News @ M-Media

ဥရောပ ရွေးကောက်ပွဲ စောင့်ကြည့်သူများ စစ်တပ်မဲရုံများကို ကြည့်ရှုခွင့်မရ

နိုဝင်ဘာ ၆၊ ၂၀၁၅
M-Media

advance

– မိမိတို့၏ လေ့လာစောင့်ကြည့်ရေး အဖွဲ့ဝင်များမှာ စစ်တပ်တွင်းရှိ မဲရုံများသို့ ၀င်ရောက်မဲပေးခွင့်မရဟု ဥရောပသမဂ္ဂ ရွေးကောက်ပွဲ စောင့်ကြည့်ရေးအဖွဲ့ အကြီးအကဲ ရက်ဖ် လမ်ဘ်စ်ဒေါ့ဖ်က ယနေ့ရက်စွဲဖြင့် Myanmar Times သတင်းစာ၏ ၀ဘ်ဆိုက်တွင် လွှင့်တင်ထားသော အင်တာဗျူတွင် ပြောကြားခဲ့သည်။

ပြီးခဲ့လက လမ်ဘ်စ်ဒေါ့စ်ကိုယ်တိုင် ကာကွယ်ရေးဦးစီးချုပ်နှင့် နေပြည်တ်ာတွင် တွေ့ဆုံခဲ့ပြီးနောက် အမျိုးသားလုံခြုံရေးဆိုင်ရာ စိုးရိမ်ရမှု မရှိပါက မိမိတို့မှာ စစ်တပ်အတွင်းရှိ မဲရုံများတွင် ၀င်ရောက်လ့လာခွင့်ရမည်ဟု ပြောကြားခဲ့ဖူးသည်။ သို့သော်လည်း ၎င်းတို့၏ စောင့်ကြည့်လေ့လာမှုတွင် အစိုးရဖက်က ကန့်သတ်မှု တစ်စုံတစ်ရာရှိလားဟု မေးမြန်းရာတွင် လမ်ဘ်စ်ဒေါ့ဖ်က

“အာဏာပိုင်တွေက ကျွန်တော်တို့ကို တော်တော်လေး ကြိုဆိုကြပါတယ်။ အထူးသဖြင့် အောက်တိုဘာ ၁၁ ရက်နေ့ကတည်းက ရောက်ရှိလာတဲ့ ရေရှည်စောင့်ကြည့်သူတွေအပေါ်ဆိုရင် ပိုမှန်ပါလိမ့်မယ်။ ကျွန်တော်တို့ ရင်ဆိုင်ရတဲ့ ကန့်သတ်ချက်တစ်ခုကတော့ စစ်ဘက်ဆိုင်ရာဒေသတွေမှာ ပြုလုပ်ခဲ့တဲ့ ကြိုတင်မဲပေးမှုမှာ ကျွန်တော်တို့ ၀င်ရောက်လေ့လာခွင့် မရတာပါပဲ” ဟု ဖြေကြားခဲ့သည်။

မြန်မာတစ်နိုင်လုံးတွင် စောင့်ကြည့်လေ့လာမှုနှင့် ပတ်သက်၍ မိမိတို့၏ ရေရှည် စောင့်ကြည့်သူများမှာ သဘာဝဘေးအန္တရာယ် ကျရောက်နေသည့် ချင်းပြည်နယ်မှလွဲ၍ နိုင်ငံတစ်ဝှမ်း လေ့လာသွားမည်ဟု ထည့်သွင်းပြောကြားခဲ့သည်။

Ref: Myanmar Times

Comments

Leave a Reply