News @ M-Media

အမေရိကန် သံအမတ်ကြီးကို ဒုက္ခသည်စခန်းက မွတ်စလင်မ်များမှ ဘာတွေ ဆွေးနွေးခဲ့ကြသလဲ

ဒီဇင်ဘာ ၁၈ ၊ ၂၀၁၅
M-Media
မောင်မြင့်လှိုင်( CJ) ပေးပို့ပါသည်။

Derek Mitchell, Washington's special representative to Myanmar, talks during a press conference at Yangon International Airport in Yangon, Myanmar Wednesday, Sept. 14, 2011. (AP Photo/Khin Maung Win)
မြန်မာနိုင်ငံဆိုင်ရာ အမေရိကန် သံအမတ် Derek Mitchell ၊ မြန်မာနိုင်ငံဆိုင်ရာ ဒိန်းမတ် သံအမတ်နှင့် မြန်မာနိုင်ငံဆိုင်ရာ ကုလသမဂ္ဂ ဌာနေ ကိုယ်စားလှယ် တို့ ပါဝင်သော ကိုယ်စားလှယ် အဖွဲ့သည် ၁၇.၁၂.၂၀၁၅ ကြာသပတေးနေ့ နံနက် ၉း၀၀ နာရီ အချိန်တွင် ရခိုင်ပြည်နယ် စစ်တွေမြို့မှာရှိတဲ့ သက္ကယ်ပြင် ဒုက္ခသည် စခန်းသို့ ရောက်လာပြီး မွတ်စလင်မ်  ရပ်မိရပ်ဖ ၇ ဦး နှင့် တွေ့ဆုံပြီး လက်ရှိကြုံတွေ့နေရသောအခက်ခဲနှင့် ရခိုင်လူထုနှင့် အနာဂတ်ပြန်လည်သင့်မြတ်ရေး သဟဇာတဖြစ်မြောက်ရေး နှင့်အတူ ယှဉ်တွဲနေထိုင်ရေးနှင့် ပတ်သက်ပြီး အပြန်အလှန်ဆွေးနွေးခဲ့ကြတယ်လို့ သိရပါတယ်။

