ဖေဖော်ဝါရီ ၁၆၊ ၂၀၁၆
M-Media
– ကမ္ဘာ့အကြီးဆုံး ရေနံထုတ်လုပ်သူ ၂ နိုင်ငံဖြစ်သော ဆော်ဒီနှင့် ရုရှားတို့မှာ ရေနံထုတ်လုပ်မှုကို တိုးမြှင့်ခြင်းမပြုရန်အတွက် သဘောတူညီခဲ့ရသည်ဟု သိရသည်။
၂၀၁၄ ခုနှစ်မှစ၍ ၇၀ ရာခိုင်နှုန်းကျော် ကျဆင်းခဲ့ပြီးနောက် ဗင်နီဇွဲလားနှင့် နိုက်ဂျီးရီးယားတို့ကဲ့သို့ အိုပက်အဖွဲ့ဝင် နိုင်ငံများမှာ အရေးပေါ်အစည်းဝေးခေါ်ရန် တိုက်တွန်းခဲ့ပြီး ယနေ့တွင် ရုရှားနှင့် ဆော်ဒီတို့ပါအ၀င် ဆွေးနွေးမှုများ ပြု လုပ်ခဲ့ကာ ထိုကဲ့သို့ ရလဒ် ထွက်ပေါ်လာခြင်းဖြစ်သည်။
အစည်းဝေးအပြီးနောက် ရုရှားစွမ်းအင်ဝန်ကြီး အလက်ဆန်ဒါ နိုဗက်နှင့် ဆော်ဒီ ရေနံဝန်ကြီး အလီ အလ်-နိုင်မီတို့က ဇန်န၀ါရီလတွင် ထုတ်လုပ်ခဲ့သည့် ပမာဏလောက်အထိရောက်အောင် လျှော့ချရန်သာ လိုအပ်မည်ဖြစ်ပြီး မိမိတို့အနေဖြင့် ၀ယ်သူများ၏ တောင်းဆိုမှုကို ဖြည့်ဆည်းပေးချင်သည်ဟု ပြောကြားခဲ့သည်။
ဆော်ဒီကမူ စောစောပိုင်းက အဓိကရေနံထုတ်လုပ်သည့်အခြားနိုင်ငံများ ရေနံထုတ်လုပ်မှုကို မလျှော့ချပါက မိမိတို့လည်း လျှော့ချမည်မဟုတ်ဟု ပြောကြားခဲ့သည်။ ရုရှားကလည်း အခြားနိုင်ငံများက ပါဝင်မည်ဆိုလျှင် ပူးပေါင်းဆောင်ရွက်သွားမည်ဟု ပြောကြားခဲ့သည်။
Ref: RT
Leave a Reply
You must be logged in to post a comment.