News @ M-Media

ကမ္ဘာကျော် Forbes မဂ္ဂဇင်း ဟောင်ကောင်မီဒီယာကုမ္ပဏီကို တရားစွဲ

နိုဝင်ဘာ ၃၊ ၂၀၁၅
M-Media

fore

– ချေးယူထားသော ကန်ဒေါ်လာ ၄၇၅ သန်းနှင့် ပတ်သက်၍ စာချုပ်ပါ စည်းမျဉ်းစည်ကမ်းများ ဖောက်ဖျက်မှုနှင့် ငွေကြေး ပြန်လည်ပေးဆပ်မှု မရှိခြင်းတို့အတွက် ကမ္ဘာကျော် Forbes မဂ္ဂဇင်းကို ပိုင်ဆိုင်သော မိသားစုက ဟောင်ကောင်အခြေစိုက် မီဒီယာလုပ်ငန်း Whale Media Investments အား ပြီးခဲ့သည့် တစ်ပတ်က တရားစွဲဆိုလိုက်သည်ဟု သိရသည်။

၎င်းတို့မဂ္ဂဇင်းကို ၀ယ်ယူမည်ဟုဆိုကာ ငွေချေးခဲ့ခြင်းဖြစ်ပြီး တရားစွဲဆိုထားမှု ဖိုင်အရ ဗြိတိန်ပိုင် ဗာဂျင်းကျွန်းတွင် စောစောပိုင်းက ပြုလုပ်ခဲ့သော အဆိုပါဟောင်ကောင်ကုမ္ပဏီအား သီးခြား တရားစွဲဆိုမှုတွင် လိမ်လည်ထွက်ဆိုခဲ့မှုကိုလည်း ထည့်သွင်းထားသည်။ Whale Media Investments ကမူ Forbes မိသားစု၏ စွပ်စွဲချက်များကို ငြင်းဆန်ခဲ့ပြီး ၎င်းတို့ဘက်ကလည်း ဥပဒေကြောင်းအရ ပြန်လည်တုန့်ပြန်သွားမည်ဟု ပြောကြားခဲ့သည်။

ကမ္ဘာ့အချမ်းသာဆုံး ပုဂ္ဂိုလ်များစာရင်းကို တစ်စိုက်မတ်မတ် ဖော်ပြမှုကြောင့် နာမည်ကြီးသည့် Forbes မဂ္ဂဇင်းမှာ စာဖတ်သူများက အွန်လိုင်းအား ပို၍ အသုံးပြုလာသောကြောင့် အခြားသော ပုံနှိပ်မီဒီယာများကဲ့သို့ပင် ရုန်းကန်နေရပြီး ၀ယ်ယူလိုသူကို ရှာဖွေနေသည်ဟု ၂၀၁၃ ခုနှစ် နိုဝင်ဘာလကတည်းကပင် ကြေငြာထားသည်။

Ref: CNN

Comments

Leave a Reply