မွတ်စလင်မ် ရပ်မိ ရပ်ဖများမှ ဆွေးနွေး တင်ပြခဲ့သည်မှာ
ရခိုင်ဒေသမှ မွတ်စလင်မ် များ သွားလာရေး၊ ကျန်းမာရေး၊ ပညာရေး အစစ အရာရာ ပိတ်ပင် ခြင်းခံနေရပြီး အကျဉ်းထောင် အတွင်းနေသလို ဘဝ ခရီး ဖြတ်သန်းနေရကြောင်း၊
တက္ကသိုလ်ကျောင်းသားများ သည် ၂၀၁၂ ဇွန်လ အရေးအခင်း ဖြစ်ကတည်းကပင် ယနေ့ထိ တက္ကသိုလ် တက်ခွင့်မရသေးကြာင်း၊
ဒီ သုံးနှစ်တာ ကာလ အတွင်း ဆယ်တန်း အောင်မြင်ခဲ့သော ရိုဟင်ဂျာ မွတ်စလင်မ် ကျောင်းသားများလည်း တက္ကသိုလ် တက်ခွင့်မရဘဲ ပညာရေးနဲ့ ဝေးကွာလျက်ကြောင်း၊
ကျန်းမာရေး ရှူ့ထောင့်မှကြည့်ရင်လည်း ဒုက္ခသည် စခန်းတွေမှာ ကျန်းမာရေးဌာန မှ ချပေးထားတဲ့ အရေးပေါ်ဆေးခန်းတွေကို တစ်ပတ်မှာ ၃/ ၄ ရက်လောက်သာဖွင့်ပြီး ဆရာဝန်တွေ ပုံမှန်မလာခြင်း၊
ဆေးဝါး လုံလောက်မှုမရှိခြင်း၊ လိုအပ်သည့်ဆေးဝါးများ မရခြင်း၊ စသည့် အခက်အခဲပေါင်းမြောက်မြားစွာနဲ့ရင်ဆိုင်နေကြောင်း၊
သွားလာရေး အပိုင်းမှာ ဆိုရင် ဒုက္ခသည် စခန်းမှာပဲပိတ်မိနေရပြီး လွတ်လပ်စွာ သွားလာခွင့်မရကြောင်း၊
ကမ္ဘာ့ စားနပ်ရက္ခာ ကူညီပံ့ပိုးရေး အဖွဲ့မှ ထောက်ပံ့နေသည့် စားနပ်ရိက္ခာဖြင့် လုံလောက်မှုမရှိဘဲ နေထိုင်စားသောက်နေရကြောင်း၊
မိမိတို့ ယခင်မူလ နေထိုင်ခဲ့သည့်နေရာတွင် ပြန်လည်နေထိုင်လိုကြပြီး၊ ရခိုင်လူထုနှင့် ငြိမ်းချမ်းစွာ အတူယှဉ်တွဲနေထိုင်လိုကြောင်း၊
ရခိုင်လူထုနှင့် ပြန်လည်သင့်မြတ်ရေး သဟဇာတဖြစ်မြောက်ရေး အတူယှဉ်တွဲနေထိုင်ရေး အပိုင်းတွင် မွတ်စလင်မ်များနှင့် ရခိုင်တိုင်းရင်းသားများကို  မျက်နှာချင်းဆိုင် တွေ့ဆုံဆွေးနွေးပွဲ တစ်ရပ်ပြုလုပ်ပေးစေလိုကြောင်း၊
၎င်းတွေ့ဆုံပွဲ၌ နိုင်ငံတကာ သံအမတ်များ နိုင်ငံတကာ ကိုယ်စားလှယ်များ မီဒီယာများ ပါဝင်ရမှာ ဖြစ်ပြီး လူထု နှစ်ရပ် အပြန်အလှန် ပြန်လည်သင့်မြတ်ရေး သဟာဇတ ဖြစ်မြောက်ရေး အတူယှဉ်တွဲ နေထိုင်ရေး စသည်များကို မျက်နှာ ချင်းဆိုင် ဆွေးနွေး လိုပါကြောင်း၊ မွတ်စလင်မ်များ အပေါ် ရခိုင်တိုင်းရင်းသားများ နားလည်မှုလွှဲနေတာ တွေကို ရှင်းပြပြီး တွေ့ဆုံဆွေးနွေး လိုကြောင်း၊
နှစ်ဖက်လူထု တွေ့ဆုံမှု မရှိဘဲ တစ်ဖက်နှင့် တစ်ဖက် စကား ကမ်းလှမ်း သယ်ဆောင်ယူလာခြင်းဖြင့် သဟဇာတ ဖြစ်မြောက်ရေး အတူယှဉ်တွဲနေထိုင်ရေး ကိစ္စ အဆင်ပြေမှာ မဟုတ်ကြောင်း ဆွေးနွေး တင်ပြခဲ့တယ်လို့ သိရပါတယ်။

ကိုယ်စားလှယ်အဖွဲ့သည် ရပ်မိရပ်ဖတွေ ဆွေးနွေး တင် ပြခဲ့သည်ကို မှတ်တမ်းတင်ရေးသားပြီး ၁၀း၃၀ အချိန်တွင် ဆွေးနွေးပွဲ အဆုံးသတ်ပြီး ထွက်ခွာခဲ့ကြောင်း ဆွေးနွေးပွဲတက်ရောက်ခဲ့သူ မွတ်စလင်မ်ရပ်မိရပ်ဖ တစ်ဦးက ပြောပါတယ်။

အမေရိကန်သံအမတ်ကြီးဟာ ရခိုင်အမျိုးသားပါတီ ANP ထိပ်ပိုင်း ခေါင်းဆောင်အချို့နဲ့လည်း သီးသန့်တွေ့ဆုံခဲ့ပြီး ရခိုင်တိုင်းရင်းသားတွေနဲ့ မွတ်စလင်တွေ အကြား နှစ်ဘက်ပြန်လည်သင့်မြတ်နိုင်ရေးကိစ္စရပ်တွေ၊ ပါတီရဲ့ သဘောထား ရပ်တည်ချက်တွေကို ဆွေးနွေးခဲ့ကြတယ်လို့ RFA ရဲ့ ဖော်ပြချက်အရသိရပါတယ်။

Comments

Leave a Reply