ဒီဇင်ဘာ ၃၊ ၂၀၁၅
M-Media
– ၂၀၁၆ ခုနှစ်အတွက် အစ္စလာမ့်ဘဏ်လုပ်ငန်း ယှဉ်ပြိုင်မှုဆိုင်ရာ အစီရင်ခံစာအရ ရှရီအသ်တရားတော်နှင့်အညီ ဆောင်ရွက်သည့် စီးပွားရေးဘဏ်လုပ်ငန်းတန်ဖိုးမှာ ပင်လယ်ကွေ့ပူးပေါင်းဆောင်ရွက်မှု ကောင်စီ GCC အဖွဲ့ဝင်နိုင်ငံများ၌ ၂၀၁၄ ခုနှစ်တွင် ၁၈ ရာခိုင်နှုန်း (ဒေါ်လာ ၉၁ ဘီလီယံဖိုး) တိုးလာခဲ့ပြီး အစ္စလာမ့်ဘဏ်လုပ်ငန်းမှာလည်း ခိုင်မာသည့် တိုးတက်မှုများ ရှိမည်ဟု မျှော်လင့်ရသည်။
ကမ္ဘာတစ်ဝှမ်း အစ္စလာမ့်ဘဏ်လုပ်ငန်းများ ပါဝင်သည့် စီးပွားရေးဘဏ်များ တန်ဖိုးမှာ ကန်ဒေါ်လာ ဘီလီယံ ၉၂၀ ကျော်လွန်မည့်အနေအထား ရှိနေပြီး နှစ်စဉ်တိုးတက်မှုမှာ ၁၆ ရာခိုင်နှုန်းခန့် ရှိနေသည်။
အဆိုပါ အစ္စလာမ့်ဘဏ်လုပ်ငန်းများမှာ ကာတာ၊ အင်ဒိုနီးရှား၊ ဆော်ဒီအာရေဗျ၊ မလေးရှား၊ ယူအေအီးနှင့် တူရကီနိုင်ငံများတွင် အခြေစိုက်ပြီး ၂၀၁၅ ခုနှစ်တွင် ထိုလုပ်ငန်း၏ တန်ဖိုးမှာ ကန်ဒေါ်လာ ၈၀၁ ဘီလီယံကို ကျော်လွန်ဖွယ်ရှိနေကာ နိုင်ငံတကာ အစ္စလာမ့်ဘဏ်လုပ်ငန်းများ တန်ဖိုး၏ ၈၀ ရာခိုင်နှုန်း ရှိလာမည်ဖြစ်သည်။
‘သမိုင်းကြောင်းအရ ခိုင်မာတဲ့ ဈေးကွက်အချို့မှာ တိုးတက်မှုနှုန်းက ဒီလုပ်ငန်းကြီးထွားမှုကို ရိုက်ခတ်စေတဲ့ မတူညီတဲ့ အကြောင်းအရာတွေနဲ့အတူ ကွဲလွဲပါတယ်။ တူရကီမှာဆိုရင် ပထ၀ီဝင်နိုင်ငံရေးက အစ္စလာမ့်ဘဏ်လုပ်ငန်း တိုးတက်မှုကို ရိုက်ခတ်ပေမယ့် ကျဆင်းမှုကတော့ ခဏတာလောက်ပဲ ရှိပါတယ်။ အင်ဒိုနီးရှားကတော့ ဒီလုပ်ငန်းမှာ တိုးတက်ဖို့ အားပေးတိုက်တွန်းမှုတွေ အများကြီးလိုအပ်ပါတယ်’ ဟု ကမ္ဘာလုံးဆိုင်ရာ အစ္စလာမ့်ဘဏ်လုပ်ငန်းစင်တာ၏ မိတ်ဖက်လုပ်ငန်းရှင်တစ်ဦးဖြစ်သူ အက်စ်ဟာရ် နဇင်းမ်က ပြောကြားခဲ့သည်။
စီးပွားရေးအကွက်အကွင်းကောင်းသည့် ယူအေအီးနှင့် မလေးရှားတို့တွင်မူ အစ္စလာမ့်ဘဏ်လုပ်ငန်းတိုးတက်မှုမှာ ၂၀ မှ ၂၅ ရာခိုင်နှုန်းအထိ ရှိနေသည်။
နဇင်းမ်ကထပ်မံ၍ ”ဒီဈေးကွက်တွေမှာ စည်းမျဉ်းစည်းကမ်းတွေ၊ ထိန်းကွပ်ကြီးကြပ်မှုတွေ၊ ဈေးကွက်ဝေစုရဖို့အတွက် ဥပဒေနှင့် စာရင်းဇယားဆိုင်ရာ အခြေခံအဆောက်အအုံတွေလည်း လိုအပ်ပါတယ်”ဟု ပြောကြားခဲ့သည်။
Ref: INNA News
Leave a Reply
You must be logged in to post a comment.