News @ M-Media

သမ္မတအိုဘားမား ဟောလီးဝုဒ်အလှူရှင်များနှင့် လျှို့ဝှက်တွေ့ဆုံ

ဖေဖော်ဝါရီ ၁၅၊ ၂၀၁၆
M-Media

obama 4

– အမေရိကန်သမ္မတ ဘာရက်အိုဘားမားဟာ ဒီမိုကရက်တစ်ပါတီရဲ့ အဓိကအလှူရှင်တွေဖြစ်တဲ့ ဟောလီးဝုဒ်သူဌေးသုံးယောက်နဲ့ ပြီးခဲ့တဲ့တစ်ပတ်အတွင်းမှာ သီးသန့်ညစာစားခဲ့ပြီး ဆွေးနွေးမှုတွေ ပြုလုပ်ခဲ့တယ်လို့ သိရပါတယ်။

အိုဘားမားနဲ့ သီးသန့်ညစာစားပွဲကို တက်ရောက်ခဲ့သူတွေကတော့ DreamWorks ရုပ်ရှင်ထုတ်လုပ်ရေးရဲ့ စီအီးအို ဂျက်ဖရီ ကတ်ဇင်ဘာ့ဂ်၊ ဝေါလ်ဒစ္စနေစတူဒီယို ဥက္ကဌ အလန်ဟွန်း၊ နာမည်ကြီး ရုပ်ရှင်သရုပ်ဆောင် ၀ီလ်စမစ်တို့ ဖြစ်ပြီး ဘာတွေဆွေးနွေးခဲ့လဲဆိုတာကိုတော့ အိုးဘားမားအစိုးရက ထုတ်ဖော်ပြောကြားခြင်း မရှိခဲ့ပါဘူး။

အိုဘားမားဟာ ဒီမိုကရက်တစ်ပါတီအတွက် ရန်ပုံငွေရှာဖွေပေးသူတွေ၊ ရုပ်ရှင်သရုပ်ဆောင်တွေနဲ့တွေ့ဆုံဖို့ လော့စ်အိန်ဂျလိစ်ကို ရောက်ရှိစဉ်မှာ ဒီလို ညစာစားခဲ့တာဖြစ်ပါတယ်။ အခုတစ်ကြိမ်ဟာ ၂၀၀၉ ခုနှစ် သမ္မတဖြစ်ပြီးနောက် လော့စ်အိန်ဂျလိစ်ကို အိုဘားမားက ၂၁ ကြိမ်မြောက် ရောက်ရှိခဲ့တာဖြစ်ပါတယ်။

ရန်ပုံငွေရှာဖွေတဲ့ပွဲတွေကိုလည်း ပြုလုပ်ခဲ့ကြပြီး အဲဒီအထဲကနှစ်ခုရဲ့ လက်မှတ်တွေဟာ ဒေါ်လာ ၃၃၄၀၀ အထိ ကျသင့်တယ်လို့ သတင်းတွေကဆိုပါတယ်။ ဒါပေမယ့် ကတ်ဇင်ဘာ့ဂ်၊ ဟွန်းနဲ့ ၀ီလ်စမစ်တို့ တက်ရောက်ခဲ့ခြင်း မရှိခဲ့ဘဲ ရန်ပုံငွေပွဲတွေပြီးမှ ညစာစားခဲ့ကြတာပါ။ တွေ့ဆုံမှုအသေးစိတ်ကိုလည်း ထုတ်ဖော်ပြောကြားခဲ့ခြင်း မပြုခဲ့ပါဘူး။

ကတ်ဇင်ဘာ့ဂ်ဟာ အိုဘားမားအတွက် အဓိကအလှူရှင်ဖြစ်ပြီး ၂၀၁၂ ခုနှစ်အတွင်းက အိုဘားမားထောက်ခံရေးအဖွဲ့ကို ဒေါ်လာသုံးသန်းလှူဒါန်းခဲ့ကာ အခုတစ်ခါ ကလင်တန်ဘက်ကိုလည်း ဒေါ်လာတစ်သန်း လှူဒါန်းခဲ့ပြီး ဖြစ်ပါတယ်။ ၀ီလ်စမစ်ကတော့ အိုဘားမားအတွက် မဲဆွယ်ရေးလုပ်ငန်းစဉ်တွေမှာ အလှူငွေအများအပြား လှူဒါန်းခဲ့တာဖြစ်ပြီး ၂၀၁၂ ခုနှစ်က ၎င်းနေအိမ်မှာလည်း ဒေါ်လာ ငါးသိန်းအထိ အလှူငွေ ကောက်ခံပေးခဲ့ပါတယ်။

Ref: RT

Comments

Leave a Reply