နိုဝင်ဘာ ၂၁ ၊ ၂၀၁၅
M-Media
တင်နိုင်ဝင်း ပေးပို့သည်။ 
စစ်တွေ မြို့နယ် ဒါးပိုင်ဒုက္ခသည် စခန်းနေ အသက် ၂၂ နှစ် အရွယ်ရှိ အန်ဂျူမာဟာ ပါးစပ်မှအနာဖြစ်ပြီး အသားတွေ ကြွေကျနေတဲ့ ရောဂါ ခံစား နေရတာ ၃ လ ကျော်ရှိပါပြီ။
၎င်း ဒုက္ခသည် စခန်းမှာ ရှိတဲ့ တပတ်ကို ၃ ရက်ဖွင့်လှစ်ပြီး တရက်မှာ ၂ နာရီလောက်သာ ဆေးကုသပေးတဲ့ အစိုးရ ယာယီဆေးခန်းတွေကို ဆေးကုသခွင့် ရရှိဖို့ အကြိမ်ပေါင်းများစွာ သွားခဲ့သော်လည်း ကောင်းမွန်စွာ ဆေးဝါး ကုသမှု မရှိခဲ့ကြောင်း သိရပါတယ်။
ပါးစပ်ကင်ဆာ ဖြစ်နေတယ်လို့ ယူဆရပြီး ပါးစပ်မှ အသားများ တနေ့တခြား ကြွေကြလျက်ရှိတဲ့ အန်ဂျူမာဟာ ဆရာဝန်တယောက်မျှ မပြသနိုင်ခဲ့တဲ့အတွက် သူမ ဘာရောဂါဖြစ်လဲ ဆိုတာကိုတောင် တိတိကျကျ မသိဘူးလို့ ပြောပါတယ်။
အန်ဂျူမာရဲ့ ကျန်းမာရေး အခြေအနေမှာ တစ်ရက်ထက်တစ်ရက် ဆိုးရွားလာပြီး မျှော်လင့်ချက် ကင်းမဲ့စွာဖြင့် သေခြင်းတရားကို ပဲ စောင့်မျှော်နေရတယ်လို့ ဒုက္ခသည်စခန်းမှာရှိတဲ့ ၄င်းနဲ့ ဘဝတူ တယောက်က ပြောကြားပါတယ်။
ရခိုင်ပြည်နယ်တွင် ၂၀၁၂ ခုနှစ် ဇွန်လနှောင်းပိုင်း ဖြစ်ပွားခဲ့သည့် အကြမ်းဖက်မှုများကြောင့် ဒေသခံ မွတ်စလင်မ် ၁ သိန်းကျော် ဟာ အိုးအိမ်စွန်ခွါ ထွက်ပြေးခဲ့ရပြီး ဒုက္ခသည်စခန်းများမှာ နေထိုင်လာရတာ အခုဆိုရင် ၃ နှစ်ကျော်ရှိလာပြီဖြစ်ပါတယ်။
Leave a Reply
You must be logged in to post a comment.