နိုဝင်ဘာ ၁၄၊ ၂၀၁၅
M-Media
– လူ ၁၅၀ ကျော် သေဆုံးခဲ့သည့် ပြသစ်နိုင်ငံပဲရစ်မြို့ရှိ တိုက်ခိုက်မှုများအတွက် IS အကြမ်းဖက်အဖွဲ့က တာဝန်ယူခဲ့သည်ဟု ပြင်သစ်သမ္မတ ဖရန်ကိုအစ် ဟော်လန်ဒေးက ပြောကြားလိုက်သည်။
အွန်လိုင်းတွင် ထုတ်ပြန်သည့် ကြေငြာချက်တွင် ၎င်းတို့၏ လက်ချက်ဖြစ်သည်ဟု တာဝန်ယူခဲ့ခြင်းဖြစ်ပြီး အသေခံဗုံးများ၊ စက်သေနတ်များ တပ်ဆင်ထားသည့် ၎င်းတို့အဖွဲ့ဝင် ၈ ဦးမှာ သတ်မှတ်ထားသည့် ပစ်မှတ်အတိအကျကို တိုက်ခိုက်ခဲ့ခြင်းဖြစ်သည်ဟု ဖော်ပြခဲ့သည်။
ဟော်လန်ဒေးကမူ ထိုစီစဉ်ထားသည့် တိုက်ခိုက်မှုမှာ “စစ်တိုက်သည့် လုပ်ရပ်” ဖြစ်သည်ဟု ပြောကြားခဲ့သည်။ အဆိုပါ ပဲရစ်တိုက်ခိုက်မှုမှာ လူပေါင်း ၁၉၁ ဦးသေဆုံးခဲ့သည့် ၂၀၀၄ ခုနှစ် မက်ဒရစ် ရထားဗုံးကွဲမှုနောက်ပိုင်း ဥရောပမြေတွင် အဆိုးဝါးဆုံး တိုက်ခိုက်မှုလည်း ဖြစ်သည်။
အမေရိကန်၏ အီရတ်အား ကျူးကျော်တိုက်ခိုက်မှုနှင့် ဆီးရီးယား ပြည်တွင်းစစ်တို့ကြောင့် ကြီးထွားလာခဲ့သည့် IS အကြမ်းဖက်အဖွဲ့ကြောင့် အရှေ့အလယ်ပိုင်းတွင် မွတ်စလင်အများစု အပါအ၀င် လူပေါင်းများစွာ အသက်ဆုံးရှုံးခဲ့သည်။
Ref: CNN
Leave a Reply
You must be logged in to post a comment.