ဇန်န၀ါရီ ၂၁၊ ၂၀၁၆
M-Media
– အသင်းတွင် ကစားခွင့်မရသည့်အတွက် စိတ်ပျက်မိပြီး အသင်းမှ ထွက်ခွာသွားချင်သည်ဟု မန်ယူကွင်းလယ်လူ အန်ဒရီယက်စ် ပီရီရာက ပြောကြားလိုက်သည်။
အသက် ၂၀ အရွယ် ပီရီရာမှာ မန်ယူသို့ ရောက်ရှိလာပြီးကတည်းက ၇၈ မိနစ်သာကစားရသေးပြီး ကစားရသည့်ပွဲများမှာလည်း လိဂ်ဖလားပွဲများဖြစ်သည်။ လိဂ်ဖလားတွင် မန်ယူမှာ ၂ ပွဲကစားရပြီး ချန်ပီယံရှစ်အသင်း မစ်ဒယ်ဘရော့အား ပင်နယ်တီဖြင့်ရှုံးနိမ့်ကာ ထွက်ခဲ့ရပြီဖြစ်သည်။ ပီရီရာကမူ မိမိအနေဖြင့် မန်ယူတွင် ကစားချင်သော်လည်း လက်ရှိအချိန်တွင် အငှားဖြင့် ထွက်ချင်သည်ဟု ဖွင့်ဟခဲ့သည်။
“ကျွန်တော်ဟာ ယူနိုက်တက်အတွက် အလုပ်လုပ်နေတာပါ။ ဘရာဇီးလ်မှာ ပါဝင်ဖို့အတွက်လည်း ကျွန်တော် ခြေစွမ်းခြေစ ပြသရပါမယ်။ ဒါ့ကြောင့် ပိုမိုကစားဖို့နဲ့ အခွင့်အရေးပိုရဖို့လိုပါတယ်။ အိုလံပစ်ပြိုင်ပွဲမှာ ကစားရဖို့ဆိုတာ ကြီးမားတဲ့ အိပ်မက်တစ်ခုပါ” ဟု ပီရီရာက ပြောကြားခဲ့သည်။
မန်ယူတွင် ကစားခွင့်မရသော်လည်း ဗန်ဂါးလ်အား အပြစ်မတင်ဟု ဆိုသည်။
“ဆက်ပြီးကြိုးစားဖို့ သူက ကျွန်တော့်ကို တိုက်တွန်းပါတယ်။ ဒါမှ အခွင့်အရေးဟာ တစ်နေ့ပေါ်လာမှာပါ။ တစ်ခါတစ်လေ ကျွန်တော် စိတ်ပျက်မိပါတယ်။ ဘာ့ကြောင့်လည်းဆိုတော့ ကျွန်တော် မကစားရဘူးလေ။ ဒါပေမယ့် နည်းပြကတော့ ကျွန်တော်နဲ့ အမြဲတမ်းစကားပြောပါတယ်”
Ref: Goal
Leave a Reply
You must be logged in to post a comment.