မှတ်ယူထားကြောင်း ထရမ့်နေဖြင့် အာဏာရပါက ကက်ဘိနတ်တွင် မွတ်စလင်အမတ် သို့မဟုတ် ၎င်း၏ နိုင်ငံရေးအသိုင်းအ၀ိုင်းတွင် မွတ်စလင်နိုင်ငံရေးသမားများ ထည့်သွင်းမည်လားဟု မေးမြန်းခဲ့ရာ ၎င်းက

“သေချာပေါက်ထည့်မှာပေါ့။ ဒီအတွက် ပြဿနာမရှိပါဘူး” ဟု ပြန်လည်ဖြေကြားခဲ့သည်။

CNN ၏ State of the Union ကဏ္ဍတွင် အစီအစဉ်တင်ဆက်သူ ဂျိတ်က် တက်ပါအား မိမိတွင် မွတ်စလင်သူငယ်ချင်းများ ရှိကြောင်း၊ ဘာသာရေးအစွန်းရောက် အုပ်စုများကသာ အကြမ်းဖက်တိုက်ခိုက်မှုအတွက် တာဝန်ရှိကြောင်း ထည့်သွင်းပြောကြားခဲ့သည်။

“အစွန်းရောက်နေတဲ့ မွတ်စလင်တွေနဲ့သာ ကျွန်တော်တို့ ပြဿနာရှိတာပါ။ အဲဒီအတွက် မေးစရာကို မလိုပါဘူး” ဟု ထရမ့်က ယမန်နေ့တွင် ပြောကြားခဲ့သည်။

လေ့လာမှုများအရ ၉/၁၁ နောက်ပိုင်း အမေရိကန်တွင် မွတ်စလင်အစွန်းရောက်များ၏ တိုက်ခိုက်မှုများထက် ခရစ်ယာန် လူဖြူအစွန်းရောက်များ၊ အစိုးရဆန့်ကျင်သူများ၏ အကြမ်းဖက်တိုက်ခိုက်မှုများ နှစ်ဆပိုများနေပြီး ထိုလူမျိုးကြီးဝါဒီများ၏ လက်ချက်ဖြင့်သာ အမေရိကန်နိုင်ငံသားများ ပိုမိုသေဆုံးနေရသည်ကို တွေ့ခဲ့ရသည်။

Ref: CNN