အောက်တိုဘာ ၂၊ ၂၀၁၅
M-Media
– ဖော်မြူလာဝမ်း ကားမောင်းပြိုင်ပွဲတွင် အားအနည်းဆုံးဖြစ်ပြီး အမှတ်ပေးဇယားတွင် အောက်ဆုံးရောက်နေသည့် Manor Marussia အသင်းအား ချန်ပီယံအသင်းဖြစ်သော မာစီဒီးစ်က လာမည့်နှစ်တွင် အင်ဂျင်များ ထောက်ပံ့ပေးသွားမည်ဖြစ်သည်။
၎င်းတို့ ပြိုင်ကားအသင်းနှစ်ခုမှာ ယမန်နေ့က သဘောတူညီချက် ရရှိခဲ့ခြင်းဖြစ်ပြီး ထိုကဲ့သို့ အင်ဂျင်ထောက်ပံ့ပေးမှုမှာ တစ်နှစ်သက်တမ်းသာ ရှိမည်ဖြစ်သည်။ မာစီဒီးစ်၏အင်ဂျင်များမှာ အလွန်ယှဉ်ပြိုင်နိုင်စွမ်းရှိသည့် အင်ဂျင်များဖြစ်ပြီး Force India နှင့် ချန်ပီယံဟောင်း ၀ီလီယံအသင်းတို့ကလည်း ထိုအင်ဂျင်များကို အသုံးပြုနေသည်။ သို့သော်လည်း ပြိုင်ဘက် Red Bull
အသင်းက တောင်းဆိုမှုကိုမူ မာစီဒီးစ်က လက်ခံခြင်း မရှိသေးပေ။
Manor Marussia မှာ ပြီးခဲ့သည့် ရာသီအဆုံးပိုင်းက အုပ်ချုပ်ရေးပိုင်း ပြဿနာများနှင့် ရင်ဆိုင်ခဲ့ရပြီး နောက်ဆုံးအချိန်မှ အဆင်ပြေခဲ့ခြင်းဖြစ်သည်။ ထိုအသင်းမှာ ပြီးခဲ့သည့် ၂ နှစ်အတွင်း ဖာရာရီအင်ဂျင်များကို အသုံးပြုခဲ့သည်။
Ref: Dailymail
Leave a Reply
You must be logged in to post a comment.